¹ Vano, Davidi, ahathukumanya anakhotto awe otene, ahathanla makhulupale aatthu ekonto emotja ni makhulupale atthu miloko miuloko. ² Ni ahakawa anakhotto iphantti ttharu ephantti yopacera ahiun'[holiha Yowabi, yonapili ahin'holiha Abixayi, mwana a Zerwiya, munnawe Yowabi, ni ephantti yonattharu ahin'holiha Itayi oGathi. Ni arumaka orwaa mwene ahahimerya anakhotto wira: Ni miyo kinarwaa ni nyuwo. ³ Nto atthu yahimwakhula wira: Hoye nyuwo n'hirwee ni hiyo,; okhala wira hiyo narwaaka womoliya, awo khanihelela, nnakhala entji awihu yakhwatja, awom khanonela etthu wa hiyo: Nto nyuwo nnalikana n'anakhotto ikonto muloko. Vano fatari n;haleke mwinttettheni nweryeke onikhaliherya. ⁴ Nave mwene ahiwakhula wira: Kinamwira tjintthun'inyu wona oloka. Ni Davidi ahemela vankhora, okathi yakhumaya anakhotto, ekswiyaka makoto atthu ekonto emotja ni makoto miloko muloko. ⁵ Ni mwene aharuma makhulupale awo Yowabi ni Abixayi ni Itayi, wira: Nkonele otthunku n'himwirihe yotakhala mmiravo owo Abasalomi. Ni anakhotto otene yahinwa molumo ala a mwene arumaka makhulupale otene aompeleliyaka Abasalomi. ⁶ Vano, anakhotto, yahikhumelela omathalani, arwaaka owana ekhotto n'atthu a Israyeli, ekhotto eyo yahituphelaniya ntakhwani mwa Efrayimi; ⁷ Anakhotto Abasalomi yahiweriya n'atthu a Davidi, nihuku nenno yahinviya atthu entji ikonto milokom mili. ⁸ Ekhotto yahimwarela elapo ele yotene, anakhotto yakhwelale ntakhwani , yahivikana ale yinviye ni ikatana. ⁹ Abasalomi ahikumana nannanoru n'anakhotto a Davidi: Abasalomi anwelale Buru, ni buru owo ahivira nkhitte mwa mwiri mulupale, warina miritta tjaya tjovitikanyeya, ni ikharari tja Abasalomi tjahivariya ni miritta n'ye; vano buru anwelalyawe ahivira atthyawaka, tjitjammo Abasalomi ahihala vavale atthukeleleiyene ikharari tjawe mitjulutjulu. ¹⁰ Nakhotto mmotja ahinweha, khurwaa on'himerya Yowabi, wira: Konweha Abasalomi atthukeleleiyene mitjulutjulu. ¹¹ Yowabi ahin'himerya ntthu ole anwanelale ehali ela wira: Tthiri nyuwo monweha, vano n'himwivelaleni? Mwamphwatale miyo, kamovahani ntjurukhu muloko tja parata, ni ntjako mmotja. ¹² Nlopwana owo ahimwakhula Yowabi wira: Hata kivahiyaka ntjurukhu ekonto emotja tja parata, miyo nkatthuna ottukhula ntata naka nna wira kimwinve mwana a mwene; hiyuo nihinwa otrattene molumo ohimeralyaweni nyu ni Abixayi ni Itayi, ahimyaka wira: Nkhalane ephole ahikhale ontthuna omwiriha yotakhala mmiravo Abasalomi. ¹³ Ohiya vo, kahamwiwelelale mwene ki kimwinvaka Abasalomi ( vano mwene anatjuwela okhala wira khivo etthu mwene ohinrwaawe otjuwela), ni nyu khamwakakiha. ¹⁴ Ni Yowabi ahihimya wira: Kemelelaleni va kowiriyanakani nyu. Ahimyakaru tjitjammo ahikusa mahoxi mararau mmatatani mwawe, khurwaa waryawe Abasalomi, ari nanlelo nkumi atthukeleleiyene vamwiri khunhoma khumwinva. ¹⁵ Numala aximiravo muloko yettanawe Yowabi yahintthamakela, yahin'homa-tho Abasalomi, khumwinva. ¹⁶ Nave Yowabi ahiruma wopiya nlope, wira anakhotto awe otene emalihe ekhotto ehiye watuphela atthu a Israyeli, okhala wira Yowabi ari ni atthu awe. ¹⁷ Wahikuxiya murutthu w'Abasalomi, khuriheliya mulittini mowinxa, watjulu waya khiphitiheriya maluku mentji; ni atthu otene a Israyeli yahitthyawa, khula mmotja arwaaka owannyawe. ¹⁸ Ni Abasalomi anari nanlelo nkumi ahitekiha nupuxeryo nowittittimiha, nari okhatoni wa mwene; ahimyaka wira: Miyo nkirina mwana wira ntjina naka nihikhwele. Tivo ahivaha nupuxeryo nno ntjina nawe: tivo vanihaniwaya nupuxerya n'Abasalomi, mpakha elelo va. ¹⁹ Nave Ahimaasi mwana a Zadoki ahin'himerya Yowabi wira: Nkihiye kintthamakele mwene nannano va, kinrwaanele ehali yotteliha nrima APWIYA khamwakihale mmatatani mw'awanani awe? ²⁰ Yowabi ahiumwakhula wira: Hoye elelo va mwihinrwanele ehali: Mwinrwaaneleke ehali ekina nihuku nikina: elelo va ehali entthunennyu onrwaanela khahiyo yorera, okhala wira mwana a mwene ohokhwa. ²¹ Numala Yowabi ahin'himerya nakhotto mmotja a wEthiyopia wira: Nyu nrwee, mwan'himerye mwene tjitthu tjonalinyu. Ni nlopwana owo a wEthiyopiya ahurama oholo wa Yowabi, khuvenya n'utthamaka. ²² Nave Ahimaasi mwana a Zadoki ahin'himerya-tho Yowabi wira: Etthu p'itthu entthuna okhumelela nkihiye kintthamakele mwEthiyopiya owo. Ni Yowabi khwira: Mwan'aka, munatthyawa mahala, exeni n'hikusaka ehali yotteliha nrima? ²³ Nto owo ahakhula wira: Etthu p'itthu entthuna okhumelela, miyo kinarwaa. Yowabi khuhimya wira: Nrweeke. Owo khuvenya n'utthamaka, vano, Ahimaasi ahikela ephiro y'okhatoni wa Yordani, khunvikana mwEthiyopiya ole. ²⁴ Davidi ira okomalene n'hina mwa kako eriyari ya mikhora mili; nlipa olipelela ahiwela vataratoni va kako, at5tukhulaka metho, ahiweha ottayi, khumona nlopwana awaka n'utthamaka vekhawe. ²⁵ Nlipa olipelela owo ahikhjuwela, ankhuwelelaka mwene an'himeryaka etthu ela. Ni mwenen ahimwakhula wira: Awaka vekhawe, onwana ehali yorera. Nlopwana owo ahattamela tjitjammo, ²⁶ Nlipa olipelela ahinweha nlopwana nkina awaka n'utthamaka; owo khunkhuwelela, iraka: Kinnimona-tho nlopwana nkina awaka n'utthamaka vekhawe. Ni mwene khuhimya wira: ola-tho onwana ehali yorera-tho. ²⁷ Nlipa olipelela ahihimya-tho wira: Kotjuwela matthyawele awe ole opacera ti Ahimaasi mwana a Zadoki. Ni mwene ahumwakhula wira: Owo nlopwana oloka, ni onwana ehali yorera. ²⁸ Ahimaasi antthamakela mwene khun'himerya wirta: Nrettele. Numala ahikokhora oholo wa mwene uramaka mpakha vathi, iraka: Ettottopeliye APWIYA Muluku'inyu, okhala wira ahuvahereryani mmatatani winyu ali yanrukunuwelale pwiy'aka mwene. ²⁹ Mwene ahiunkoha wira: Mmiravo Abasalomi okhala? Ni Ahimaasi ahimwakhula wira: Varumiy'aka ni Yowabi wamotja ni nrumeyi awe mwene nkinaku kahaweha atthu axenkereyaka; nto nkawerya otjuwela yakhumelela. ³⁰ Ni mwene ahin'himerya wira: Nwe, nxovele wono. Ni owo ahixovela vavale, khwemela ephantti ekina. ³¹ Nannanoru ahiphiya mwEthiyopiya ole, ni khwitra: Apwiya mwene aka ntjuwele ehali yotteliha nrima, APWIYA awakiheryani mmatatani wa ale otene yorukunuwelaleni. ³² Mwne ahinkoha mwEthiyopiya owo wira: Mmiravo Abasalomi okhala? Ni mwEthiyopiya ole ahakhula wira: enkhumelelale yowo yakhumelele-tho awanani otene a pwiy'aka mwene, n'ale otene yorukunuwelaleni. ³³ Vano mwene ahituthuwa n'utjikula, ahiwela otjulu wa mkako, khupacera wunla; athamalaka n'urunya, iraka: Mwan'aka Abasalomi! mwan'aka Abasalomi! Kakhiye miyo nipuro nawe, mwa'a