¹ Zvidaitica nswakubvi, unango mukulu mambo adagala pa mui, patche pakubvi, Yahweh adapa kupuma kuna wense wazondi watche wapaduze. ² Nyakwawa uya adati kuna Nata, mu profiti:" Ona inepano ndinagala pa nyumba yamatabua ngalawa iru pagumbiri." ³ Apo, Nata adalanga kuna mambo:" Endani kaita zwiri mumoyo mwanu, thangwe Yahweh ana imwe. ⁴ Apo pausiku ubodzihwo Yahweh adalanga kuna Nata, atchibvi:" ⁵ Ndoco kuna umubvunze Davide nhabassa wangu kuti: Ndizwo zwalanga Yahweh: Iwe unzandigadzirira nyumba? ⁶ Thangwe ine andigali munyumba, kubudira pangu ndidabudisa wanhu wangu mu Israel kuwanisa mu Jipita, kuswikira patsiku yuio, kunza kwawenazwo: Ine ndina famba kubuda kuno nditchiuya kweneko na mugumbiriri, mutabernaculo. ⁷ Kuna yense mbuto yangu ndapinda nayo, muwanhu wa Israel, ndidalanga Ine zwinhu padoco kuna wanamati wangu ndidaita mafundisse wanhu wa mu Israel:' kuti nswanyi hamuna kundiitira nyumba yakudeka?" ⁸ Apo bvunza kuna munhu wangu Davide:" Zwenezwo ndizwo zwidalanga Yahweh wakale: Ine ndinakubudisa pakati pamabira, kukuendesa kuwa Israel kiyatonga mbumba yangu. ⁹ Ine ndakali na iwe pako udaenda, nditchi thamangisa wazondi wako, napenepo wagali wapanse. ¹⁰ Ine ndina tswaguira mbuto kuwana wangu mu Israel na kugalikira kuti iwo walalame pambuto yangu futi nkalezwe kudzachuphiwa. Akabezwe kudzawaboneresa ninga zwawo wadaita kalepo, ¹¹ kubudirapangu ndidaika utongi wangu na wanhu wa mu Israel. Apo ndinapa kupuma kuna wazondi waco. Ine Yahweh ndinapindiriza kuwaka nyumba. ¹² Pa tsiku yako ingaswika na penepo ndina kubatsira iwo wanakumukira napenepo ulinakuya ukulu. ¹³ Iye ananditira nyumba yangu mudzina langu, ine ndinadza kubatsira ukulu wako kwenda na kwenda. ¹⁴ Ine ndinagala bambo watche iyembo anagala mwana wangu. Ece iye angaphaia ndinamuphanitcha na mutchanu wawamuna na malango yawana wamunhu. ¹⁵ Ese nakuda kwangu andidzakusii, ninga zwangu ndida ita kuna Saulo, ine ndina swika pamberi pako. ¹⁶ Nyumba yaka na ukulu wako zwinadza dzirikana pamberi pako. Ukulu wako unagalikira kwenda na kwenda." ¹⁷ Nata adalanga na Davide atchimulangira yense masoko, na zwense zwatche asangana nazwo. ¹⁸ Apo, Davide ninga mukulu, adapinda adagala pamberi pa Yahweh napenepo adamubvunza: Kuti muswike kulanga dyalo? ¹⁹ Zwenezwo zwitagala ntswi doko panu, tchangamire Yahweh. Imwe malanga na ubale wa uswenzi panguwa irikuya napenepo mandipangiza mukaindi wakusia, tchangamire Yahweh. ²⁰ Ndutedze titini anga, Davide akubvunzeni? Iwe kadza imuswi wako, Tchangamire Yahweh. ²¹ Na thangwe la pfala lako unadikana kutewerera kudai dza kwako, Iwe zwamuche zwenezwi napenepo wakodza maaswi wako. ²² Nakudyalo ndimwe mukulu, Tchangamire Yahweh thangwe unango ninga imwe, hapazwe Mulungu Kunza kwaimwe, ninga tabva namakutu yathu. ²³ Napenepo ndjajyiswe nika ninga Israel, ndiyo yoga nyica pamberi panu, Mulungu adaenda adatapuza kuna iwe? Iwepo waita kuti igale mbumba kuna iwe, kuti waite dzina kuna iwe napenepo kuti aite zwikulu na midzaidzai zwitchipindira na mbuto yako. Iwe wathamangisa mbumba na walungu wako nawanhu wako, adakubudisani mu gipita. ²⁴ Imwe muna tchinjisa Israel ninga wanhu wanu napenepo iwe Yahweh adakuita Mulungo wako. ²⁵ Apo, Mulungo Yahweh nakulanga kwatche adaita na kodzero ninga na mubale ngazwienderere kwenda na kwenda. Itani zwangu ndinalanga. ²⁶ Kuitira kuti dzina lako likule kwenda na kwenda napenepo wanhu watchalanga Yahweh ndiye Mulungu wakale wa I srael itchiti ndiye nyumba ya Davide idapika iye. ²⁷ Thangwe iwepo, Yahweh wakale, iye Mulungu wa Israel, adapa nyumba munhu watche. Ndizwo ninga inepano munhu watche ndidanamata Iwe. ²⁸ Apo, Tchangamire Yahweh ndiwe Mulungu na masoco ako ngamuche anathembeka, kulanga kwako kuna munhu wako. ²⁹ Apo zwingagala nswakudeka, kombolerani nyumba yanu, kuti iye alambirire kwenda na kwenda pamberi pana nakudyalo, Tchengamire Yahweh, adalanga zwenhu zwenezwe, napenepo, na makomborero nyumba ya wanhu wako ina komnborerka kwenda na kwenda.