¹ Aidha, Elihu aliendelea kusema, ² "Je unadhani hii ni sawa unaposema, 'Haki yangu mbele ya Mungu? ³ Kwa kuwa unauliza, 'Inafaa nini kwangu' na 'Ingekuwa nzuri kwangu kama ningekuwa nimetenda dhambi?' ⁴ Nitakujibu, wewe pamoja na marafiki zako. ⁵ Tazama juu angani, na ulione; angalia anga, ambalo liko juu sana kuliko wewe. ⁶ Kama umetenda dhambi, ni madhara gani huwa unayafanya kwa Mungu? Ikiwa makosa yako yameongezeka zaidi, je huwa unafanya nini kwake? ⁷ Kama wewe ni mwenye haki, unaweza kumpa nini? Je atapokea nini mkononi mwako? ⁸ Uovu wako waweza kuwaumiza mtu, kama ulivyo wewe ni mtu, na haki yako yaweza kumnufaisha mwana mwingine wa mtu. ⁹ Watu wanalia kwasababu ya matendo mengi ya unyanyasaji; wanaomba msaada katika mikono ya watu wenye nguvu. ¹⁰ Lakini hakuna hata mmoja asemaye, ' Mungu Muumba wangu yuko wapi, ambaye hutoa nyimbo wakati wa usiku, ¹¹ ambaye hutufundisha sisi zaidi anavyowafundisha wanyama wa dunia, na ambaye hutufanya sisi kuwa wenye hekima kuliko ndege wa angani? ¹² Huko wanalia, lakini Mungu hawajibu kwasababu ya kibriu ya watu waovu. ¹³ Kwa hakika Mungu hatasikia kilio cha kipumbavu; Mwenye nguvu wala hatajali. ¹⁴ Ni kwa namna gani atakujibu ikiwa unasema haumwoni, na ya kwamba hoja yako iko mbele yake, na ya kuwa unamngojea yeye! ¹⁵ Ni kwa jinsi gani atakujibu kama unasema kwamba hamwadhibu yeyote kwa hasira, na ya kwamba hajishughulishi na kiburi cha watu. ¹⁶ Basi Ayubu hufumbua kinywa chake tu ili kusema upumbavu; huongeza maneno bila maarifa."