¹ Hakika, moyo wangu hutetemeka kwa hili; umeondolewa kutoka katika sehemu yake. ² Sikia, Ee, Sikia kelele za sauti yake, sauti inayotoka katika mdomo wake. ³ Huiagiza sauti chini ya mbingu yote, na huutuma mwanga wake katika mipaka ya dunia. ⁴ Sauti huunguruma baada yake; yeye huunguruma kwa sauti ya ukuu wake; hauzuii mshindo wa mwanga wakati sauti yake inaposikika. ⁵ Mungu huunguruma kwa sauti yake kwa namna ya ajabu; yeye hufanya mambo makubwa ambayo sisi hatuwezi kuyafahamu. ⁶ Kwa kuwa huiambia theluji, 'Angukeni juu ya dunia'; hali kadhalika kwa manyunyu ya mvua, 'Iweni manyunyu makubwa ya mvua.' ⁷ Huuzuia mkono wa kila mtu usifanye kazi, ili kwamba watu wote aliowaumba wataona matendo yake. ⁸ Kisha hayawani huenda na kujificha na kukaa katika mapango yake. ⁹ Dhoruba hutoka katika chumba chake upande wa kusini na baridi kutoka katika pepo zilizotawanyika katika upande wa Kaskazini. ¹⁰ Barafu imetolewa kwa pumzi ya Mungu; upana wa maji umeganda kama chuma. ¹¹ Hakika, huyapima mawingu manene yenye unyevu; yeye huusambaza mwanga wake katika mawingu. ¹² Yeye huyazungusha mawingu kwa uongozi wake, ili yafanye chochote anayoyaagiza juu ya uso wote wa ulimwengu. ¹³ Huyafanya haya yote yatokee; wakati mwingine hutokea kwa ajili ya kusahihisha, wakati mwingine kwa ajili ya nchi yake, na wakati mwingine ni kwa matendo ya agano la uaminifu. ¹⁴ Yasikilize haya, Ayubu; acha na ufikiri juu matendo ya ajabu ya Mungu. ¹⁵ Je unajua ni kwa namna gani Mungu hushurutisha mawingu na kuufanya mwanga wa radi ung'ae ndani yake? ¹⁶ Je unafahamu kuelea kwa mawingu, matendo ya ajabu ya Mungu, Je ni nani aliyemkamilifu katika maarifa? ¹⁷ Je unafahamu ni kwa jinsi gani mavazi yako huwa ya moto wakati nchi ikiwa imetulia kwasababu ya upepo unaotoka upande wa kusini? ¹⁸ Je unaweza kulitandaza anga kama anavyofanya - anga ambalo lina nguvu kama kioo cha chuma kigumu? ¹⁹ Tufundishe sisi kile tunachopaswa kumwambia yeye, kwa kuwa hatuwezi kutoa hoja zetu katika mpangilio kwasababu ya kiza katika akili zetu. ²⁰ Je anapaswa kuambiwa kwamba ninapenda kuongea naye? Je mtu angependa kumezwa? ²¹ Sasa, watu hawawezi kulitazama jua wakati linang'aa katika anga baada ya upepo kupita katikati yake na umelisafisha kwa mawingu yake. ²² Kutoka upande wa kaskazini hutokea fahari ya dhahabu - juu ya Mungu kuna ukuu wa kutisha. ²³ Na kuhusu Mwenye nguvu, hatuwezi kumpata; yeye ni mkuu katika nguvu na haki. Yeye hatesi watu. ²⁴ Hivyo basi, watu humwogopa. Yeye huwa hawajali wale ambao ni wenye hekima katika akili zao wenyewe."