¹ Ndidaona nguirozi lidabuda cudenga. ikana maki zangueena na macheni maculu mansa. ² Adazunga chirombo chiculu nhoca yacali, apo satani adasungwa macoli tchikwi. ³ Adathusa mugueena wadamuvalira cuti aleque cubuda cuti apwatire wanhu cuswiquira macole inaya apera. Napenepo anadzabudisiwa padoco. ⁴ Ndidaona cumberi cudagala wenewale wadapiwa nsimba wacutonga. Ndidhaona moyo yawandhu wadabonera pacu pulula Djeso nasoco la Mulungu. Iyo awana cunamata chirombo cana chidzangaladzimu wadalamba cunembira waguma yayo na paboco iyo wazakala nhacutwa kwa Mulugu pamacole tchikwi. ⁵ Wenango wafi awana cumuca pamacole yeneya. Ndicumusiwa kwacutanga. ⁶ Munatambiriwa muche wanamoyo wacuchena munamusiwa pacutanga thangwe wenewa cufa cairi acuna nsimba. Watchakala waculu wa Kristu wanadzagala na macole tchikwe. ⁷ Macole tchikwi yakali satani atchadzapuzumuliwa muperezo. ⁸ Achauya cuzapwatira wandu walimumipata minai yapansi la Gugue na Magogue cuti wabatani pakondo ninga numba yache ichawanda ninga tchecha ya bala. ⁹ Iyo watchakwira na pacati pazico watchazenguerera wanhacuchena moyo, paluwani la cudiwa. Apo moto atchadzabuda cudenga utchawa pitswa. ¹⁰ Satani atchawabwatira wachawaiga mudjenji la moto ipo wafumbiri wacupwata watchadzaiguiwa. Iyo watchadzapitswa masico na masicati pacuenda na cuenda. ¹¹ Natenepo ndidaona adagala cudzaulu, ipo cudzaulu napandansi cudawala pamberi pachi acuna mbuto yacuenda. ¹² Ndida ona wanyacufa waculu na wadoco wadaema wachilembwa buku la upenyu lida vuliwa. Nhadyalo wense wanhacufa wadatonguiwa cubudira zwense zau adaita. ¹³ Bala lidapereca wense wanhacupa wacana iye. Lufu lidaperecau wense wanhacufa, apo wanhacufa wadadzatonguiwa namabasa yawo adabata. ¹⁴ Lufu lidaiguiwa mudjenji la moto, uco ndi cufa cairi, mudjenji la moto. ¹⁵ Apo dzina la munhu iye anacunembwa mubuko la upenhu anadzathusiwa mu djenji la moto.