¹ Patswa, DJeso adapinda musinagoga pakana munhu mubodzi akadalemala boco. ² Wanhu wenago wadamuonesesa cuti Iye angamulape nantsicu iya mugobera, cuti wapuse cumupa mulandu. ³ DJeso adabvunza mwamuna akanaboco laculemara: " Muca uuye cuno napacati pa wense". ⁴ Napenepo, Iye adalanga na wanhu: Zvidatenderiwa cuita zvacudeca na ntsicu iya mugobera nazvacunyagala; cuponesa cana cuulaya?". Ndipo iwo wadakala wacuwatama. ⁵ 5- Iye, adawona mumakundu, wazinji wadatswoma nacuoma moyo yawo, adabvunza mamuna: "Thasamula boco".Iye adathasamula boco Djeso adamulapa. ⁶ Wafansisi watche wadawala, Tchilipo-lipotcho wadathangula cupangana wanhu wa herodi cuti tinamulaiya totini. ⁷ Nadyano, Djeso adaenda nawa pfundzi watche cubala. Mbumba iculu iya wanhu ikamuteera, cubuda paGalileia ,paDjudia, ⁸ paDJerusalema, Idumeia nakundu linango laDjordani, wakalisani waTiro futi naSidoni. Pawo wadabva culanga pazvinhu zvikaita Iye, mbumba iculu idauya cuna Iye. ⁹ Iye adalomba wapfunzi watche cuti wasie mwadiya udoco udadonzeriwa Iye, na tangwe iyambumba, cuti aleke cupfinyidziwa. ¹⁰ Nadyano Adaponesa wazinji, napenepo wense wakali nautenda wadafendera cuti wamu kuye. ¹¹ Cazinji mizimu yacunyagala Idamuona , idagwa pamberi Patche, idawatama nazvo itchimubvunza:" Iwe ndiwe Mwana waMulugu". ¹² Iye, adawabvunza tchadi cuti wakale necumudziwa. ¹³ Iye adakwira mubango atchidaidza wanhu watche akada,cuti wauiye cunaiye. ¹⁴ Adasankula wanhu kumi nawairi. (adadaidza wapfunzi) cuti wakale na Iye, cuti akawatume cudaidzira masoco, ¹⁵ wakale natsimba iyacubudisa mizimu yacunyangala, ¹⁶ Iye adasankula kumi nawairi: Simioni, uyo adamupasa dzina la Petulo; ¹⁷ Tiago mwana waZebedeu, naJuwau mubale waTiago, pa wense Iye adapa dzina Boanergesi, culanga wana wacuvuma; ¹⁸ na Andreia,na Felipe, Batolomeu; Mateu; Tome, mwana waArfeu; Simao, muzelote; ¹⁹ naDjuda Iskarioti, ndie wadamupereca. ²⁰ Nadyalo,iye adaenda cumuyi, mbumba zidaungano patswa nacufungidzira cuti penango hapana zvacudya ninga pau. ²¹ Wabale watche pawo wadabva zvenezvi, iwo wadabuda cuti wamuviringuize, napepo wadalanga:" Iye nditswiru". ²² Walembi wadabuda cuDjerusalema wakalanga: "Iye alicusenzesiwa namuzimu waBerzeburi" futi " namuculu wamadimoni ndiwo anabudise nawo madimoni" . ²³ DJeso adawadaidza futi adawalanguila namitsazaniso: "Zvinaita tani Satani cubudisa Satani? ²⁴ Ungati uculu udazvigwanda oka, uculu heneho mbauleke cuonecazve. ²⁵ Ungati nyumba idazvigwanda patchaio,iyo nyumbayo mbaireke cuonecazve. ²⁶ Angati sathani angazvimukira iye patchatche futi adazvigawa, ngaleke cuonecazve, napenepo adaswica cumhera. ²⁷ Apo hapana anapinda munyumba iyamunhu watsimba atchiba zvinhu zvatche asati amusunga tchacutoma; nazvenezvo, anakwanisa cumubila munyumba. ²⁸ Tchaditchadi Ine ndinacubvunzani,mwentse wanyangazi wana wawanhu munadza lekereriwa,cuswica mucutuca kwanu kwense; ²⁹ uyo anatuca Muzimu Wakutchena hadzalekereriwi , apo ndiye anatchitema kwendanakwenda". ³⁰ DJeso adawabvunza izvi thangwe lanyi mukazvilanga: "Iye ana muzimu wacunyangala". ³¹ Mai wako nawabale wako wauya wadakala futi pakundu panza .Iwo wadatuma munhu kuti wamudaidze. ³² Mbumba ibodzi idakala mumakundu mwatche wadamubvunza DJeso: " Mai Wanu nawabale Wanu wali panza iyo wali Cucutswacani". ³³ Iye adawadaira: "Mbani mai wangu nawabale wangu?". ³⁴ Iye adalinga wentse wakadakala wadamutenderera adalanga adati: "Onani , awo ndiwo mai wangu nawabale wangu! ³⁵ Tangwe uyo anaita kuda kwaMulungu , Uyu ndiye mubale namai Wangu".