¹ Oreriya t'ale aleveleliye itampi tjaya, tjottheka tjaya itjipihiye. ² Oreriya t'ale APWIYA ahiniwonanaya yottheka, murohoni mwaya muhikhalalemo wotha. ³ Okathi miyo kamalalyaka, makhuv'aka yahotjeya kipulelaka n'ukhuwela mahuku otene. ⁴ Okhala wira othana n'uhiyu kanona oviruwa winyu; nrim'aka wanlikana n'imatta yowumma. ⁵ Miyo kihuhimeryani etampi aka, nkovitheryaleni tjottheka tjaka.Miyo kohimya wira: Kinimwahimerya APWIYA tjottheka tjaka; ni nyuwo mokilevlela tjottheka tjiralyaka. ⁶ Ti vavo otene ale anuroromelani yulapelekeni okathi wuxanka; matji otakhaliha yakhunela elapo, khanrwaa waphwanya atthu awo. ⁷ Nyuwo mwa ntjhawelo naka, nyuwo munnikitjuka okathi woxanka waka; kinnitthapa kilaleyaka wopola winyu. ⁸ Miyo kinamuvahani miruku, ni kinamuttutjihani ephiro ekhalalinyu otthara; miyo kinanamuvahani miruku ni kinamukhapelelani. ⁹ Nto nyuwo n'hikhale othipelela ntoko ekhavalo ni buru, tsihintjuwela etthu; tjinkhanyererihiya onivarela nteko, nyuwo mwahikhale tjitjo nnareriya. ¹⁰ Alipa otakhala anuphwanya oreriya wulupale, nto ale anaroromela APWIYA anurerihiya n'uphenta wawe. ¹¹ Anatjariya etteliyeke nrima, epuheke w'APWIYA, nyuwo atthu orera nrima mwattottopele APWIYA.