¹ Muluku aka, mukakhelele mukisunke okhala wira miyo kinkhuluvelani Nyuwo. ² Nyuwo apwiya murimaka onophelani nyuwo: Nyu mwa pwiya aka; mwahakhanle nyuwo miyo nkareriwa. ³ Vano atthu animwamini Muluku anoreriwa vatjene vanokitjivelexa okhalaka ni yawo. ⁴ Vano wa yale anettela amuluku ethiru; anaphanya ohawa wulupale Miyo akinrowa-tho wahelela mukuttho amuluku yayo nkinthuna oromola matjina aya wamalakuni waka. ⁵ Apwiya nyuwo mwathatjiri aka Nyuwo munikivaha tjorera tjotene mmatatani wanyu mokhala ekumi aka. ⁶ Koreriya ni tjorera tjikivahalnyu tjovaha tjanyu tjintji ni tjorerexa. ⁷ Miyo kinothapelani apwiya, akivaha miruku tjorera hata ohiyu ankhili aka anikopola. ⁸ Okathi pukathi kinnona wira apwiya ari nimiyo; okhla wira ayo anikivarela mono wira kihimore. ⁹ Timana murimaka ori wotteliya, ni eroho aka enitthapa; wekweli erutthu aka enikhala ni murrettele. ¹⁰ Okhala wira nyuwo apwiya khamunkihiya mmapuroni mwalipa okhwa khamunihiya eruthu ya murumeyi anyu yettaka mmahiye. ¹¹ Nyuwo mokithoyera ephiro yekumi; mukhala ka nimiyo munikitteliha murimava wa eriyarinyu; otjiveliwa ori mmatatani wiyu wohimala.