¹ CHAGAMIRE hadadaira Mosisi: Hapo uchazwiona zwagu didacuita Farao; thaguwenigamubhata nabhokolagu latsimba anacusiani muchienda; nabhoko latsiba anacuthamagisani mudziko lache. ² Mulugu Adaloga cuna Mosisi, achiti:" Ine dine Yahweh. ³ Ine dhidaoneca na Abraama, na Isaque na Jacobo, niga Mulugu watsimba; apo, Nadzina lagu, Yaweh, Ine dikadziwikalini naiyo. ⁴ Inembo didaita chipagano naiyo, cuti diwapase dziko la Canana, dziko lao wadakala niga wanhacuuiya, dziko lacuti iyo wadapinda nalo. ⁵ Pambhuto yaizwi ine dinakavha cukuwa kwawana wa Isiraeri, wacuti wadadzinhirirwa nawa Igipito, apo ine dinakatsalacana chipagano chagu. ⁶ Nadhiano vhudza wa Isiraerita: 'Ine dine Yahweh. Ine dinadzacubhudisani mucudzwinhirirwa cuna waIgipito apo dinadzacuphudzumulani cutsibha zayo. Dinacubhudisani nabhoko lagu latsimba apo nabhasa likulu lacutoga. ⁷ Ine dinadzacutolani cunaine, nigawadhuwagu, apo Ine dichaidzaita Mulugu wanu. Apo imwe muchadzadziwa cuti Ine dine Yahwh, Mulugu wanu, akubhudisani mucudzinhirirwa cuIgipito. ⁸ Ine dinadzacutolani kweda cudzico lagu ndidathebesa Abraama, Isaque na Jacobo. Ine nadzacupani niga chimiro. Ine Dine Yahweh". ⁹ Pache Mozisi adaloga izwi cuwaIsiraerita, iyo hawana cumuvha nathagwe lacusyotiwa nacudzinhirirwa cuculu. ¹⁰ Apo Yahweh adaloga cuna Mosisi: ¹¹ Doco uyalogue cuna Farao, mabo wacuIgipito, cuti asiye wadhu waIsiraeri waende cudzico layo". ¹³ Mosisi adavhudza Yahweh: "Niga Iyo waIsiraer hawadivhi, thaguweranhi Farao agadivhe, thaguwe ine hadisi muche paculoga. ¹² Apo Yahweh adaloga cuna Mosisi na Arao, achiwapa mutemo cuna waIsiraerita nacuna Farao, mabo wacuIgipito, nacuda kwacuti waIsiraerita wasiye dziko la Igipito. ¹⁴ Hi dio ikalimisolo hanhubha zawabhabawawo: wana wa Rubeni, dhaguwe la Isiraeri, wakali Hanoque, Palu, Hezromi na Carmi. Hi dio ikali bumba yha Rubeni. ¹⁵ Wana wa Simiao wakali Jemuel, Jami, Oade, Jaquim, Zoar na Saur_ mwana wamucadzi mucananeu. Hi kali bumba yha Simiao. ¹⁶ Pano wadanebiwa madzidza awana wa Levi, cubhudira mumadziseculu hao. hiyo wakali Gersoni, Coate na Merari. Levi adalalama makole zana namacumatatu namanomwe. ¹⁹ Wana wa Gersoni wakali Libnie na Simei. ¹⁸ Wana wa Coate wakali Arao, Isar, Hebrom na Uziel. Coate adalalama zana namacumimatatu namatatu amacole. ¹⁷ Wana wa Merari wacali Mali na Musi. Awa wadagala bumba iya Levi, pabhodzi nawanhadziseculu waho. ²⁰ Arao Adaloolana na Joquebede, mubhale wabhambo wache. Apo iye hadamupa Arao na Mosisi.Arao adalalama zana namacumimatatu namanomwe amacole apo adafa. ²¹ Wana wa Izar wacali Cora,Nofegue na Zicri. ²² Wana wa Uziel wacali Misael, Elzafa na Sitri. ²³ Arao hadaloolana na Eliseba, mwanawa Aminadabe, mubhale wa Nasom. Iye adamupa Nadabe na Abiu, Eleazar na Itamar. ²⁴ Wana wa Cora wacali Asir, Elcana na Abiasafe. Hi dio hiakali bumba iyawa Coraita. ²⁵ Eleazar, mwana wa Arao, Adaloola na namubhodzi mwana wa Putiel. Iye adabhala Fineias. Hi diyo ikali misolo iyawabambo wawa Levita, pambhodzi nawanadzawatewera. ²⁶ Hawa diho wacali wamuna wawiri, Arao na Mosisi, wacuti Yahweh adawavhudza: "Bhudisani wana wa Isiraeri mubhuto yaIgipito, namadhuguwe iyao yawanhakondo". ²⁷ Wadaenda Arao na Mosisi cuyaloga cuna Farao, mambo wamuIgipito, cuti asie waende wa Isiraeri cubhuda mudziko la Igipito. ²⁸ Pache Yahweh adaloga cuna Mosisi cudzico la Igipito, ²⁹ Hiye adaloga:" Ine dine Yahweh. Muvhudze Farao, mambho wamuIgipito, zwetse zwidhu zwangudinacuvhudza". ³⁰ Magi Mosisi adamuvhudza Yahweh: "Ine hadisiri muche paculoga, napenepo, anadzadivhatani Farao?".