¹ Je unajua ni wakati gani mbuzi mwitu huzaa watoto wao katika miamba? Je waweza kuwangalia paa wakati wanapozaa watoto wao? ² Waweza kuhesabu miezi ya kuchukua mimba? Je unaujua muda ambao huzaa watoto wao? ³ Wanainama chini na kuzaa watoto wao, na kisha maumivu yao ya uzazi yanaishi. ⁴ Watoto wao huwa na nguvu na kukua katika uwanda wa wazi; hutoka nje na hawarudi tena. ⁵ Ni nani huwaacha punda mwitu waende huru? Je nani amevilegeza vifungo vya punda wepesi, ⁶ ni nyumba ya nani nimeifanya katika jangwa, au nyumba yake katika nchi ya chumvi? ⁷ Hucheka kwa dharau katika kelele katika mji; hasikilizi kelele za mwongozaji. ⁸ Hutembeatembea juu ya milima kama malisho yake; huko hutafuta kila mmea ulio wa kijani kwa ajili ya kula. ⁹ Je nyati atakuwa na furaha kukutumikia? Je atakubali kukaa katika zizi lako? ¹⁰ Waweza kumwongoza nyati kulima mtaro kwa kamba? Je atachimba bonde kwa ajili yako? ¹¹ Je waweza kumtumaini kwasababu ya nguvu zake nyingi? Je waweza kumwachia kazi yako ili aifanye? ¹² Je waweza kumtegemea akuletee nyumbani nafaka, au kukusanya nafaka katika uwanda wako wa kupuria? ¹³ Mabawa ya mbuni hupunga kwa majivuno, bali je mabawa na manyoya yana upendo? ¹⁴ Kwa maana huuacha mayai yake katika nchi, na huyaacha yapate joto katika mavumbi; ¹⁵ husahau kuwa mguu waweza kuyaharibu au kwamba mnyama mwitu aweza kuyakanyaga. ¹⁶ Huyatendea vibaya makinda yake kana kwamba si yake; haogopi kwamba kazi yake yaweza kupotea bure, ¹⁷ kwasababu Mungu amemnyima hekima na hajampa ufahamu wowote. ¹⁸ Na wakati anapokimbia kwa haraka, huwacheka kwa dharau farasi na mpanda farasi wake. ¹⁹ Je umempa farasi nguvu zake? Je umeivika shingo yake kwa manyoya? ²⁰ Je umemfanya aruke kama panzi? Enzi ya mlio wake ni wa kutisha. ²¹ Hurarua kwa nguvu na kufurahia katika nguvu zake; hukimbia upesi kukutana na silaha. ²² Huidharau hofu na hashangazwi; huwa harudi nyuma kutoka katika upanga. ²³ Podo hugongagonga ubavuni mwake, pamoja na mkuki unaong'aa na fumo. ²⁴ Huimeza nchi kwa hasira na ghadhabu; katika sauti ya tarumbeta, hawezi kusimama sehemu moja. ²⁵ Wakati wowote tarumbeta inapolia, husema, 'Ooh! Huisikia harufu ya vita kutoka mbali - vishindo vya radi za makamanda na makelele. ²⁶ Je ni kwa hekima yako kwamba mwewe hupaa juu, na ya kuwa huyanyosha mabawa yake kwa upande wa kusini? ²⁷ Je ni kwa agizo lako kwamba tai huruka juu na kufanya kiota chake katika sehemu za juu? ²⁸ Huishi katika majabali na hufanya makao yake katika vilele vya majabali, na ngomeni. ²⁹ Kutoka huko hutafuta mawindo; macho yake huyaona mawindo kutoka mbali. ³⁰ Makinda yake hunywa damu pia; na pale ilipo mizogandipo na yeye alipo.