¹ Vano hiyo, nilipale, nihana ovilela otettheya wa akina ni nihitjiveliheke yohiru. ² Wakhula ntthu wa hiyo antjiveliheke namwattamanani awe, waholo eyo tiyorerela wun'nuwa wawe. ³ Waholo tho Kristu khaitjivelihale yoyo; numala, ntoko elepiyaya: ''Maruwano wa ale yooruwanaleni nyuwo akimorela miyo.'' ⁴ Waholo elepiye khalayi elepiye wira nileelihiye, ni yophelatja wira, mwaha wa ovilela ni olipihiya wa Tjolepiya, nikhalane nroromelo. ⁵ Muluku oovilela ni oolipiha ovaheni mupuwelo m'motjaru woohimala, nkina ni nkhwawe, ottharihelaka Kristu Yesu, ⁶ wira mwinttottopele wa ntju nimotja Muluku ni Tithi a Apwiya ehu Yesu Kristu. ⁷ Vano mwaakhelaneke nkina ni nkhwawe, ntoko Kristu owakhelalyaweni, wira Muluku avuwihiye. ⁸ Waholo kinihimya wira Kristu opakiya n'holeli a wun'nuwa mwaha wa ekhweeli ya Muluku, wira yiiraneye anatiri yamaneliyaya axitithihu, ⁹ ni wira amalapo anvuwihe Muluku mwaha wa mahala Awe. Tjitjam'mo tjilepiyaya: ''Vano kinarowa wohimyani Nyuwo wariyari wa amalapo, ni kinawipelani itjipo wa Ntjina Ninyu''. ¹⁰ Ni tho on'nihimya: ''N'hakalaleke, amalapo, ni atthu Awe.'' ¹¹ Ni on'nitthikela ohimya: ''Mwavuwihe Apwiya, nyuwo otene, amalapo; Mwaavuwihe, atthu otene.'' ¹² Ni tho Yesaya ohimya: ''Tjinamela mitathari wa Yesse, ni Ele enivenya wira awettihe amalapo. Wa Oyo, amalapo anaroromela.'' ¹³ Vano, Muluku oolipelela otjariheni ohakalala ni nrettele wa ele n'namininyu, wira nkhalane olipelela wa N'nepa Wawela. ¹⁴ Miyo tho kookupali wira nyuwo, axin'na aka, motjareya tho orera murima ni otjuwela. Kookupali wira n'nawerya tho olipihani nkina ni nkhwawe. ¹⁵ Waholo kiholepelani wohihiya etthu wira kiwupuxeryeni tho, mwaha wa etthuvo kivahiyaka ni Muluku, ¹⁶ wira kikhalale nantenko a Yesu Kristu oorumiya wa amalapo, wira kivahereriye ntoko nkuttho wa Ehapari ya Muluku. Kihana opaka eyo, vano, wira yoovaha ya amalapo ekhale yowakheliya, oorerihiya ni N'nepa Wawela. ¹⁷ Kihana, vano, wikhurutula wa Yesu Kristu wa tjitthu tja Muluku. ¹⁸ Tjitjo, nkinihimya etthu, wohikhala etthu Yesu apakalyawe n'hina wa miyo wa winwelela wa amalapo, n'hina wa molumo ni miteko, ¹⁹ n'hina wa owerya ni ithonyeryo, n'hina wa owerya wa N'nepa Wawela; wira, okhuma Oyerusalemu ni nkherekher mpakha Oliriku, miyo koolaleya woomalela Ehapari ya Kristu. ²⁰ Tjitjam'mo, yoophelaka olaleya Ehapari, numala khahiyo nwe Yesu alaleiyalyawe, wira miyo kihiteke nipuro nohirerela. ²¹ Tjitjam'mo, ntoko elepiyaya: ''Wa ale ahilaleriye ananweha, ni ale ahinwale anatjuwela.'' ²² Ti vo, okathi muntji kokhottihiya owa wa nyuwo. ²³ Numala vano, nkirina tho nipuro elapo ela ni kin'niphavela ventji wakhula mwakha owa wa nyuwo, ²⁴ vano, miyo karowa Wesipanya, kin'nilipelela wowehani kaaviraka ni kiholiye ni nyuwo, numala okhala ni nyuwo okathi nkina. ²⁵ Numala vano, kinirowa Oyerusalemu kaarumele owarya. ²⁶ Waholo atthu a Omacedoniya ni wa Akaiya apaka yootakaniha wira yavahe atthu ohawa Oyerusalemu. ²⁷ Atthuna tjitjam'mo okhala wira, wekekhayi, ayo anamalokiha; waholo, wakhala amalapo ahirela mphantti tjitthu tja mun'nepani ni ayo, ahana tho warumela wa tjitthu tjinooneya. ²⁸ Vano, okathi onikela omaliha nteko oyo, ni kikhalana ekekhayi wira ayo ahakhela yovahiya eyo, kiviraka wa nyuwo, kinarowa Osipanya. ²⁹ Miyo kotjuwela wira, miyo kawa wa nyuwo, kinarowa n'hina wa mareliho a Kristu. ³⁰ Ni wa nyuwo, axin'na aka, n'hina wa Apwiye - hu Yesu Kristu, ni mwaha wa nifento na N'nepa, nwaneke wamotja ni miyo monlompani mwe - nyu Muluku wa miyo. ³¹ N'lompeke wira miyo kikhume w'ale ohin'welela oyudeya, ni wira nteko aka wakhuleliye oyerusalemu wa atthu oowarya, ³² wira ophiye wa nyuwo mwa ohakalala, ni otthuna wa muluku,ni wira okhale otakanihana ni nyuwo, okhalevo omumula. ³³ Wira n'rettele wa Muluku okhale ni nyuwo otene. Amem!