¹ Wadaswica cukundu labala, mutunhu wajeraseno. ² Nadyali patche Djesu adabuda mumwadyia, mamuna mubodzi wamuzimu wakunhangala, atchibuda muzinhutu adauya cuna Iye. ³ Mamuna akakala munhutu. Hakapana aka musunga, ne natcheni ibodzi. ⁴ Iye akali mucadyaboso cazinji kene namathyeni nanjema, napenepo akaziphwanha futi hapakana akana nsimba yacumucunda. ⁵ Usicu wense namasicati, muzinhutu namumabango,iye atchikuwa futi atchizvitcheca namauwe acunozveca. ⁶ Patche adaona Djeso nacutali, adathamanga futi atchigodama cumberi kwatche. ⁷ Iye adadaidza napfala la cukuwa: "Ndinanyi naimwepo, Djeso, Mwana waMulungu wacudzaulu? Ndinacucumbirani, cuna Mulungu, musandityisi." ⁸ Nathangwe Djeso akadati: "Buda cumamuna uyu, muzimu wacunhangala." ⁹ Napenepo Djeso adabvunza: "Ndiwe wani dzina laco?" Iye adadaira: "Dzina langu ndine Rejioni, natangwe tidawanda maningi." ¹⁰ Iye adadaidza cazinji cuti aleke cuwabudisa cunza kwamutunhu. ¹¹ Zvidaitica cumucumbi uculu wankumba ukadya mubango, ¹² Futi mizimu yacunhangala idamudaidza, itchilanga: "tiendeseni cunazinkumba; "Tisieni tipende munaiwo." ¹³ Futi Djeso adaitendera. Nadyano mizimu yacunhangala idabuda itchipinda munazinkumba. Mucumbi wazvikwi zviwiri, zidadzithusa muthawala tchilipo-lipotcho, zidanyobica mumadzi. ¹⁴ Wanhu wakauswa nkumba wadawala, watchilanga masoco iya muluwani futi namumamii yamumasikiro, futi wense wanhu wadathamanga cuenda cawona zvikaiticazvo. ¹⁵ Pawo wadaswica cuna Djeso, wadaona nyamuzimu yacunyangala iye akali rejioni, akadakala,akadatsimila futi naunhu wacukwana penepo iwo wadakala nauthyi. ¹⁶ Awo wadaona zvidaitica cuna mamuna akadapindiwa namizimu yacunyangala wadaerenga zvidaiticazvo cuna iye nacuna zinkumba. ¹⁷ Wadatoma culomba nansisi cuna Djeso abude mutunhu wawo. ¹⁸ Patche akapinda mumwadiya, mamuna akana muzimu yacunhangala adadaidza cuti akale na Iye. ¹⁹ Djeso napenepo, hakana cutenda, adalanga: "Ndoco cumba kwaco, cuna wanhu waco, uwabvunze zvaita Tchangamire cuna iwepo akana nsissi naiwepo". ²⁰ Napenepo mamuna adaenda zvatche atchidaidzira cuDekapoli zviculu zvidaita Djeso cunaiye. napenepo wazinji wadadzuma. ²¹ Patche Djeso adayambuca patswa cukundu linango, mumwadia, mbumba izinji idaungana mukundu mwatche, nadyano iye akali pabodzi mubala. ²² Napenepo padaswica muculu wamusinagoga, akadaidziwa Djairosi, adagwa mumwendo yatche patche adamuona. ²³ Iye adadaidza atchihirinzira, atchilanga: "Mwana wangu wamutsicana mudoco alipenu cupona. Ndiricucumbira cuti uyani muthamule boco lanu pamusolo patche, nadyali anakala wacuphemuca atchilalama." ²⁴ Napenepo Djeso adaenda naye. mbumba iculu idamuteera watchimutswinyiza. ²⁵ Ona, pakana mucadzi mubodzi akabonera nacubuda gazi macore kumi namairi. ²⁶ Iye adabonera cazinji cuzvilapisa adapeza zvikanaiye. Napenepo apana zvidamubatsira; cunyangala cuazvo, zvikaenderera. ²⁷ Patche adabva culanga nazva Djeso, adauya natchacumasule, natchapacati pambumba futi adamukuya nguwo. ²⁸ Napenepo iye adadzalanga: "Deca ine nditchicukuiani panyai nguwo zanu deca ndaoma." ²⁹ Pangani ineyo, adaduma cubuda gazi. Napenepo mucadziyo adadzabva zvadi muiri watche namutendere pacubonera kwatche. ³⁰ tchilipo-lipotcho,Djeso adabva cunaiye cutchibuda ntsimba. Adazungunuca,pacati pambumba futi adabvunza: "Mbani akuya nguwo zangu? ³¹ Wapfunzi watche wadalanga: "Onani mbumba icucutswinyizani adalanga: 'Mbani andibata?" ³² "Apo Djeso adalingisa mukundu mwatche cuti aone mbani aita izvi. ³³ Mucadzi,nacudziwa zvikadamuitikira,adathya nacutetemeca.Iye adauya,atchigodama pamberi paDjeso adamuelengera tchadi tchense. ³⁴ Napenepo adamubvunza; "mutsicana, cunyinda kwaco kwacuomesa ndoco namutendere futi kala wacueha pamatenda aco." ³⁵ Pacati pacuti Iye atchilanga, wanhu wenango wadauya cubudira cumui wawaculu waSinagoga, watchilanga: "Mutsicana waco atandala. Thangweranyi ucunangula Mupfunzisi?" ³⁶ Patche Djeso adabva zvawo wakalanga iwo, adalanga cuna waculu waSinagoga: "Ausathyi. Tchinadicana kudaira. ³⁷ "Hapana cutendeza futi apana nemubodzi angamuperekeze, cunza kwa Petulo, Tiago futi naJuwau mubale waTiago. ³⁸ Pawo wadaswica cumui wawaculu wasinagoga, Djeso adawona cupoca cunawense futi nacuna wakalila nacukuwa cwakubvica. ³⁹ Patche adapinda munyumba, adawabvunza: "Tangwe ranyi mulicuita cupoca futi naculira? Mwana hana cufa, adagona". ⁴⁰ Wadamuseca Djeso, napenepo Adawabudisa cunza wense, adatola bambo watche mwana, mai watche pabodzi nawakanaIye, wadaenda cukana mwana. ⁴¹ Futi, adabata boco lamutsicana, adamubvunza: "Tarita cumi", zvitchida culanga: Mutsicana, Ine ndina cubvunza: Muca." ⁴² Tchilipo-lipotcho mwana adamuca adafamba (napenepo iye akanamacole kumi namairi iyamusinko). Napenepo wadaenda wadakala natchidzumo tchiculu. ⁴³ Djeso adawabvunza cuti hapana angamwaze masoco acupona ucu, adalonga cuti mupeni tchacudya mutsicana.