¹ Pacupera zwinhu izwi, ndava kudzaulu ninga pfala la nsimba la mbumba iculu ichilanga: Alelua mwaponesiwa cucuza na nsimba za Mulungu wathu. ² Cutonga kwache kwachadico futi paculungama, napenepo adatonga muculu wa wakadzi cuti apunya pansi na uhulu watche. Iye adatola nkgulungu na gazi la nyamubasa watche, lacuti iye tchaiye adayereza. ³ Catchiwire wadati alelua utsi watche ngaukwire cugala na cugala. " ⁴ Macumi mawiri na wanai madiconi wense swisikwa wadacotama cuti wanamate Mulungu, cuti wacadagala na mupandu wautongui utchiti" Ameni Alelua. ⁵ Napenepo padamuda pfla pamupandu wautongui utchiti cuzani Mulungu wandu wense ziswica zwache imwe cuti munamucha cana wadoko cana wakulo. ⁶ Natenepo ndava pfala libodzi ninga ikulu cuti ntsama iya mbumba , ninga popoma la madzi mazinji futi ninga dhungu la mwene wa nsimba zitchiti: " Alelua! Thangwe Changamire Mulungu wasimba yense walicutonga. ⁷ Mbatipfanseni wense mbatimucudzeni thangwe ndio maswiquiro yapwandu la bhira la mutchati watilonguedzera. ⁸ Adatenderwa cuti iye atsimire nguo zacuchena zacuitimira". ( Nguo zacuchena ndio mabasa ya muche). ⁹ Nguirozi idati: " Nemba izwi: wamuche wanewale cuti ndio wanadaidzaiwa pa pwandu ya bhira". Futi basi adati: " Ndio wenewa wachadico wanasoco la Mulungu". ¹⁰ Ndagodama ndaculanga mumwendo mwache cuti ndimunamati, apo iye adanditi usaite izwe: Ndine mucoye waco na wabale waco cuti wana wa Djeso. Namata Mulungu, thangwe iye umbo wa Djeso ndio muzimu watchi profiti. ¹¹ Natenepo ndawona kudzaulu kudavulika ese ndalinguisa, futi kukana bhira ichena kuti malidziyo anadaiziwa wakuchena wense chachadico iye anatonga futi nangondu nautongue wa muche. ¹² Matchoyache ninga moto ese mumusolo watche. Dzinalibodzi lidalembiwa cuti apalibe analidziwa kudzamwa iche mubodzibodzi. ¹³ Iye adatchimira nguo za gazi ese dzinalache lidadaidziwa masoco la Mulungu. ¹⁴ Masodja yacudzaulu adamutoera na bhira yacuchena watchisimira nguo mumoyo zidoco zitchena futi wacuchena. ¹⁵ Pamulomo wache palicubuda dhipa yacunozeca nairo, iye anakodza madzico. Iye anawatonga namutchamo wasimbi ese wanadzawazica na ukale wacugumbuka kwa Mulungu wasimba yense. ¹⁶ Iye anadzina libodzi idanembira pa nguo zatchi futi na pabero lache: Muculu wa waculo futi Changamire wa wachangamire. ¹⁷ Ndawoma nguirozi ibodzi: ikakuwa cuna zense mbalami za cudzaulu na pfala liculu litchiti: " Uyani unganani cupwandu liculu la Mulungu. ¹⁸ Uyani ese Iguereja nyama iya nyama ya nkweyi nyama ya wamuna wa nsima na nyama ya waina futi wache futi nyama za wense wanhu kana wadamuda watchidwinyrirwa cana waculu cana wadoco. ¹⁹ Ndaona tchikala nawaculu wa padzico na masodja yawo. Iyo akadalonguedzera cuti waiti ngondo cubudira wense wacadakwira bhira futi cucundisa masodja yache. ²⁰ Tchikala chida bhatiwa iye, naiye waprofiti wacupwata cuti wanaita zvidzindiquiro pamberi pache. Na zvidzindiquiro izvi iwe adanhengueza wenewale wacadafambira tchidzindiquiro tchikala futi nawenewale wakanamata zvinyzimo zwache. Wairiwo wadathusiwa mutawali wadapenya cuti wakapsika na surufere. ²¹ wazingi watche wadaulayawa namatalasada cuti wadabuda mulomo wache cuti wacasunga bhira zense mbalani zidakuta nyama zachitumbi wache.