¹ N’odja karnel firma na monti sion, ku sentu i korenta i kuatru mil ku na se testa i sirbidu si nomi ku nomi di si pape

² N’obi un vos na seu suma barudju di yagu di mar, suma vos di turbada, suma vos di arpa ku na tokadu. ³ E na kanta suma un kantiga nobu dianti di tronu, dianti di kuatru limarias garandis, i di garandi, ma ningin ka pudi sina kil kantiga si ka ki sentu i korenta i kuatru mil ku kumpradu na tera.

⁴ Esis i kilis ku ka kontaminadu ku mindjeris, pabia elis i virjens, esis i kilis ku ta sigi karnel pa nunde ki bai, esis i kilis ku na metadi omis e kumpradu suma purmeru kebur pa Deus ku karnel.

⁵ Na se boka i ka otchadu n’ganu, pabia e otchadu sin kulpa dianti di tronu di Deus. ⁶ N’odja andju na bua na metadi seu, i tene evanjeliu iternu pa konta pa kilis ku mora na tera, pa tudu nasons, tribus, lingus, ku povus.

⁷ I na fala bo medi Deus, bo dal gloria, pabia ora di si djustisa tchiga; bo adora kil ku kumpu seu, tera, mar, ku fontis di yagu. ⁸ utru andju fala: ikai, i kai Babilonia, ki sidadi garandi ki da tudu nasons si binhu di raiba, ku pekadu seksual. ⁹ Terseru andjusigi elis i girta ku garandi vos i fala: si algin adora besta, ku si imajeno i risibi sinal na si testa o na mon

¹⁰ I tem tambi ku bibi binhu di raiba di Deus ku darmadu na si kopu di raiba, sim mistura , i na turmentadu ku fugu di n’sofri dianti di santus andjus, i dianti di karnel. ¹¹ Fumu di se turmenta na bata sibi pa tudu tempu, i kil djintis ku dora bestaka e ten diskansu nin di dia, nin dinoti

¹² Li ki sta pasensa di di santus, i kilis ku ta guarda mandamentus di Deus ku fe na Jesus. ¹³ N’obi un vos di seu ku falan skirbi sortiadu i kilis ku desdi gosi e na muri na Sinhor, sin, spiritu fala pa e diskansa di tarbadju se obras na kumpanha elis ¹⁴ Nodja un nuven branku, kinku sinta la iparsi ku fidju di omie tene na si kabesa un koroa di uru i na si mon n’oroto gudu.

¹⁵ Utru andju sai di templu i girta risu pa kil ku sinta na nuven, miti n’oroto bu kebra i tchiga dja ora di kebur, pabia tera sta dja maduru.

¹⁶ Kil ku sinta na tronu miti n’oroto i fasi kebur na tera. ¹⁷ I sai na templu ku sta na seu utru andju ku tene n’oroto gudu.

¹⁸ I sai di altar utru andju ku tene puder riba di fugu, i girta risu pa kil ku pega n’oroto gudu i falal: miti n’oroto na lugar di uva, ku na si katchus pabia uvas sta dja maduru. ¹⁹ Andju fasi kebur na lugar di uva, i mandal pa lagar di raiba di Deus

²⁰ Uva masadu na ki lagar fora di prasa i sai sangi te na altura di boka di kabalu i lagua trizentus kilometru.