¹ Wala khantjuwelale, axun'na, wira mikettelo tjin'niwehaweha ntthu okathi onikhalawe? Waholo kinahimerya atthu atjuwelale mikettelo. ² Waholo, mwaha wa mikettelo, nthiyana ootheliya ori wamotja ni aiyawe okathi onikhalaya; numala aiyawe yakhwa, oyo otaphuliya m'miketteloni mwa otheliya. ³ Vano, oyo atheliya ni nlopwana nkina nlelo aiyawe akhalaka, oyo onamwihaniya namararuwa. Vano, wakhala iyawe onakhwa, oyo onataphuliya m'miketteloni, tjitjam'mo oyo atheliya khonikhala namararuwa. ⁴ Vano, axun'naka, nyuwo n'hokhwa m'miketteloni, mwaha wa erutthu ya Kristu, tjitjam'mo wira nkhale a ntthu nkina, eyo ti wi, Yoole ahumusiyale mwaalipa okhwa, wira nikumihe mihokorokho tja Muluku. ⁵ Waholo okathi narihu n'namani, tjootjivela tja itampi, tjikhumelelale mwaha wa mikettelo, tjaanivara nteko n'namani mwihu wira ikumihe mihokorokho tja wookhwani. ⁶ Wa tjotene, vano nootaphuwa m'miketteloni. Nikhwelale wa yeele naatthukweliyehu, wira nrumele osya N'nepa, ohiya tjoolepiya tja khalayi. ⁷ Vano n'nikela ohimya exeni? Mikettelo tjirina etampi? N'nari. Vano, miyo nkatjuwela etampi tjahaari mikettelo. Okhala wira miyo nkatjuwela waamwelela warokhala mikettelo khitjaahimya: ''N'hamwelele''. ⁸ Numala etampi, ettottelaka muraarelo mwaha wa okathi owaniyaya tjoruma, tjookiwanela wakhula mphantti wa waalwelela. Waholo wojikhala mikettelo, etampi ehokhwa. ⁹ Kihinatthi miyo kaakhala wohikhala mikettelo, numala okathi tjoruma tjiwalyaya etampi yookhumelela ni miyo kihokhwa. ¹⁰ Tjoruma, tjakela owana okumi, ewanale okumi wa hiyo. ¹¹ Waholo etampi, ettharelaka okathi mwaha wa mikettelo, yokiwooka. Ni mwaha wa mikettelo, kihookhwa. ¹² Vano, mikettelo titjowarya, ni tjoruma titjowarya, tjekekhayi ni tjoorera. ¹³ Vano, yaari yorera yokinva? N'nari. Numala etampi, wira yoniherye ntoko etampi eriyari wa yorera, yokikumiherya miyo okhwa. Eyo, wira mwaha wa tjoruma etampi yintjoniherye ntoko yotthekiha, woovikana nthinto. ¹⁴ Okhala wira notjuwela wira mikettelo ti tja m'munepani, numala miyo ka ntthu a n'namani, kitumihiye ntoko nanteko a etampi. ¹⁵ Okhala wira ele enipakaka, wekekhayi nkinitjuwela. Waholo eniphavelaka opaka, miyo nkinipaka; ele miyo kininyokhaka, miyo kin'nipaka. ¹⁶ Numala kapakaka ehiniphavelaka, kin'nakhulela mikettelo, wira mikettelo titjoorera. ¹⁷ Numala vano khahiyo tho miyo kinipaka in'yo, numala etampi enikhala wa miyo. ¹⁸ Waholo kotjuwela wira wa miyo, eyo ti wi, mwerutthuni mwaka, khatjinikhala tjitthu tjorera, waholo yoophavela tjitthu tjorera eri wa miyo, numala miyo nkiniwerya opaka. ¹⁹ Waholo yorera kinitthunaka opaka, nkinipaka, numala yotakhala kihiniphavelaka opaka, eyo kin'nipaka. ²⁰ Vano, kapakaka ehiniphavelaka opaka, vano khahiyo miyo kinipaka, numala etampi eri wa miyo. ²¹ Kin'nitjuwela, vano, wa miyo, mikettelo tjotthuna opaka tjoorera, numala tjotakhala tjiri wa miyo. ²² Waholo, ni ntthu a n'hina, kin'nitthara mikettelo tja Muluku. ²³ Wa tjotene, kin'niweha mikettelo tjovirikana mweerutthuni mwaka, tjiniwana ni mikettelo isya tjiri m'muru mwaka. Eyo en'nikitthukhwa m'miketteloni tjiri mweerutthuni mwaka tja itampi. ²⁴ Miyo ka ntthu otakhaliya! Tipani onikela okoopola erutthu ila enikhwa? ²⁵ Mahala a Muluku mwa Yesu Kristu Apwiya ihu! Tjitjam'mo, waholo, miyo kinirumeela mikettelo tja Muluku ni mupuwelo aka, wa tjotene, ni erutthu miyo kinirumeela mikettelo tja itampi.