¹ Davidi ahukoha wira: Okala ntthu a etthoko ya Sawulu ohalale, ni ti pani ontthunaka omwirela tjorera mwaha wa Yonathani? ² Vapuwani va Sawuli, vahukhala nrumeyi, mmotja ihaniya Ziba, Davidi ahumwihaniha, khunkoha wira: Ti nyuwo Ziba? Ni owo ahumwakhula wira: Ayo ti yomi nrumey'inyu. ³ Ni mwene ahunkoha wira: Khahalale ntthu etthoko ya Sawuli, ni kimeirele pani tjorera mwaha wa Muluku? Ni Ziba ahumwakhula mwene wira: Nanlelo ohalale mwana mmotja a Yonathani, orakala metto. ⁴ Nave-tho mwene ahunkoha wira: Owo onikhala vayi? Ni Ziba ahumwakhula mwene wira: Onikhala oLo-debari, owannyawe Makiri, mwana Ammiyeli. ⁵ Mwene Davidi ahuruma wira arweeliye, ahikuxiya vapuwani va Makiri mwana Ammiyeli oLo-debari. ⁶ Waphiyalyawe oholo wa Davidi, Mefiboxethi mwana a Yonathani mwana aSawuli, ahukokhora uramaka mpakha vathi, anttittimiheryaka. Ni Davidi khwira: Mefiboxethi nyu. Ni owo ahakhula: Miyo va nrumey'inyu. ⁷ Davidi ahun'himerya wira: N'hove etthu, okhala wira miyo vekhweli kintthuna wupankelani tjorera mwaha wa Yonathani atithinyu, ni kinamuhokoloxeryani imatta tjotene tja Sawuli atithinyu; ni nyuwo nnulyaka

nkatthe wamotja ni miyo wametja vaka.

⁸ Ni owo ahurama-tho, khwira: Ki pani miyo nrumeyinyu, wira nkipankele tjorera kinari ntoko mwalapwa okhweene? ⁹ Nave-tho mwene ahumwihaniha Ziba, nrumeyi a Sawuli, ni khun'himerya: Mihakhu tjotene tjari tja Sawuli ni tja etthoko awe, miyo kinninvaha mwanawe ola pwiy'inyu. ¹⁰ Vano nyuwo nlimeke mmatta mwawe, nyuwo n'asan'inyu, ni arumey'inyu, ni mwahepha vale mihokhorokho tjene, wira tjarumeleke asana a etthoko ya pwiy'inyu; nto Mefiboxethi, mwana a pwiy'inyu onulyaka mahuku otene wa metja vaka. Ni Ziba arina asana muloko ni athanu ni arumeyi awe milo minli. ¹¹ Ni Ziba ahumwakhula mwene wira: Pwiya nrumeyinyu ola, onamwinwelela mulumo'inyu otene. Mefiboxethi, ahun'himerya mwene, kinullya wametja vinyu ntoko mwana a mwene. ¹² Mefiboxethi owo ahukhalalana mwanawe mwankhani, ihaniya ntjina nawe Mika. Ni atthu otene a etthoko ya Ziba yari arumeyi a Mefiboxethi. ¹³ Ni Mefibozethi owo akhala oYerusalemu, okhala wira alya mahuku otene wametja va mwene; ni ari orakala metto tjominli.