¹ Kisha Ayubu akajibu na kusema, ² "Mmemsaidiaje Mtu aliyedhaifu! ³ Jinsi gani mmemshauri asiye na hekima na kutamka maneno yenye maarifa kwake! ⁴ Kwa msaada wa nani mmesema maneno haya? Ni roho ya nani iliyotoka ndani yenu? ⁵ Maiti inatetemeka chini ya maji, na vyote wilivyomo ndani yake. ⁶ Kuzimu kuko wazi mbele ya Mungu; uharibifu hauna kizuizi dhidi yake. ⁷ Huitandaza kaskazi juu ya nafasi wazi na kuining'iniza dunia hewani. ⁸ Huyafunga maji katika mawingu yake mazito, lakini hayagawanyiki chini yake. ⁹ Huufunika uso wa mwezi na kueneza mawingu yake juu yake. ¹⁰ Amechora ukingo wa duara juu ya maji kama mpaka kati ya nuru na giza. ¹¹ Nguzo za mbinguni zinatikisika na zimestushwa na kukemea kwake. ¹² Aliituliza bahari kwa uwezo wake; kwa ufahamu wake alimwaribu Rahab ¹³ Kwa pumzi yake, aliziondoa mbingu kwa dhorubu; mbingu ziliondolewa kwa dhorubu; mkono wake ulimchoma nyoka anayekimbia. ¹⁴ Tazama, hizi si zaidi ya madogo ya njia zake; Jinsi gani tunasikia akitunong'oneza! Ni nani awezaye kufahamu uwezo wake.