¹ Yahweh adamuvhudza Mosisi: "Uya, Ine nacuita niga mulugu pamberi pa Farao. Arao, mubhale waco, anadzagala muplofita. ² Iwepo unadzaloga zwetse Ine zhangu nacuvhudza. Arao, mubhale waco, anadzaloga cuna farao cuti iye asiye wandhu waIsiraeri waende cudzico lao. ³ Apo Ine ndichaomesa moyo wa Farao, apo dinadzapaguiza midzai dzai iya tsimba iyagu na zwichamiso mudzico la Igipito. ⁴ Hapo Farao hadzacuvhi. Napenepo Ine nadzaika bhocolagu cuna Igipito nadzabhudisa wanhankondo wagu, wadhu wagu, wanadzatewera wa Isiraeri. Ine nadzawabhudisa padzico la Igipito napacati pa mabhasa autogui. ⁵ Magipito hachadzadziwa cuti Ine dine Yahweh, ine nigathasamula bhocolagu cuthasulira Igipito apo dichibhudisa wa Isiraeri pacati pao". ⁶ Dhiani, Mosisi na Arao wadaita; niga Yahweh zyache acadaloga. ⁷ Mosisi akana macole macumimasere, apo Arao, akana macumimasere nama tatu amacole, padaloga iyo cuna Farao. ⁸ Yahweh adaloga cuna Mosisi na Arao: ⁹ Pache Farao agacuvhudzani: 'itani mudzaidzai ubhodzi', napenepo iwepo unadzaloga cuna Arao: 'Tola twimbo iyaco ithuse cumberi kwa Farao, cuti ichinje cuita nhoca'''. ¹⁰ Napenepo, Mosisi na Arao wadaenda cuna Farao apo wadaita niga izyo Yahweh acadawavhudza. Arao adathusa tswimbo iyache pamberi pa Farao nawanhabasawache, apo iyo idavhaiyaita nhoca. ¹¹ Apo, Farao hadadaidzambo wadziwisisi nawaloi. Iyo wandaitambo zwibhodzibhodzizyo pacati pauloi hwao. ¹² Mubhodzi namubhodzi wayo adathusa ntswimbo iache patsi, apo izo zindatsanduca nhoca. Nadhiano tswimbo ia Arao indafudza nhoca zayo. ¹³ Moio waFarao udaomesiwa apo ihe haana cuwavha, niga zwikadaloga Yahweh. ¹⁴ Yahweh hadavhudza Mosisi: "Moiyo wa Farao undaomesiwa apo iye aliculamba cusia wandhu cuti waende. ¹⁵ Ndoco cuna Farao chacumachibhese, agati alicumadzi. Ngala mumbhera iyamuculo, cuti umuswikire, tola mumaja haco tswimbo iyacutin idachinja cuita nhoca. ¹⁶ Muvhudze iye: 'Yahweh, mulugu wawa hebreu, andituma cunaiwe cuti dicuvhudze: "Siha wandhuwangu waende ,apo,ndhiani, iyo wangandinamate mutseseti. Apo nachinchino iwepo haundi cutivha". ¹⁷ Yahweh aloga: "Ndhiani, uchadziwa cuti Ine dine Yaheh. Ine dichacondzesa madzi hamuculo Nilo natswimbo iyacuti irimumaja angu, apo muculo uchachinja cuita magazi. ¹⁸ Ntsomba zacuti zirimuunculo zichafa, muculo uchanunca zwacunhagala. Maigipito achagunda cumwa madzi amuuculo''. ¹⁹ Apo, napenepo, Yahweh hadavhudza Mosisi: "Vhundza Arao: 'Tola tswimbo iyaco utwasule bhocolaco cumadzi iaEgipito, nacumiculo ihao, nacudurwe zaho, nacumathawale apo naetse matsantsa iya'madzi, cuitira cuti madzi hayo achinje cuita magazi. Ita hizwi apo, napenepo, cunadzaoneca gazi pentse pantsi pa Igipito, napenepombo cuswikira muzimbhaco zamiti nazamauwe''. ²⁰ Mosisi na Arao wadaita niga zwidaloga Yahweh. Arao adamusa tswimbo hadacodzesa madzi amunculo, pamberi pa Farao nawanhamubhasawache. Etse madzi amuculo adachinja cuita magazi. ²¹ Ntsomba zindafa muculo udatanga cununka zwacunhagala. Maigipisio hazwikaitambha cuti wamwe madzi amunculo, apo ghazi licali entse bhuto iya Igipito. ²² Apo wanhauloi wamu Igipito wadaitao zwibhodzibhodzizyo nauloi wayo. ndhiani, moiyo wa Farao udaomeswa apo iye adalamba cuvha Mosisi na Arao, ninga yahweh zwache acandaloga cuti zwinadzaitica ²³ Napenepo Farao hadazungunuca adaenda cumba kwache. Iye hahana nakuzwibalaco zwindaiticazyo. ²⁴ Ihetse Maigipito wandachera mumbhera iyamuculo cuzwaga madzi acumwa, nathanguwe lacuti haacaita cumwa madzi amunculo. ²⁵ Apo padapinda tsicu zinomwe pacubhuda kwa Yahweh cucondzesa muculo.