¹ Apwiya mone,exariya aka; nmiriyane sana wunlawaka, mwakhelele ovekela waka eyano aka ehotthe. ² Wa eriyari wa ekhove anyu enukhuma olamula wanyu; mentho anyu aniweha ethu yo exariya. ³ Nyuwo munnitjuwela murima aka, hata ohinyu munikiwehaweha; nyu munokittokosa orattene ni moro; kkhuhiphanya khuhiphanya etthu nnakhala tjowupuwela wala mulumo aka. ⁴ Wa miteko tja tthu, wa mwaha wa mulumo wa eyano anyu miyo kinamwinyathi ephiro tjanyu. ⁵ Mahiku otene kinithara ephiro tjanyu kihitwelelaka n'nakhala kihituthunyaka. ⁶ Miyo kinokhuwelani nyuwo Muluku aka, okhala wira nyuwo munikakhula; munikitheterya maru anyu ni munnikinwa miyo, mwinwe mulumo aka. ⁷ Mukoniherye oerara wanyu murima ni ekiriri tjanyu, Nyuwo munopola ale anokhuluvelani wa ntatani niyu nelopwana wa yale avenya wa nyuwo. ⁸ Mukixunke toko nitho-nanyu; kinpitheke mmapuphani wanyu, ⁹ Mukakiherya ale anikilupatha; Awanani aka atjareya nrima anikirukurerya. ¹⁰ Ayo khanona othunku; wamalakuni waya anilavula nowintjona. ¹¹ Vano ayo anikilupatha mapuro tene arowaka; ayo nikiwehetjexa nimentho aya wira ekimorihela vathi. ¹² Anlikana nakharamu, aphavelaka okinyakatatja, ni ntoko akharamu oyevatja, akhala mowipitheya. ¹³ Muluku aka nvenye, nwomole ni mwapwetexe; ni ikuru tjanyu mukakiherye alipa otakhala. ¹⁴ Nuwerya wanyu mukopole mmatatani wanyu ayo-tho ari atthu anrowa okwa aniroromela ekumi ela pahi, mwapuhihe tjorera tja sunkeralyanyu; hata axanaya ni otjulu aya ovoneke. ¹⁵ Vano miyo kiwehaka ekhove anyu ni exariya; kinrowa owonani, mwakivenxa kinotteliwa murima kikhalaka nu nyuwo.