¹ Elihu aliendelea na kusema, ² "Niruhusu niseme kidogo zaidi, nami nitakuonesha baadhi ya mambo kwasababu nina maneno machache ya kusema kwa ajili ya Mungu. ³ Nitapata maarifa yangu kutoka mbali; nitatambua kwamba haki ni ya Muumba wangu. ⁴ Kwa kweli, maneno yangu hayatakuwa ya uongo; mtu fulani aliyekomaa katika maarifa yu pamoja nawe. ⁵ Angalia, Mungu ni mwenye nguvu, na hamdharau mtu yeyote; yeye ni mwenye nguvu katika uweza wa ufahamu. ⁶ Yeye huwa hayahifadhi maisha ya watu waovu bali badala yake hufanya yaliyo ya haki kwa wale wanaoteseka. ⁷ Haondoi macho yake kwa wenye haki bali badala yake huwaweka juu ya viti vya enzi kama wafalme milele, nao wameinuliwa juu. ⁸ Ikiwa wamefungwa minyororo na kunaswa katika kamba za mateso, ⁹ kisha huwafunulia kile walichokifanya, na maovu yao na kiburi chao. ¹⁰ Hufungua pia masikio yao kwa ajili ya agizo lake, na huwaamuru wageuke kutoka katika uovu. ¹¹ Ikiwa watamsikiliza na kumwabudu yeye, wataishi katika mafanikio katika siku zao, na miaka yao katika hali ya kuridhika. ¹² Hata hivyo, kama hawatasikiliza, wataangamia kwa upanga; watakufa kwasababu hawana maarifa. ¹³ Na wale wasiomjua Mungu hutunza hasiria zao katika mioyo; hawaombi msaada hata wakati ambapo Mungu huwafunga. ¹⁴ Hawa hufa katika ujana wao; na maisha yao hukoma kati ya makahaba. ¹⁵ Mungu huwainua watu walioonewa kwa njia ya mateso yao; hufungua masikio yao kwa njia ya uonevu wao. ¹⁶ Kwa hakika, yeye angependa kuwatoa ninyi katika mateso na kuwaweka katika sehemu pana ambapo hakuna masumbufu na mahali ambapo meza yenu ingewekwa ikiwa na chakula kilichojaa mafuta. ¹⁷ Lakini wewe umejaa hukumu juu ya watu waovu; hukumu na haki umeziachilia. ¹⁸ Usiuache utajiri ukuvute katika udanganyifu; na sehemu kubwa ya rushwa isikugeuze upande kutoka katika haki. ¹⁹ Je utajiri wako waweza kukunufaisha, ili kwamba usiwe katika taabu, au nguvu zako zote za uwezo zaweza kukusaidia? ²⁰ Usiutamani usiku ili utende dhambi dhidi ya wengine wakati ambapo mataifa hukatiliwa mbali katika nafasi zao. ²¹ Uwe mwangalifu ili kwamba usigeukie dhambi kwasababu unajaribiwa kwa mateso ili kwamba ukae mbali na dhambi. ²² Angalia, Mungu ameinuliwa katika nguvu zake; ni nani aliye mwalimu kama yeye? ²³ Ni nani alishamwalekeza njia yake? Nani anayeweza kumwambia, 'Wewe umetenda mambo yasiyo ya haki?' ²⁴ Kumbuka kuyasifu matendo yake, ambayo watu wameyaimba. ²⁵ Watu wote wameshayatazama hayo matendo, lakini wanayaona tu matendo hayo kwa mbali sana. ²⁶ Tazama, Mungu ni mkuu, lakini sisi hatumfahamu yeye vizuri; hesabu ya miaka yake haihesabiki. ²⁷ Kwa kuwa yeye huvuta matone ya maji ili kuyachuja kama mvua katka mvuke wake, ²⁸ ambayo mawingu yake huyamwaga chini na kuyandondosha kwa wingi kwa mwanadamu. ²⁹ Hakika, kuna hata mmoja awezaye kuelewa kwa undani kusambaa kwa mawingu na radi kutoka katika nyumba yake? ³⁰ Angalia, hueneza mwanga wake kumzunguka na kufunika mizizi ya bahari. ³¹ Kwa namna hii huyahukumu mataifa na kuwapa chakula kwa wingi. ³² Yeye huuijaza mikono yake kwa mwanga mpaka pale anapouamuru kupiga shabaha yake. ³³ Na muungurumo wake huonya kwa dhoruba, wanyama wanaweza kusikia kuja kwake.