¹ Hakika kuna machimbo ya fedha, wanaposafisha dhahabu. ² Chuma uchimbwa; shaba uyeyushwa kutoka katika jiwe. ³ Mtu anaondoa giza na kutafuta, katika mpaka wa mbali, mawe hayaonekani na giza totoro. ⁴ Huchimba shimo mbali na makazi ya watu, mahali pasipopitwa na mtu. Huning'inia mbali na watu; uharakisha kwenda na kurudi. ⁵ Kwa nchi, kizalishwapo chakula, inapinduliwa kama kwa moto. ⁶ Mawe yake yana madini ya thamani, na vumbi lake lina dhahabu. ⁷ Hata ndege mwindaji hapajui, wala jicho la kipanga halijapaona. ⁸ Ndege mwenye majivuna hajawai kuiona njia hiyo, wala simba mkali kupita pale. ⁹ Mtu huchimba mwamba mgumu; hupindua milima katika vyanzo vyake. ¹⁰ Huweka njia katika miamba; macho yake pale kila kilicho cha thamani. ¹¹ Hufunga vyanzo hata wasiondoke; kilichofichika pale hukifunua. ¹² Hekima itakuwa wapi? Mahali pa ufahamu ni wapi? ¹³ Mtu hafahamu thamani yake; wala haipatikani katika nchi ya walio hai. ¹⁴ Vilindi vya maji chini ya nchi husema, 'Haiko kwangu'; bahari husema, 'Haipo pamoja nami.' ¹⁵ Hainunuliwi kwa dhahabu; wala hailinganishwi na fedha. ¹⁶ Haiwezi kuthamanishwa na dhahabu inayo patikana kwenye ardhi ya Ofiri, kwa jiwe jeusi la thamani au mawe yenye thamani. ¹⁷ Dhahabu angavu hailingani nayo kwa thamani; wala haiwezi kubadilishwa kwa vito vya dhahabu safi. ¹⁸ Hailinganishwi na marijani wala yaspi; hakika, thamani ya hekima inapita madini ya rubi. ¹⁹ Topazi ya Ethiopia hailinganishwi nayo; wala kuthamanishwa kwa dhahabu safi. ²⁰ Je hekima inatoka wapi? Mahali pa ufahamu ni wapi? ²¹ Hekima imejificha mbali na macho ya viumbe wote na ndege wa angani. ²² Mauti na uharibifu husema, 'Tumesikia tu tetesi kwa masikio yetu.' ²³ Mungu hufahamu njia ya kuipata; anapafahamu ilipo. ²⁴ Kwani uona miisho yote ya dunia na huona chini ya mbingu zote. ²⁵ Hapo kale, alifanya nguvu za upepo na kuyagawanya maji kwa kipimo. ²⁶ Aliiwekea mvua tamko na njia ya radi na munguromo. ²⁷ Kisha akaiona hekima na kuitangaza; aliianzisha, bila shaka, na kuipima. ²⁸ Aliwambia watu, 'Tazameni, kumcha Bwana - ni hekima; kuacha uovu ni ufahamu."