¹ Peze ipapo zvinadzayita, Davide adapoka na wanyamarwa watche wa filistia achibva awakunda. Adawafunda achitwatotera utongi hayo. ² Dyalo adakundambo, adayita kuti wathu wache wense wawale pantsi, achiwapima na dzoyi, kuti paphindi mayiri ayulayiwe, phindi libhodzi lamutero, walambe wachilalama. Na dyalo wa moabita wadadzagala wabassa wa Davide achiwalipissa munsonko. ³ Davide akunda Hadadezer, mwana wa Reobe, mambo wa Zoba, atchiti Hadadezer akhayenda kiyawambala muthu watche kuswika kumukolo wa Eufrates. ⁴ Davide awatolera motika chulu chibhodzi na mazana manomwe akhondo na yena masodja zvulu makumi mawiri. Davide adangwanda ndondo za mahaji adasiya ntsama yache akhada chulu chamutika. ⁵ Padadzaswika wa siria waku Damasco, kudzabatsira Hadadezer, mambo wa Zoba, Davide ayulaya wathu zvulu makumi mawiri na zviwiri mwa iyo. ⁶ Peze ipapo Davide ayiga masodja mu siria wa Damasco. Wa sirios wadagala wanyabassa watche, wachimulipa masoko, Yahweh akhabantsina Davide kuti akunde kwentse kunayenda iye. ⁷ Davidi adatola cheleni yagolodhi, yacuti ikhali pawanyabasa wa Hadadezer adauisa mu djerusalema. ⁸ Ya Beta ya Berotai, luwani la Hadaezer, mambo adatola zvbinhu zvijinji ya golidhi. ⁹ Patche Toi, mambo wa Hamate, adazvibva kuti Davidi akhada kunda yense masodja wa Hadadezer, ¹⁰ adatuma mwana watche juwau kuna mambo Davidhi kuti amukwaidze; thangue Davidhi adanga akupoka na Hadadezer futi adamukunda. Futi thanguera kuti Hadadezer akhada saina nkondo kuna Toi. Juwau natchinhu tchagolidhi nangoda zakusiya siyana. ¹¹ Mambo Davidhi adaanamatira zvinhu zvense pamberi Yahweh, nadyano ninga plata na golidhi, nazvense zvamuche zvatche adatola _ ¹² waku Siriya, waku Mowabi, waku Amoni, Wafilistiya na wa Amaleki podi zvense zvamuche zvawa datolerha Hadadezer mwana wa Reobe, mambo waku Zoba. ¹³ Dzina la Davidhi lidagala lakudziwikwa pakuhirira kwatche, na wathu wache zvuru khumi nazvisere, wakudaidza nawa Siriya, paphiri la Sal. ¹⁴ Iye adaiga wanyakuwonerera ku Edom wense waku Edomita wadakala wanyabasa watche. Hahweh adapasa kuwina Davjdhi nkwense ku khaenda iye. ¹⁵ Davidhi akatonga yense Iziraer, iye akhatonga muche, akhabatazve muche wanhu wense. ¹⁶ Jowabi mwana wa Zeruiya akhali mukulu wamasodja, na Jeozafa, mwana wa Ailude, ndiye akhanemba zvense zvikhaitika. ¹⁷ Zadoki mwana wa Aitubi na Aimeleki, mwana wa Aibitari, wakhali waphrisita; Seraiya akhali nyakunemba; ¹⁸ Benaiya, mwana wa Joiyada, akhatonga wa Keretewo na ma peretewo; na wana wa Davidhi wakhali wanyaku wapunguli wa mambo.