¹ Ayubu akaendelea na kusema, ² Enyi, rafiki zangu ningekuwa kama nilivyokuwa miezi iliyopita wakati Mungu aliponiagalia, ³ taa yake ilipowaka kichwani pangu, na pale nilipotembea gizani kwa nuru yake. ⁴ Ee, kwamba ningekuwa kama nilivyokuwa katika siku za ujana wangu uhusiano wangu na Mungu ulivyokuwa mzuri, ⁵ wakati Mwenyezi alipokuwa pamoja nami, na wanangu walipokuwa karibu nami, ⁶ wakati maisha yangu yalipokuwa yamejawa na utele, na mwamba uliponichuruzishia chemichemi za mafuta. ⁷ Nilipokwenda langoni mwa mji, nilipokaa katika eneo la mji, ⁸ vijana waliniona na walikaa mbali kwa kuniheshimu, na wazee waliinuka na kusimama kwa ajili yangu. ⁹ Wana wa mfalme waliacha kuongea nilipofika; wangeweka mkono wao katika vinywa vyao. ¹⁰ Sauti za waheshimiwa zililazimishwa, na ndimi zao hazikuweza kuongea vinywani mwao. ¹¹ Kwani baada ya kunisikia, wangenibariki; waliponiona, wangeniona na kuniheshimu ¹² kwa maana nilikuwa nikiwasaidia masikini waliokuwa wakiteseka, na yatima, asiye na msaada. ¹³ Baraka zao waliokuwa karibu kuangamia zilinipata; niliufanya moyo wa mjane kuimba kwa furaha. ¹⁴ Nilijivika utakatifu, nao ulinifunika; haki yangu ilikuwa kama kanzu na kilemba. ¹⁵ Niliwasaidia vipofu; niliwasaidia walemavu. ¹⁶ Niliwasaidia wahitaji; niliwasaidia hata wasionijua. ¹⁷ Nilimnyamazisha mwovu; nilimpokonya manusura kutoka katika meno yake. ¹⁸ Kisha nilisema nitakufa mahali salama; nitazizidisha siku zangu kama mchanga. ¹⁹ Mizizi yangu imeenea majini, na umande kukaa usiku wote katika matawi yangu. ²⁰ Heshima yangu ni mpya daima, na nguvu za upinde wangu zipo katika mkono wangu kila wakati. ²¹ Watu walinisikiliza; walinisubiri; walisikiliza ushauri wangu. ²² Nilipo maliza kuongea hawakunena tena, maneno yangu yaliwatia nguvu kama mvua. ²³ Waliningoja kama kungoja mvua; waliyathamini maneno yangu, kama walivyotamani mvua iliyokawia. ²⁴ Niliwafurahia bila wao kutarajia; hawakukataa uzuri wa uso wangu. ²⁵ Nilikuwa kama mfalme wao na kuwachagulia cha kufanya; nilikuwa kama mfalme katika jeshi lake, kama awafarijiye waombolezaji mazishini.