¹ Miyo kinnovuwihani, APWIYA okhala wira mokivenyiha ni mokikhaliha wira awanani aka ehitteliyeke nrima mwaha wa miyo. ² APWIYA, Muluku aka; miyo kihokhuwelelani nyuwo, ni nyuwo mokivoniha. ³ APWIYA, nyuwo movenyiha nnep'aka khurwana ottayi w'alipa okhwa; nyuwo mokhapelela okumi aka, wira miyo kihikhuruwele mmahiya mw'alipa okhwa. ⁴ Nwipele APWIYA, nyuwo atthu awe owarya, ntjukhurele ntjina naya novuwa. ⁵ Okhala wira oviruwa waya wakuva ovira nannanoru; nto omoriya waya ikharari onnikhala mahuku otene; wunla onnikhala ohiyu nto othana khuyakhala otheya. ⁶ Miyo kohimya ni nkhalelo aka worera: Nkinihapuwa-tho. ⁷ APWIYA, mwaha womoriya winyu ikharari, kanihimya wira nkinova-tho etthu; nto nyuwo okathi nkivithenlinyu ekhov'innyu, kahikala moxankani. ⁸ Miyo kihokhuwelelani nyuwo, Muluku aka; ni kihalapela APWIYA. ⁹ Kihimyaka: kimphwanya-ni yayeheya phome aka , wala kakhuruwela mmahiye? Ti vo ntthupi na vatthayani khaninrwaa wuttottopelani, wala olaleya orera winyu nrima? ¹⁰ Nkinwe, APWIYA, ni nkimorele ikharari miyo; nyuwo, APWIYA, mwa nkhaliheryo aka. ¹¹ Nyuwo mokirula oripiya waka nrima khutatusa otteliya nrima; nyuwo mokirula mattapwatta owikhupanyerya waka, khukiwariha otteliya nrima. ¹² Ti tjitjo ovuwa waka onawipelani nyuwo, ni khunimala-tho; APWIYA, Muluku aka, kinamuttottopelani mahuku otene.