¹ Davidi ahupuwela vanrimani vawe wira: Nihuku nno Sawuli onrwaa okivara n'ukinva: fatari kitthyawele elapo y'aFilisti, wira Sawuli ahiye okomola, ni ahivire akiphavelaka-tho mwinttettheni motene mwa wIsrayeli, ni tjitjammo kinamopowa mmatatani mwawe. ² Davidi ahuvenya vavale wamotja n'alopwan'awe miloko miloko mithanu namotja khurwaa w'Akiximwana a Mawoki, mwene oGathi. ³ Davidi ahumaka w'Akixi oGathi, owo n'atthu awe otene, khula mmotja n'amutji awe: Davidi ahukhalana axarawe eli, Ahinowamia a wIzireyeli, ni ni Abigayili, ari mwarawe Nabali oKarmeli. ⁴ Sawuli ahuhimeriya wira Davidi ahutthyawela oGathi, ni khuhiya onlupattha. ⁵ Davidi ahun'himerya Akixi wira: Mwari mpatthani aka, nkivahe nipuro na mmawani mwinyu, wira kikhaleke-vo; khivanrerela wira nrumey'inyu ola akhale mwinttettheni mwa mwene? ⁶ Vano Akixi ahunvaha nttetthe w'oSikilagi. Tivo nttetthe ola w'oSikilagi ti wawaya ma,mwene a Yuda mpakha olelo va. ⁷ Davidi ahukhala nlaponi mw'aFilisti, eyakha emotja ni miyeri mitjese. ⁸ Okati owo Davidi n'atthu awe, yanatuphela atthu a nloko n'aGexuri, ni n'aGirzi, ni Amaleki: okhala wira maloko awo otene yakhala elapo okhuma oTelami n'oXuri mpakha mikano tja wEjitu. ⁹ Davidi anapwetesa atthu otene a ilapo iya alopwana athiyana, ahun'hiyaka ntthu onaka: ni anikusa imompe n'ipwittipwitthi n'ipuri n'aburu n'ikamelo anikusa-tho malaya otene; ni ahokolowaka anikumana n'Akixi. ¹⁰ Ni Akixi owo anunkoha wira: Mwatuphelale vayi olelo? Ni Davidi anakhula wira: Narwaale oNegebi wa Yuda, ni oNegebi w'oYerahameli, wala nettettale elapo y'aKayini. ¹¹ Davidi anuwinvakatsa atthu otene alopwana n'athiyana, khuhawana oGathi; iraka: Tthiri owo onitthokelela hiyo, wira: Ti tjitjammo tjapankalyawe Davidi. Ni ela yari elamalelo wa okathi ole wotene akhalawe nlaponi mw'aFilisti. ¹² Vano Akixi anunroromela Davidi, upuwelaka wira: Owo onninyikhiwa n'atthu awe a Israyeli, ni onrwaa okhala nrumeyi aka mahuku otene.