¹ N’odja un andju forti ku na ria di seu, ku nuvens rodial, ku arkuiris riba di si kabesa, si rostu parsi ku sol, si perna i suma kuluna di fugu

² Na si mon i tene un librusinhu abertui piu si pe direita na mar, si pe skerdu na tera ³ I girta ku garandi vos, suma lion ku na pupa, kontra i girta seti turbada sai na si vos

⁴ Otcha ki seti turbada papia, nbai pa skirbi n’obi un vos di seu ku fala: guarda na sigridu kusas ku e seti turbada fala ka bu skirbil. ⁵ Kil andju ku odja e firma na mar, ku na tera i landanda si si min pa seu.

⁶ i djurmenta pa kil ku esisti pa sempri, el tan ku kria seu ku ku tera, ku mar, ku tudu ksas ku sta nelis, kuma i kana tarda.

⁷ Dia tchiga pa setimu andju toka si korneta garandi, Deus na fasi suma ki fala na si palabra dja, manera ki konta si servus , ku anunsiaduris. ⁸ Vos kun obi di seu i na papia utru bias ku mi i falan: bai toma librusinhu ku yabridu na mon di andju ku firma na mar, ku na tera.

⁹ Nbai pa andju nfalal pai i dan librusinhu, el i falan: tomal bu kumel i na malgos na bu stangu, i na dos na bu boka suma mel. ¹⁰ N’toma ki librusinhu, nkumel na nha boka i dos suma mel, ma otcha ku ngulil i malgos na nha stangu.

¹¹ E falan i pirsis pa bu torna anunsia rekadu di Deus pa manga di povus, nasons lingua ku reis