¹ Nadyalo, Dhavidhi adaunganiza wense wamuna wadasakhurwa ya Iziraeri, macumi matatu awamuna pa wense. ² Dhavidhi adamuca adaenda na wense wamuna iye na Baala wa Djudha, kuti wause kweneco kuna ngalawa wa Mulungu, futi adhadziwe na dzina la Yahweh na masodja, tchibato tcha Mulungo pacati pawo. ³ Iyo wadhaikha ngalawa ya Mulungo thambwe wa motica inovhu futi anatora panyumba wa Abinadabe, ninga widhagala ngati Colina. Uza e Aio, wana wanu, wakafambi samotica itsva. ⁴ Iyo wadhausamhotica kubhudhaiyo kumui ikwa Abinadabe, kwa Colina, na ngalawa wa Mulungu na iye. Aio adhafamba kumberirka ngalawa. ⁵ Natenepo Dhavidhi na mui wense wa Iziraeri wadatanga kuwemba pana Yahweh, kupfudzisa na midziyo ninga phulanga za rudimbwa, mbira, madiramu, ngoma zachigalirwe. ⁶ Natenepo iyo wadaswika pa mbuza Nacom, ngombe zidadzedzeleka. Uza adamusa bako, adabatha ngalawa ya Mulungu futi adabatha. ⁷ Nakudyalo, adatswona Yahweh adabuda napamususoro wa Uza. Mulungo nadabwanha nakuphonya. Uza adafa penepo, pakundu pa ngalawa wa Mulungu. ⁸ Dhavidhi adatswoma napenepo Yahweh adatswoma Uza. Futi iye adaidza pa mbuto ineiyo nadzina la Perez - Uza. Pa mbuto idaidzowa Perez - Uza ku swikira nsiru wanyamusi. ⁹ Dhavidhi adatcha Yahweh pansi ineiyo- Iye adalanga:" Ninga ngalawa wa Mulungu inaswika kunaine?". ¹⁰ Natenepo, Dhavidhi hanaikuda kutora ngalawa za Yahweh naiye kwenda luwani wa Dhavidhi; nakuda kwazwineswi; iye adasiwa nyumba wa Obede - Edom, na geteu. ¹¹ Yi ngalawa ya Yahweh adhalambira alimunyumba ya Odebe - Edom, na geteu, pa mezi mitatu. Natenepo Yahweh adhakombolerwa munyumba mweche wense. ¹² Pangani ineio, wadamubvunza mambo Dhavidhi: " Yahweh adakombolera munyumba ya Obede - Edom futi zwindhu zwense iye nakuda kwa ngalawa ya Mulungo". Natenepo, Dhavidhi adaenda atchisa ngalawa ya Mulungu panyumba ya Obede - Edom mu luwani ya dhavidhi, nguwa yako dequerwa. ¹³ Napenepo awo akhadadzunsa ngalawa ya Yahweh wakaita pathanho mathandathu, iye kutsungulira ngombe ibhozi na mbira la khuma. ¹⁴ Dhavidhi adadzua pana Yahweh, na tsimba yense; iye akadha tsimira yemba kambula manja. ¹⁵ Natenepo, Dhavidhi pa nyumba ya Izraeri adhaunganiza ngalawa ya Yahweh nakukuwa na dhungu ya mutuliro. ¹⁶ Pangani eneio, napenepo ngalawa ya Yahweh adhadzikha pa luwani ya Dhavidhi, Mical, mwana wa Saul, alinguisa na pa janela. Iyr adhaona mambo Dhavidhi adathata futi adadzwa kumberi kwa Yahweh, natenepo, iye adhanyozera na pa moyo. ¹⁷ Iyo wadhaikha ngalawa kwa Yahweh futi wadaika pambuto pakati patendi kuti Dhavidhi akada lonjolera kuna iye: napenepo Dhavidhi adapa kuti kupereka mahala pamberi pa Yahweh. ¹⁸ Pache Dhavidhi adapedza kupasa tsembe naku pereka mahala adakombolerwadhu nadzina ya Yahweh, na masodja. ¹⁹ Natenepo, adakwanisa wense mukumbi wa Israeri, ninga mamuna na wakadzi, mukati, phisi ya nyama futi na mussuwa. Natenepo wense wadhu wadabuda, nabhodzi adapinda mumba mwache. ²⁰ Napenepo Dhavidhi adhapassa makomborero kuna wabale. Mical, mwanasicana wa Saul, adhauya kuza sangana na Dhavidhi alanga: " Ndikodjolipe lida passia mambo kwa Iziraeri lero, adhadziwa naku ona kubodera, kuna wadhu, nadyalo bhodzi nhakuponya anadza nhala". ²¹ Dhavidhi, adadaira kuna Mical:" Inepano ndidaita izwi pana Yahweh, mbuni andisalura pambuto ya umambo ya bhambo wangu na ubale kuti andita ninga mambo wandhu kwa Yahweh, kwa Iziraeri. ²² Pamberi pa Yahweh inepano ndichaterekwa. Inepano ndichadzadzichepesa kupinda kwenezi, inepano nditchaswichepesa pamaso pangu, ninga matso akubonera kuti iwepo ulongwe, madzina inepano ninga kukodziwa". ²³ Nadyalo, Mical, mwana sikana wa Sauli, akana mwana kuswikira kufa kwache.