¹ Ayubu akaendelea kuoengea na kusema, ² "Kama aishivyo Mungu, ameniondolea haki yangu, Mwenyezi, aliyeyafanya maisha yangu kuwa machungu, ³ kadili uhai ungalimo ndani yangu uzima wa Mungu upo puani mwangu. ⁴ Hakika midomo yangu haitanena uovu, wala ulimi wangu kunena uongo. ⁵ Sitakiri kwamba mko sahihi; hata nitakapo kufa sitakana uadilifu wangu. ⁶ Naishikilia haki yangu na sitaiacha; nafsi yangu haitanisuta kadili ninavyoishi. ⁷ Adui yangu na awe kama mwovu; anayeinuka kinyume changu na awe kama asiye haki. ⁸ Kwani tumaini la mwovu ni nini Mungu anapomwondoa, Mungu anapochukua uhai wake? ⁹ Je Mungu atasikiliza kilio chake tabu zinapompat? ¹⁰ Je atajifurahisha katika Mwenyezi na kumwita Mungu nyakati zote ¹¹ Nitawafundisha kuhusu uwezo wa Mungu; sitabatilisha mawazo ya Mwenyezi. ¹² Tazama, ninyi nyote mmeona; kwa nini basi mmeongea maneno yasiyo na maana. ¹³ Hii ndiyo hatima ya waovu mbele za Mungu, urithi wa mtesaji ataupokea kutoka kwa Mwenyezi. ¹⁴ Ikiwa watoto wake wataongezeka, ni kwa upanga; uzao wake utakuwa na njaa. ¹⁵ Wazao watakao salia watauawa kwa tauni, na wajane wao hawatawaombolezea. ¹⁶ Japokuwa waovu hurundika mali kama mavumbi, ¹⁷ na kukusanya mavazi kama udongo, atakusanya mavazi, lakini mwenye haki atavaa, na wasio na hatia watagawana mali. ¹⁸ Hujenga nyumba yake kama buibui, kama kibanda cha muda afanyacho mlinzi. ¹⁹ Hulala kitandani akiwa tajiri, lakini hataendelea hivyo; na afumbuapo macho, hana kitu. ²⁰ Vitisho humpata kama maji, dhoruba humwondoa usiku. ²¹ Upepo wa mashariki umwondoa, naye huondoka; humwondoa mahali pake. ²² Humpiga bila kukoma; hujaribu kumnasua katika uwezo wake. ²³ Unampigia makofi kwa kejeli; humwondoa mahali pake.