¹ Davidi ahutthyawa oNayothi w'oRama, khurwaa okumana ni Yonathani, ni khun'himerya wira: Kipankaleni yotakhala miyo? yottheka aka tivi, yatthekelalyaka atithinyu, antthunaya okinvela? ² Ni Yonathani ahumwakhula wira: Ehiraneye etthu ela yonanarexa; nyuwo khamuninviya. Ntjuwele khivo etthu atithi aniraya, yulupale wala yamukhani, ehikihimeryale miyo; vano aweryale tjayi okivithavitha etthu ela? Nari wahiraneye tjammo. ³ Davidi ahuhokolela-tho alaphaka, iraka: Atithinyu atjuwela ventji, vano amalela otthokelela wira: Yonathani ahitjuwele etthu, wira ahiripiye nrima: ni vekhweli, kinnilapha mwaha wa Muluku nkumi ni mwaha w'ekum'inyu, kinnona wira kinnattama okhwa nivalo nimotja pahi. ⁴ Yonathani ahun'himerya Davidi wira: Tjotene tjimphelinnyu wireliya, miyo kinawirelani nyuwo? ⁵ Davidi ahumwakhula Yonathani iraka: Malo nira na mweri woneya, miyo kahana olya wamotja ni mwene: nto nyuwo nkihiye kirwee omathalani kaipithe wonwo mpakha murotto makaripi. ⁶ Atithinyu yakiphavela vale, mwahimerye wira: Davidi onukikhanyererya akilapelaka orwaa oBethelehemu nttetthe awe, wira ahele nkuttho n'amutji awe otene ntoko tjilamalelalyaya ohela khula eyakha. ⁷ Mwene owo attottopela vale, ira varera, miyo va nrumey'inyu kinukhala ni nrettele; ntonaviruwa vale, ntjuwele wira onumphwanya otakhaliya womalela. ⁸ Vano, nkimorele, ekhiriri miyo nrumeyinyu, okhala wira nahipatthana oholo 'APWIYA ni nyuwo: ni mwakona ottheka mwaha w'etthu p'itthu nkinveke yenyu, khivamphiyerya miyo orwaaniya w'atithinyu. ⁹ Ni Yonathani ahun'himerya: N'hupuwele etthu ela yonanarexa; katjuwela wira atithi antthuna owinvani, miyo nkakhalale owuhimeryani? ¹⁰ Davidi ahunkoha Yonathani wira: atithinyu yahuwakhuleleni ti pani antthuna okihimerya? ¹¹ Yonathani ahumwakhula Davidi wira: Nwe, nikhume nirwaaka omathalani. Ni oweli aya yahurwaatsa omathaqlani. ¹² Nave-tho Yonathani ahun'himerya Davidi: APWIYA Muluku a Israyeli, malo ewora yela, wala nrotto ewora yela, miyo kinuphavela otjuwela entthokelelaya atithi, nrimaya wokhurunuwelani, miyo kinamotjuwelihani, ¹³ APWIYA yahimupuweliha tjammo Yonathani, ni eyo yari yowatjererya. Nto atithi yaphavela owinvani, miyo kinamuhimeryani, nto miyo, kinulopolqni wira ntthyawe: ni APWIYA ekhale ni nyuwo, ntoko tjakhalalyaya n'atithi. ¹⁴ O/holo onkelelihu miyo kakhalaka nkumi, mupuwele opatthan'ihu n'ulapha nkithonyerye orerra winyu nrima; vano miyo kakhwa, ¹⁵ N 'hiwunlele ekuhu amutji aka nnakhala vakhani, okathi APWIYA anrwaaya wapwetexa awanani a Davidi mmotja mmotja. ¹⁶ Tjitjammo Yonathani ahupatthana ni etthoko ya Davidi, iraka: APWIYA anakiha mmatatani mw'awanani a Davidi. ¹⁷ Ni Yonathani ahunlaphiha-tho Davidi, okhala wira aninfenta, okhala wira aninfenta ntoko tjaifentawe. ¹⁸ Yonathani ahun'himerya Davidi wira: Melo nira na mweri woneya, okathi wolya wanotjuwanyeya wira nyuwo khanrivo, okhala wira nipuro ninyu wametja ninrwaa okhala tjitjo. ¹⁹ Vano, mwahiwe, nrotto, vanutepa otjuwanyeya wira nyuwo khanrivo, nnuphavelatjiya nyuwo mwahipithe nipuro nenne naipithalinyu ekwaha ele, mokome ottuli wa maluku ala a wEzeli; ²⁰ Ni miyo kinuttikhela matthere ala mararu maluku ale, ntoko vamphavelaka olukama. ²¹ Ni kinunruma mmiravo aka kin'himeryaka wira: Nrwee, mwattotte matthere aka, ni kan'himerya mmiravo owo wira: Mone matthere ari va ono, nttotte: nyuwo nweke, okhala wira nrettele wokhala, khivo-tho etthu yowova, mwaha w'APWIYA. ²² Nto kan'himerya mmiravo owo wira: Matthere avikanavo: nyuwo nrweeke, okhala wira APWIYA t'antthuna tjitjammo. ²³ Ni mulumo nilaphenlihu miyo ni nyuwo, APWIYA ti nammona wa mahuku otene. ²⁴ Nave-tho Davidi ahipitha omathalani, ni nihuku na nira na mweri woneya, Sawuli ahokoma wametja okathi wolya. ²⁵ Ni mwene ahokoma nipuro nawe, ntoko tjalamalelalyawe, apiteryaka exiri, Yonathani ahuvenya kh'okoma oholo wawe Abineri ahokoma wattamana ni Sawuli, ni nipuro na Davidi nahalale tjitjammo. ²⁶ Nto nihuku nno Sawuli khahimyale etthu, okhala wira wahihimiya wira: Davidi yokhala enkhumelelale, ni ori ni mwikho; khanatthi orerihiya. ²⁷ Nihuku nikina, nihuku noneili na mweri woneya, nipuro na Davidi nahalale tjitjammo. Ni Sawuli ahunkoha mwanawe Yonathani iraka: Mwana owo a Yese ahawelaleni olya olelo nnakhala ntjana? ²⁸ Yonathani ahumwakhula Sawuli wira: Davidi anukilapela akikhanyereryaka on'hiya orwaa oBethelehemu. ²⁹ Okihimeryale wira: Kovara mwetto nkihiye kirwee, wokhalawo nkuttho w'amutji aka onttettheni, mulupale aka tokilattulale; tthiri kitjaliye oholo winyu, nkitthuniherye orwaa, kawehe axunnaka. Tivo, vano, vahiwalyawe. ³⁰ Sawuli ahunviruwela Yonathani ventji, khun'himerya wira: Nyuwo mwana a nanttompe ni ohileleya! Khantjuwelale wira nyuwo mopatthana ni mwana a Yese wira okhale wuliya winyu muru, ni wiliya waya muru amayanyu? ³¹ Khannupuwela wira mahuku otene mwana ole a Yese onkhalawe nlaponi mu, nyuwo khamwinttottela etthu, nnakhala omwen'inyu khunlipa. Mwinrweele, nannano va, mwanvare, nkiwanele, ohana okhwa. ³² Yonathani ahunkoha tithi awe Sawuli, wira: Ontthuna okhwela- ni? Opankale-ni yotakhala? ³³ Nave-tho Sawuli ahuvonya nivaka nawe aphavelaka omwinva mwanawe: okathi owo Yonathani ahitjuwela wira atithi awe yahulakela omwinva Davidi. ³⁴ Ni Yonathani ahuvenya wa metja aviruwalene ventji, ni khuhilya etthu nihuku nno nonapili na mweri wonen'ye: okhala wira wahunwereya ventji mwaha wa Davidi, okhala wira atithi awe yahunruwana. ³⁵ Nihuku nikina vatsitsu, Yonathani ahuvenya arwaaka omathalani, okathi walehaniye ni Davidi, ni ahunwna-tho mwammiravo awe. ³⁶ Ni ahun'himerya mwammiravo owo wira: Ntthamake mwattotte matthere antthunaka ovonya. Ni okathi mwammiravo ole arwaawe atthamakaka, Yonathani ahuvonya matthere anvikanihaka mwammiravo owo. ³⁷ Mwammiravo ole vaphiyalyawe vavonyiye matthere Yonathani ahinkhuwelela, Yonathani ahikhuwela ottuli wa mmiravo, iraka: Ntthere nne khinimorelale oholo winyu? ³⁸ Ni Yonathani ahuhokolela-tho okhuwela ottuli wa mwammiravo ole: Mwakuveke, mutthamakeke, ni n'hemele. Mwammiravo awe Yonathani ahuvara matthere, ni khuhokolela wa pwiyawe. ³⁹ Vano mwammiravo ole khatjuwelale etthu ele: Yonathani ni Davidi pahi t'atjuwelale. ⁴⁰ Numala Yonathani ahuvaha matthere ale mmiravo awe, ni khun'himerya: nRweeke ni nrwaaneke onttettheni. ⁴¹ Numala vavenyalyawe mwammiravo ole arwaaka, Davidi ahikhuma vaipithalyawe antthyawaka Sawuli, ni ahikokhora imara ttharu uramelka vathi: ni ekhuparelanaka nkina ni nkhwawe, yunlatsaka nkina ni nkhwawe mpakha Davidi ahunla ventji. ⁴² Ni Yonathani ahun'himerya Davidi: Nrweeke ni nrettele, okhala wira nopatthanatsa nilaphihanaka ni ntjina n'APWIYA, niraka: APWIYA yawo ekhale ni miyo ni nyuwo, okhuma otjulu aka mpakha otjulu'inyu wa mahuku otene.