¹ Nwupuwele APWIYA, nyuwoasana a Muluku oweryexa, nwupuwele apwiya n'uwerya waya n'uvuwa waya. ² Nwupuwele mwa ntjina naya mukokhoreleni Muluku; mwakokhorele mumpani mwaya mowarya. ³ Ntju n'APWIYA ninniruma mmatsini; Muluku ovuwa onnikukutteya; APWIYA annikhuwela mmatsini. ⁴ Ntju n'APWIYA ti nowerya; ntju n'APWIYA ti novuwa. ⁵ Ntju n'APWIYA ninkhera miri; APWIYA annikhera miri tja Olibano. ⁶ Ntju n'APWIYA ninnituphiha miyako ntoko enari; ninnithukumeliha miyako ntoko inyompe. ⁷ Ntju n'APWIYA ninnikawanya overunya olikanyihaka ni matthere a moro. ⁸ Ntju n'APWIYA ninnithukumeliha itakhwa ninniteteresa ilapo tjihinviraviriya. ⁹ Ntju n'APWIYA ninniparula miri ninnivarula makukhu a miri tja ntakhwani; atthu otene annavuwiha APWIYA mumpani mwaya mowarya. ¹⁰ APWIYA munaphuvuni; ni APWIYA anukhala mwene mahuku otene. ¹¹ APWIYA annavakha ekuru atthu aya; APWIYA anamwareriha atthu aya ni nrettele.