¹ Kake Sauli, akaoka eteta bhiteto bhya kufolesha na hata bhya kufwa hena bhaloshwa bhake Mfumwa, akatonga hake mrisha mbaha ² na kumsemba idafwa hena wanga ya mayanda ma matasi uko Damaski, nesa iti akamkichija mundu eye eho na zia iyo, aoke munduume kana wakiche, abhachunge na abhaete Yerusalemu. ³ Hata igherieokie ekizoka, ifumirie iti emefike hafui na Damaski, turu na turu kikamuangaja hose hose kiangaji kufuma wanga; ⁴ Naye akagwa sii na ekasikia ngori ioho imubhura, ''Sauli, Saul,nize uoho uniinga bhwasi mi?'' ⁵ Sauli akataluwa, ''U wani we Mfumwa? Mfumwa akaghamba,''Mi niye Yesu eye uniinga bhwasi; ⁶ Kake imuka, ingia Bomeni, nawe uneretindiwa bhikuinare kuhira ⁷ Bhala bhandu bhezokie hamwe na Sauli bhakaimuka chwi, bhekisikija inzi, bhasibhone mundu. ⁸ Sauli akaimuka kufuma hateri, emerejughuwe meso makwe, asireidime kubhona kindu, hubho bhekamgura mkono bhakamwete mhaka Dameski. ⁹ Hena misi mtatu esiokie ekibhona naye esiliye, wala kunywa. ¹⁰ Heokie na mloshwa Dameski izina lake Anania, Mfuma etetie naye hena mabhono, ''Anania!'' Naye akataluwa akaghamba, ''nioho aha Mfumwa.'' ¹¹ ''Mfumwa akambhura, ''Inuka utonge jako hena kighongo kiitangwa nyoofu, na hena nyumba ya yuda na ubhujanye mundu kufuma tarso eitangwa Sauli; amu niiti eoho etasa; ¹² Abhona hena mabhono mundu eitangwa Anania eho eingia na kumbhikia maghaza wanga yakwe aidime kubhana wa.'' ¹³ Kake Anania akatalua, ''Mfumwa, nasikia kufuma hena bhandu bheengi wanga ya mundu uu, hena bhuringani bhuhi abhahiria bhubhibhi bhandu bhako bhazeri bheeho Yerusalemu; ¹⁴ Ehete bhuitori kufuma hake mrisha mbaha kubhabhika hena bhichingo kila mwezu eyeelitanga izina lake Yesu ¹⁵ Kake Mfumwa akambhura,''Tonga, amu ye ni kiiya changu nakisabhura, kulibheka izina langu msongorana ha bhandu bha maisanga na bhafalme na bhana bha Israeli ¹⁶ Hena bhula ninerembhonya ebhyo bhioho bhiingi bhya bhwasi hena wanga ya izina langu.'' ¹⁷ Hubho Anania akabhukika, akaingia uko nyumbeni; akabhikia maghaza make wanga yake, akaghamba, ''mundwetu Sauli, Mfumwa Yesu, eyeakufumiria hena zia igheriukioka ukiza, aniazerija nesa uidime kubhona wa na uizujwe Ngoro Mshenenete.'' ¹⁸ Tereke iyo iyo bhindu sa makonde bhikagwa kufuma hena meso make Sauli, naye akaidima kubhona, akaimuka,;na kubatizwa; ¹⁹ Akala kijo na akaketa zinya. Akaikaa hamwezu na bhaloshwa uko Dameski hena misi mitare. ²⁰ Igheri ilo ilo akamurarisha Yesu hena mayanda ma itasi, ekighamba iti ye ni mwana wakwe Izubha. ²¹ Na bhose ebho bhesikie bhakaitalwa na bhakaghamba,''Kari uuni ula mundu eye enyamare bhandu bhose bhala bhekilisisa Izina kula Yerusalemu? Na aha aza hena miyaire ya kubhachunga na kubhatika hena muitori wa mbaha wa bharisha.'' ²² Kake Sauli akaidimishwa kuchila hena zinya muno muno, naye eokie ekiete bhwasi ghati ya Bhayahudi ebho bhekinaikaa Dameski akabhabhonya iti Yesu niye Kristo. ²³ Ade hena misi miingi, Bhayahudi bhakaarehiana hamwe esa bhamkome. ²⁴ Kake kilemia chabho kikatisibhikana na Sauli. Bhakamyema hena mbenge hemsi na kio neesa bhaidime kumkoma. ²⁵ Kake bhaloshwa bhake bhakamuonja kio na kumseja kubhetia henalukomera bhekiuha ibene.{kikapu}. ²⁶ Igheri Sauli emefike Yerusalemu, egheshie kuoka hamwe na bhaloshwa kake bhookie bhekimuondoka, bhesiitikijie kuoka iti ye naye ni mloshwa. ²⁷ Kake Barnaba ekamuonja na kumtika hena bhandumi, na akabhatindia bhundu Sauli emubhonie Mfumwa zieni na Mfumwa bhundu ebhwo echilie naye, na bhundu Sauli echilie hena ng'iria hena izina lake Yesu uko Dameski. ²⁸ Eokie hamwezu nabho bhemeingie kufuma Yerusalemu. Akaashuka hena ng'iria hena izna lakwe Mfumwa Yesu, ²⁹ Kunu ekiarehiana na Bhayahudi na Bhayunani kake bheongeje kughesha tereke hena tereke kumkoma. ³⁰ Igheri bhamndwabho bhemetisibhe kindu icho, bhekamwete Kaisaria, na bhekamtika Tarso. ³¹ Hubho bhatasi{kanisa}bhose hena Uyahudi, Galilaya na Samaria, bheokie na lubhoro na bhakaarehwa, na bhakasela hena fole yake Mfumwa na bhushingiro{faraja} bhwa Ngoro Mshenenete, bhatasi bhakafumbika na kukumbika hena mbotu. ³² Ade akamfumia Petro igherieokie ekijungulukajunguluka mbai jose ja kighongo, eseiye bhulabhula hena bhandu bhashenete bhakwe Izubha ebho bheikaa hena boma yake Lida. ³³ Akambhona uko mundu mmwezu izina lakwe Ainea, eye eokie bhuini hena miaka minane; amu eokie eshinie marungo. ³⁴ Petro akambhura, ''Ainea, Yesu Kristo akudindije, bhukika na utandishe bhui bhwako,''Tereke akabhukika ³⁵ na bhandu bhose ebho bhekinaikaa Lida na sharoni bhakambhona mundu uo, bhakamgharukia Mfumwa. ³⁶ Iki heokie na mloshwa Yafa eitangwa Tabitha,{ itambarua ni ''Dorcas''}uu mche eizue ndima jedi na mihiro ya lusario eyo ebhahirie bhasobhi. ³⁷ Ifumirie hena misi iyo ewaiye na akafwa; bhakamuonja bhakamkweja chumba cha wanga na bhekamyaja. ³⁸ Hena bhula Lida yookie hafui na Yafa, na bhaloshwa bhakasikia iti Petro eokie uko bhakabhatuma bhandu bheeri, bhamsembe aze habho na asisheshe.'' ³⁹ Petro akabhukika na kutonga hamwezu nabho.Emefike, bhemwetie hena kighabhanyo cha nyumba cha wanga.Na bhajane bhose bheimuke hafuhi naye bhekiiya, bhekimbhonyanya iseto{kazu}na suke ejo Dorcas ebhachumie Igheri eokiye hamwe nabho. ⁴⁰ Petro akabhangola bhose shighati hena kighabhanyo cha nyumba{chumba},akabigha makunguro akatasa, ade akaugharukia muri, akaghamba, ''Tabitha, bhuka''.Aho akajughua meso make na emembhone Petro akaikaa sii. ⁴¹ Ade Petro akamwinga ighaza lake akamwimusha, na emerebhaitange bhandu bhashenenete bhake Izubha na bhajane, akabhadambikia habho ekioka moo. ⁴² Kindu ichi kitisibhikane Yafa yose, na bhandu bheengi bhakamuitikija Mfumwa. ⁴³ Ikafumia Petro akaikaa misi miingi uko Yafa na mundu mmwezu izina lakwe Simoni, muaria wa ngingo.