¹ Lakini Sauli, bado akiendelea kuongea vitisho hata vya kifo kwa wanafunzi wa Bwana, alikwenda kwa kuhani mkuu ² na kumwomba barua kwa ajili ya masinagogi huko Dameski, ili kwamba akimpata mtu aliye katika Njia ile, awe mwanaume au mwanamke, awafunge na kuwaleta Yerusalemu. ³ Hata alipokuwa akisafiri, ilitokea kwamba alipokaribia Dameski, ghafla mwangaza ikaangaza kotekote nuru kutoka mbinguni,' ⁴ naye akaanguka chini na akasikia sauti ikimwambia,"Sauli, Sauli, mbona wanitesa mimi?" ⁵ Sauli akajibu, "U nani wewe Bwana? Bwana akasema, " Mimi ndiye Yesu ambaye unamtesa; ⁶ Lakini inuka, ingia mjini, nawe utaambiwa yakupasayo kutenda ⁷ Wale watu waliosafiri pamoja na Sauli wakasimama kimya, wakisikiliza sauti, wasione mtu. ⁸ Sauli akainuka kutoka ardhini, na alipofungua macho yake, hakuweza kuona kitu, hivyo wakamshika mkono wakamleta mpaka Dameski. ⁹ Kwa siku tatu alikuwa haoni, naye hakula, wala kunywa. ¹⁰ Basi palikuwapo mwanafunzi Dameski jina lake Anania,Bwana alisema naye katika maono, "Anania!" Naye akajibu akasema,"nipo hapa, Bwana”. ¹¹ "Bwana akamwambia, "Inuka uende zako katika mtaa uitwao Nyoofu, na katika nyumba ya Yuda na ukaulize mtu kutoka Tarso aitwaye Sauli; maana angali anaomba; ¹² Ameona katika maono mtu jina lake Anania akiingia na kumwekea mikono juu yake ili apate kuona tena." ¹³ Lakini Anania akajibu, "Bwana, nimesikia kutoka kwa watu wengi kuhusu mtu huyu, kwa kiasi gani amewafanyia mabaya watu wako watakatifu walioko Yerusalemu; ¹⁴ Anayo mamlaka kutoka kwa kuhani mkuu kuweka katika vifungo kila mmoja anayeliitia Jina lako ¹⁵ Lakini Bwana akamwambia, "Nenda, kwa maana yeye ni chombo teule kwangu, kulibeba jina langu mbele ya watu wa  Mataifa na wafalme na wana wa Israeli ¹⁶ kwa maana nitamwonyesha yalivyo mengi yatakayompasa kuteswa kwa ajili ya jina langu". ¹⁷ Hivyo Anania akaondoka, akaingia mle nyumbani; Akaweka mikono yake juu yake, akasema, "Ndugu Sauli, Bwana Yesu, aliyekutokea katika njia ulipokuwa unakuja, amenituma ili upate kuona tena na ujazwe Roho Mtakatifu.." ¹⁸ Mara vitu kama magamba vilianguka kutoka kwa macho ya Sauli, naye akapata kuona, akasimama, ;na kubatizwa; ¹⁹ akala chakula na kupata nguvu.  Akakaa pamoja na wanafunzi huko Dameski kwa siku kadhaa. ²⁰ Wakati huo huo akamtangaza Yesu katika masinagogi, akisema kwamba yeye ni Mwana wa Mungu. ²¹ Na wote waliosikia walishangaa na kusema, "Siyo mtu huyu aliyewaharibu wote walioita Jina hili huko Yerusalemu? Na hapa amekuja kwa kusudi la kuwafunga na kuwapeleka kwa makuhani." ²² Lakini Sauli aliwezeshwa kuhubiri kwa nguvu zaidi na zaidi,naye alikuwa akisababisha dhiki miongoni mwa Wayahudi waliokaa Dameski, akithibitisha ya kuwa Yesu ndiye Kristo. ²³ Baada ya siku nyingi,Wayahudi walipanga shauri pamoja ili wamuue. ²⁴ Lakini mpango wao ukajulikana na Sauli. Wakamvizia mlangoni mchana na usiku wapate kumuua. ²⁵ Lakini wanafunzi wake wakamchukua usiku na kumteremsha kupitia ukutaukutani wakitumia kikapu. ²⁶ Wakati Sauli alipofika Yerusalemu, alijaribu kujiunga na wanafunzi lakini walikuwa wakimuogopa, wasisadiki kuwa yeye ni mwanafunzi. ²⁷ Lakini Barnaba akamchukua na kumpeleka kwa mitume, na akawaeleza jinsi Sauli alivyomuona Bwana njiani na Bwana alivyozungumza naye, na jinsi Sauli alivyohubiri kwa ujasiri kwa jina la Yesu huko Dameski. ²⁸ Alikuwa pamoja nao walipoingia na kutoka Yerusalemu. Akanena kwa ujasiri kwa jina la Bwana Yesu, ²⁹ huku akijadiliana na Wayahudi wa Kiyunani lakini walizidi kujaribu mara kwa mara kumuua. ³⁰ Wakati ndugu walipojua jambo hilo, wakamleta Kaisaria, na kumpeleka Tarso. ³¹ Basi kanisa lote katika Uyahudi, Galilaya na Samaria, lilikuwa na amani, na likajengwa, na likatembea katika hofu ya Bwana na faraja ya Roho Mtakatifu, kanisa likakua kwa kuongezeka idadi. ³² Kisha ilitokea Petro alipokuwa akizungukazunguka pande zote za mkoa, alishuka pia kwa watu watakatifu wa Mungu waishio katika mji wa Lida. ³³ Akamuona huko mtu mmoja jina lake Ainea, aliyekuwa kitandani kwa miaka minane; maana alikuwa amepooza. ³⁴ Petro akamwambia, "Ainea, Yesu Kristo akuponye, Inuka na utandike kitanda chako," .Mara akainuka ³⁵ na watu wote waliokaa Lida na Sharoni wakamwona mtu huyo, wakamgeukia Bwana. ³⁶ Sasa palikuwa na mwanafunzi Yafa aitwaye Tabitha,( ikitafsiriwa"Dorcas”) Huyu mwanamke alijaa kazi njema na matendo ya huruma aliyowatendea maskini. ³⁷ Ilitokea katika siku hizo aliugua na akafa; walipomsafisha, walimpandisha chumba cha juu na kumlaza, ³⁸ Kwa vile Lida ilikuwa karibu na Yafa, na wanafunzi walisikia kwamba Petro alikuwa huko, waliwatuma watu wawili kwake, wakimsihi, "Njoo kwetu bila kuchelewa". ³⁹ Petro akaamka na akaondoka pamoja nao. Alipofika, walimleta katika chumba cha juu. Na wajane wote walisimama karibu naye wakilia, wakimwonyesha kanzu na nguo ambazo Dorcas aliwashonea wakati alikuwa pamoja nao. ⁴⁰ Petro akawatoa wote nje ya chumba, akapiga magoti akaomba, kisha akaugekia mwili, akasema, "Tabitha, inuka". Hapo akafungua macho yake na alipomwona Petro aakakaa chini. ⁴¹ Kisha Petro akampa mkono wake akamwinua, na alipowaita watu watakatifu wa Mungu na wajane, akawakabidhi kwao akiwa hai. ⁴² Jambo hili likajulikana Yafa yote,na watu wengi wakamwamini Bwana. ⁴³ Ilitokea Petro akakaa siku nyingi huko Yafa na mtu mmoja jina lake Simoni, mtengeneza ngozi.