¹ Sauli alikuwa kwenye makubaliano na kifo chake. Ndipo siku hiyo yakaanza mateso makuu kinyume cha kanisa lililokuwa Yerusalemu; na waaminio wote walitawanyika katika majimbo ya Yudea na Samaria, isipokuwa mitume. ² Watu wachamungu walimzika Stefano na kufanya maombolezo makubwa juu yake. ³ Lakini Sauli alilidhuru sana kanisa. Alikwenda nyumba kwa nyumba na kuwavuluta nje wanawake na waume, na kuwatupa gerezani. ⁴ Waaminio ambao walikuwa wametawanyika bado walienda wakilihubiri neno ⁵ Filipo akashuka katika mji wa Samaria na akamtangaza Kristo huko. ⁶ Baada ya makutano kusikia nakuziona ishara alizofanya Filipo; wakaweka umakini juu ya kile alichokisema. ⁷ Kutoka hapo watu wengi waliokuwa na pepo wachafu  waliwatoka, huku wakilia kwa sauti kuu na wengi waliokuwa wamepooza na kulemaa waliponywa. ⁸ Na kulikuwa na furaha kubwa katika mji. ⁹ Lakini palikuwepo na mtu mmoja katika mji ule akiitwa Simon, ambaye hapo awali alikuwa akifanya uchawi; ambao aliutumia kuwashangaza watu wa mji wa Samaria, wakati akisema kuwa yeye ni mtu wa muhimu. ¹⁰ Wasamaria wote tangu mdogo hadi mkubwa; wakamakinika kwake huku wakisema; "mtu huyu ni ile nguvu ya Mungu ambayo ni kuu." ¹¹ Wakamsikiliza kwa sababu alikuwa kwa uchawi wake amewashangaza kwa muda mrefu. ¹² Lakini wakati walipoamini Filipo alipokuwa akitangaza juu ya ufalme wa Mungu na juu ya jina la Yesu Kristo, walibatizwa, wanaume kwa wanawake. ¹³ Hata Simoni mwenyewe aliamini: na baada ya kubatizwa,aliendelea kuwa na Filipo na alipoona ishara na miujiza iliyokuwa ikitendeka, alishangaa. ¹⁴ Wakati mitume wa Yerusalemu waliposikia kuwa sasa Samaria imepokea neno la Mungu, wakawatuma kwao Petro na Yohana. ¹⁵  Wakati walipokuwa washaashuka waliwaombea kwamba, wampokee Roho Mtakatifu. ¹⁶ Kwani mpaka  wakati huo, Roho Mtakatifu alikuwa hajawashukia hata mmoja wao;  walikuwa tu wamebatizwa kwa jina la Bwana Yesu. ¹⁷ Ndipo Petro na Yohana wakawawekea mikono, nao wakampokea Roho Mtakatifu. ¹⁸ Wakati Simoni alipoona kwamba Roho Mtakatifu ametolewa kupitia kuwekewa mikono na mitume; akataka kuwapa pesa, ¹⁹ Akasema, "Nipeni haya mamlaka, ili kila nitakayemwekea mikono apokee Roho Mtakatifu." ²⁰ Lakini Petro akamwambia; pesa yako na iangamie pamoja nawewe, kwa sababu umefikiri kuwa karama ya Mungu inapatikana kwa pesa. ²¹ Hauna sehemu katika jambo hili, kwa sababu moyo wako si mnyoofu mbele za Mungu. ²² Hivyo basi, tubu uovu wako huu na kumwomba Bwana anaweza labda kukusamehe nia ya moyo wako. ²³ Kwa maana naona uko katika sumu ya uchungu na kifungo cha dhambi." ²⁴ Simoni akajibu na kusema, "Mwombeni Bwana kwa ajili yangu, kwa kuwa mambo yote mliyozungumza yasiweze kunitokea.." ²⁵ Wakati Petro na Yohana walipokuwa wameshuhudia na kuhubiri neno la Bwana, walirudi Yerusalemu; wakihubiri injili katika vijiji vingi vya Wasamaria. ²⁶ Basi malaika wa Bwana akanena na Filipo na kusema, "Inuka na uende kusini katika njia iendayo chini ya kutoka Yerusalemu kuelekea Gaza." ( Njia hii iko katika jangwa). ²⁷ Akainuka na kwenda. Tazama, kulikuwa na mtu wa Ethiopia, towashi mwenye mamlaka kuu chini ya Kandasa; malkia wa Ethiopia. Ndiye aliyekuwa msimamizi wa hazina yake yote; naye alikuwa amekwenda Yerusalemu kuabudu. ²⁸ Alikuwa akirejea ameketi garini mwake akisoma ckitabu cha nabii Isaya. ²⁹ Roho akasema na Filipo, "Sogea karibu na gari hili ukashikamane nalo. ³⁰ "Hivyo Filipo akamkimbilia, akamsikia akisoma katika kitabu cha nabii Isaya; akasema, Je unafahamu unachokisoma?" ³¹ Ndipo Muethiopia akasema, "Nitawezaje mtu asiponiongoza?" Akamsihi Filipo apande garini na kuketi pamoja naye. ³² Sasa fungu la maandiko alilokuwa akisoma Muethiopia ni hili; "Aliongozwa kama kondoo kwenda machinjioni kuchinjwa, na kama kondoo alinyamaza kimya, hakufungua kinywa chake: ³³ Kwa kuhuzunishwa kwake hukumu yake iliondolewa: Nani ataeleza kizazi chake? maisha yake yameondolewa katika nchi." ³⁴ Hivyo towashi akamwuliza Filipo, na kusema, "Nakuomba, ni nabii yupi ambaye anaongelewa habari zake, ni kuhusu yeye, au za mtu mwingine"?. ³⁵ Filipo alianza kuzungumza, na kuanzia andiko hili la Isaya alimtangazia injili kuhusu Yesu. ³⁶ Wakiwa njiani, wakafika mahali  penye maji,' towashi akasema, "Tazama, pana maji hapa. Nini kinazuia nisibatizwe?, ³⁷ "Filipo akamwambia, "Ukiamini kwa moyo wako wote unaweza kubatizwa". Hivyo Muethiopia akajibu "Naamini kwamba Yesu Kristo ni Mwana wa Mungu,". ³⁸ Ndipo Muethiopia akaamuru gari lisimame. Walikwenda ndani ya maji,  Filipo pamoja na towashi, na Filipo akambatiza. ³⁹ Wakati walipotoka kwenye maji, Roho wa Bwana akamnyakua Filipo mbali; towashi hakumwona tena, akaenda njia yake akifurahia. ⁴⁰ Lakini Filipo akatokea Azoto. Alipita katika mkoa ule na kuhubiri injili katika miji yote mpaka alipofika Kaisaria.