¹ Patche akahirira kwenda Capelenaume, pantsicu zingasi wadabva cuti Iye akari pamui. ² Apo wajinji wadaungana penepo hapakana mbuto, ne padoko, cuswikira pamusuo, Djeso akalonga fpala. ³ Wanango wadauya cuna Djeso wachiuisa mwamuna tchilema. Wamuna wanai wakada dzusa. ⁴ Apo iwo hazvikaita cuswika paduse Naye Na thangue lacuwanda. Apo, wadavula buri pambuto pakana Djeso apo, wadaita buri, wadacthithisa tchirema wadamugonessa. ⁵ Nacuona kuthemba kwatche, adalonga Djeso munhu tchilema: "Mwana, wangu zvitema zvako zvalekereriwa". ⁶ Apo penepo wakalipo wenango wadziwisisi wamitemo wakadakala apo wadakaghaya mukati mwamoyo: ⁷ "Ntswanyi munhui wachilonga dyano? Iye mupikisi Wamulungo! Mbani angarekerere zvitema kumza Kwamulungu?". ⁸ Tchilipolipotcho, Djeso, hakadziwa mumuzimu apo iye akadafunga phatchatche, adadzalanga bvati: "Thangue lanyi muri kufunga dyano mumoyo yanu? ⁹ Ntswanyi zvikadadonha maningui cubvunza munhu chirema: Cuti zvitema zvako zvalereriwa panacuti cuti: Muka, ubate ntswimbo yaco ufambe? ¹⁰ Apa kwadi cuitira cuti mudziwe cuti Mwana Wamunhu anamutemo pansi pano wacukerera zvitema," adalonga iye cubvunza tchirema: ¹¹ "Ine ndina cubvunza: Muca bata ntswimbo yaco uende cumba kwaco". ¹² Iye adamuca tchiripolipotcho adabata ntswimbo yatche napenepo adaenda cumba kwatche pamberi pawentse, nazvenezvo wentse wadadzuma nazvo watchilonga Mulungu ngaatchyiwe wadalanga: "Ifepano hatisati tawona zvinango zvinhu inga izvi". ¹³ Iye adabuda patswa kwenda mukundu mwabala, napenepo mbumba yentse idauya cunaIye, Iye akawafunzisa. ¹⁴ Pangani akapinda, adawona Levi, mwana wa Arfeo, akadagala pambuto ya kutsonkesa misonko, Iye adati: "Nditeere." Iye adamuca Atchimuteera. ¹⁵ Pangani cuti Djeso pakali iye pathebo panyumba ya Levi, wazinji wanyacusonkesa musonko nawanya cuita zvitema wakadya na Djeso nawafpunzi, tangwe pakana wajinji wakaMuteera. ¹⁶ Pangani yacuti wanyori wawafarise wadawona cuti Djeso alicudya nawanhu wanyangazi nawasonkesi wamusonko, wadalanga cuna wafpunzi Watche: "Tangwe lanyi Iye alicudya nawasonkesi wamusonko nawanyangazi?". ¹⁷ Patche Djeso adabva izvi, adawabvunza: "Wanhu wacuwoma hawadi mulapi; basi wanarwala ndiwo wanada. Ine handina cudzira cudzadaizda wacudetsa, kwatche cuna wanyangazi". ¹⁸ Wafpunzi wa Juwau nawafarizeo wakatsanya. Wadauya nawenango wadaMubvunza: "Ntswanyi wafpunzi wajuwau nawa fpunzi wawafarezeo wanatsanya apo wafpunzi wanuwa hawatsanyi?". ¹⁹ Djeso adawabvunza: "Codi zvinaita wanyakudaidziwa pamutchatho watchitsanya apo ngani yacuti hwinga wutchina iwo? Cana iwo wana hwinga, iwo hawaiti cutsanya. ²⁰ Apo zitchadzauya ntsicu iyacuti hwinga itcadzabudiswa, pantsicu zenezo, iwo watchadzatsanya. ²¹ Hapana anaika tchigamba tchanguwo itswa panguwo iyakale; zvinadzaitika cuti, tchigamba tchinadza kedza nguwo iyakale, napenepo cukedza cunadza kula. ²² Hacuna munhu anaika vinyu itswa mumidziyo yacale; angati iye atchiita zvenezvi, vinyu itswa ina phwanya midziyo, napenepo vinyu itswa na midziyo ineyo inaluzica. Napenepo, ikani vinyu itswa mumidziyo mitswa". ²³ Futi cudawonekwa cuti, ikali ntsicu ya sabudu, mucupinda kwatche Djeso mumbuto zacuti zikazvaliwa zvinhu, wafpunzi watche watanga cuvula njira wadadula misapho zvacuti inga zvadina mhumba. ²⁴ Napenepo wafarizeu wadalanga: "Onani, htangueranyi walicuita zvinhu cuti hazvitenderwi musabudu?". ²⁵ Iye adalanga: "Hausati aerenga cuti ntswanyi davidi adaita pawo hawakana zvinhu futi pawowakana nzala, iye nawamuna wakana iye? ²⁶ Adapindatani munyumba ya Mulungu apo Biyatar akali sumu saserdote futi wadadya pau ya pamberi, cuti hazvikatenderwa cuti cana munhu zvatche adye, exceto wasacerdoti; futi adawa pasambo wakanaiyewo?". ²⁷ Djeso adalanga: "Ntsico ya Sabudu ida itirwa wanhu, nkabe munhu cuitirwa Sabudu. ²⁸ Napenepo, Mwana Wamunhu ndi Tchanguimire cuswica mu Sabudu".