¹ Pakupera kwa zvinhu izvi, ndida wana ngirozi inango, itchitchitha kubuda kudaulu, kuti ikanantsimba ikulu, ese pantsi padabveneniwa nacubva kwache. ² Iye adakuwa na pfala licuu atchiti: Wagua Wagua Babiloni muculu futi mudacala mwaculalama madimi, mwacuswerera iyo mizimu yacunyangala na mbalamo zacunyangala. ³ Thangwe wense madzico yanakamwa vinyu yatchikwa chula yache wakulu wa pantsoi wada ula naiye wagulisa wa pantsi wadafuma na ufumi wa uhule. ⁴ Ndabva pfala yauya cudzulu, cuti idalanga: Buda cuna wense mbumba yango, cuitira cuti muleque cuonekwa paunyangazi wawo, futi cuitira muleque cuytambira palitchendelawo. ⁵ Thangwe cunyangaza kwawo kwaswica cudzaulu ese Mulungu athsalacana mabasa yawo yacunyangala. ⁶ Muthimizire ninga iye adairinzira cuna wenango, wense muwirinzire ninga zwida tendera na basa lache, mundico cuti iye athansanisa, sanganisa cairi ninga mbico cuna ife. ⁷ Ninga iye adazicusa mubadzibodzi ese adalama mufumi, mupaseni mhimu yacuyenzana cubonira thangwe iye adalanga mumoyo muache: ndidalanga ninga muculu mucuklu wandisi muzvitche futi chipo ndinazaona cubinera. ⁸ Natenepo nzico libodzi atchadzauya anadzombe cuwa cubonera futi nzara. Iye atchadzapisiwa na moto thangwe Changamire Mulungo ndiwasimba wense ese anadzagala tonguiwaco. ⁹ Waculu wapansi chache wacuhuya nayo wanadzalira nacu culucuta mamusana paiye pawo anaona utsi wa moto. ¹⁰ Iyo anadzalambira cutali na cutali na utchiwa cubonera kwawo watchilanga: " Ai! Ai! Babiloni liculu wacufunma thangwe panguwa libodzi yoga panitchilache laswica. ¹¹ Wagulisi wapansi wanadzalira nacutetemera naiye, apalibe atchachagula zvawo anagulisa. ¹² Midziwo nginga golidi, siliva, na mauwe akudequedza, maparera, micheca, pepure, siricana, micheca ichawa na ense michobo yamiti inanunguira na ense midziyo lidalonzuwa na nyanga za nzou na miti lacudequedza, na simbi na mauwe idalungurwa ¹³ kenela, pimenta, mafuta inanungira, vinyu, mafuta, ufu wacucefiwa, tirigo, ngombe, na mabhira, nwai na ngolo, wanyacuzwinhirira futi na mweya yawanhu. ¹⁴ Mishapo futi ukasirira nayense ufumi waco wapera ende cunaiye wense ufumi waco wapera audzauonizwe. ¹⁵ Wagulisi waswinhu izwi cuti wagala wapfumi napacusangana paiye wanadzalambirira cutali nacutwa nacubonera kwache atchilira na cudandaula cuculu. ¹⁶ Iyo anadzati: "Ai! Ai! luwani liculu cuti lida fequeziwa mitcheca midoco, ya pepure na micheca michawa itchidequedzesiwa na golidi, mauwe acu dequedza na maparers!. ¹⁷ Thangwe panguwa ibodzi basi wense wafumi wadanyoziwa. Wense mufambise wadeke wense mufambise wadiwa, ese wense cuti wana tchapa wense na wense wana senza bhara. ¹⁸ Iwo wakuwa cuti ndaona utsi wapiswa lanu. Wadati luani lipi lidatendemera na luani iculu? ¹⁹ Iyo adadzala pfumbi misolo yawo ese adacuwa, atchikwira ese watchidandaula: "Ai! Ai culuwani liculu cuti cuna wense wakala mandza mubala wadapfuma na musana patchithangwe panguwa ibodzi yoga iye adafuquidziua. ²⁰ Dequerwani pamusana patche imwe wacuchena mapostori na maprofiti thangwe Mulungu auisa cutonguesa pamusana paife. ²¹ Ngirozi ibodzi la simba idabata buwe libodzi liculu adalithusa mubala atchiti na thangwe Babiloni luano liculu litchadzacukiwa ese alidzaonequiswe. ²² Dhungwe la mabangwe achauye alize wacanangali cuti nawense wale wanaliza ntolopito awatchadzalizive cunaiwe. Apalibe musenze wabasa lipi zwualo anadzaoneca cuna iye. Apalibe Dhungu la njiwa linadzaficazvi cunaiye. ²³ Luju la guesi alidjaemerizwe cuna iye. pfala la machati na nyaculorwa alidzafiquizve cuna iwe thangwe zvaculiza zwaco cuti waculu wapansi wense padzico yatchadanhengueziwa na waloi laco. ²⁴ Cuna iye cudaoneca gazi la maprofiti na wacuchera futi na wense wadalaiwa pansi.