¹ Apwiya miyo kinnophetexani Nyuwo mokivaha ikuru. ² Apwiya tikuru tjaka, wilipihawakani wopowa waka, Apwiya ti Muluku, ti nttyawelo naka owo tinokisunka owo tu nikakiha, owo tunikiweriha wamini waka. ³ Miyo kinumukhuwela Muluku Owo tiri opwanela ovuwihiya; kokhala otaphuwa wale akilupatta. ⁴ Mikhoi tjo wokwani tjokirukurerya; ni mawimbi owopiha yahanle okipwetexa. ⁵ Mikhoi tje welaponi tjahalale okiwayiha; mirakho tjokwa tjahalale okihopha. ⁶ Movelavelani waka, kinakhuwela apwiya ni kinovekela Muluku aka; wa nenne mpani wawe owo oninwa mtju naka; ni okhuwelawaka wophiya wa eriyari awe ni mmaruni wawe. ⁷ Vano elapo yotene tja hithukumela; mpaka ni myako tja hithukumela mwithipelalyaya, tja hittikinyenya waha woviruwa Muluku. ⁸ Mmakhukuni waya wahokhua mwixi, moro wopwetexa wakhua m'mittuphani waya; ni makhala omoro yapharela wa yowo. ⁹ Muluku ahuramiha erimu khukhuruwa;vathi wari enyawo tjawe vari neku noripa. ¹⁰ Owo Ahokhuruwa aholiyaka ni malayikha-we ahivava vokweya vamapuphani vepheyo. ¹¹ Owo ahikhunela ni epiphi kwinpitha memmo; meku otikana ni otjareya epula, ni yahimurukurerya. ¹² Warya warinawe wa mmekuni wa himwarela, ni tjitjammo khumorihela maralala amoro. ¹³ Okathi yowo apwiya yahikukuttheya wirimo Muluku avuwexaka opaka etari; ni makhala amoro yahimwareya. ¹⁴ Owo ahivonya matthere, awanani aya yahimwareya; nuverunya ni etari yahiwomola yayo ¹⁵ Winxa waya wa ephareya wowoneya, mathipelo elapo yahoneneliya mwaha woviruwa wanyu apwiya wopihalyayu epheyo weri wa ephula nyu. ¹⁶ Okuma wirimu Muluku okiruma, ni okololela ntata; okikumiha mowintjani. ¹⁷ Owo okakiherya n'wanani ak owali, ni yale anikinyokha; okhala wira awo yari oweryexa okivikana miyo. ¹⁸ Awo yahikiphwanya nihuku novelavela waka; nto APWIYA akikhapelela miyo. ¹⁹ Awo akikumiha movelavelani; awo akopola, okhala wira annikiphenta miyo. ²⁰ APWIYA akitthuva mwaha wa atjariya aka; akireriha yonaka oloka wa nrima aka. ²¹ Okhala wira miyo kinnitthara iphiro tjaya APWIYA; n'nakhala nkihapuwale kin'hiyaka Muluku aka kipakaka tjotakhala. ²² Okhala wira ikhweli tjawe tjotene tjari wa miyo; ni nkikhottale mulumo awe. ²³ Nto miyo kinnimwinwelela yowo; ni nkitthekale. ²⁴ Tjitjammo APWIYA akitthuva mwaha wa etjariya aka; akireriha yonaka orera wa nrima aka. ²⁵ Nyuwo APWIYA mwinnatana nale ororomeleya; mwinnarerela nrima atthu oloka. ²⁶ Nyuwo mororomeleya n'atthu oloka; nto mwinnaviruwela atthu a mirima minli. ²⁷ Okhala wira nyuwo munniwopola ale aniyeviha, mwinnayeviha ale anisinnuwiha. ²⁸ Okhala wira nyuwo munnipattiha nthuko aka; APWIYA Muluku aka annikimwalela mwepiphini mwaka. ²⁹ Okhala wira ni nyuwene miyo kinnatuphela awanani aka; ni Muluku aka miyo kinnitupha mapuro ottukhuwa. ³⁰ Ephiro ya Muluku ti yowokowa; mulumo A'PWIYA t'ororomeleya; owo mwakiho oniwakiha otene yale anunroromela. ³¹ Okhala wira ti pani Muluku, ehikhalale APWIYA? Ni ti pani oninakiha ohikhalale Muluku? ³² Muluku tonikivaha ekuru; ni tonikivaha iphiro tjorera. ³³ Owo onnikhaliha metto tjaka tjoveyaveya ntoko nahe; ni onnikitjuka vamwako. ³⁴ Owo onnikittutjiha owana ekhotto, awo tanikikhomaliha okokha mura wolipa ni miyono tjaka. ³⁵ Nyuwo APWIYA munnikakiha munnikivaha ekuru ni wopola winyu, ni mokokolela ntata ninyu nolopwana; ni munnikilipiha. ³⁶ Nyuwo mokitjuka wira kihivariye n'awanani aka; ni inawu tjaka tjihikwakwattuwe. ³⁷ Kahalupattha awanani aka, ni miyo kahavara; ni nkihokolelale ottuli kihinatthi waxintta. ³⁸ Miyo kihamorihela vathi, khuhiwerya-tho ovenya; amorela vathi va inawu tjaka. ³⁹ Okhala wira nyuwo mokireherya ni ekuru tjinyu wira kiwanihe ekhotto; muhahaputsa oholo waka ale anikilupattha. ⁴⁰ Ni ekuru tjinyu kowomola aanani aka; kahapwetexa ale yakirukunuwela. ⁴¹ Awo yahikhuwelela okhaliheriya, nto khuvo awakihale; yahikhuwelela w'APWIYA, nto awo khiyawakhulelale. ⁴² Vano miyo kihanyakela khukhala ntoko ntthupi n'epheyo; miyo kihaphita khukhala ntoko mattophe a mphironi motothowa. ⁴³ Nyuwo mokakiherya atthu aka yakirukunuwelale; mokikhaliha nkhulupale a maloko; atthu miyo kahatjuwelalyaka annikirumela. ⁴⁴ Awo karumaka, annikinwelela; amalapo yakithanya miyo. ⁴⁵ Amalapo awo attettheya; ni khanumiha-tho nrim'aya. ⁴⁶ APWIYA ekhale, ettottopeliye awo nttjawelo naka; ni avuwihiye Muluku ti mopoli aka; ⁴⁷ Muluku okivaha waxintta awanani aka, ni ahakhaliha amalapo ipottha tjaka; ⁴⁸ Wa yole onkakiha mw'awanani aka; apwiya akivaha wavirikaniha awanani aka; Nyuwo minikakiha wa atthu otakhala. ⁴⁹ Ti mana, APWIYA, miyo ninittottopelani wa maloko otene, ni kiwipelakani ni ntjina ninyu; ⁵⁰ Nyuwo muninvaha mwene ekuru tjulupale wira apwetexe awanani awe, otene tjitjo munithonyerya ofenta wanyu ole onthanlalin'nyu Davidi, nasanawe ni otjulu awe wa mahiku otene.