¹ Sauli eokiye hena marehiyano na kifwa chake.Niho msi uo bhukabhoka bhwasi bhubaha ha iyanda la itasi elo lookiye Yerusalemu; na bhaitikiji bhose bhakasarika hena majimbo ma Yudea na Samaria, isibho bhandumi. ² Bhandu bhemtwarije Izubha bhakamjika Stefano na kuhira kiiyo kibaha wanga yake. ³ Kake Sauli akalinyamara muno iyanda la itasi. Akatonga nyumba hena nyumba na kubhabulula shighati bhache na bhome, na kubhabhirita kichungoni. ⁴ Bhaitikiji ebho bheokie bhatanatana bherinake bhetongie bhekichila kiteto. ⁵ Filipo akasea hena kighongo cha Samaria na akamrarisha Kristo uko. ⁶ Ade ya matorano kusikia na kubhona magheshijio amahira Filipo; bhakakubhika nezo wanga ya kila ekiteta. ⁷ Kufumia aho bhandu bhengi bhokie na mbepo mbibhi jikabhafuma, ukubhekiya hena ngori mbaha na bheengi bheokie kunyaruka na bhesibhata bhakakijwa. ⁸ Na kukaoka na luizirihio lubaha hena kighongo. ⁹ Kake heokie na mundu mmwezu hena kighongo kila eitangwa Simioni eye aho kubhoka eokie ekihira bhusabhi; ebho ebhuhirie kubhaitalisha bhandu bha isanga la Samaria, igheri ekighamba kuoka ye ni mundu wa mbucha. ¹⁰ Bhasamaria bhose kubhokia mdongo mtano mbaha, bhakamsikija ye uku bhekighamba; ''Mundu uu ni ila zinya yake Izubha eyo ni mbaha.'' ¹¹ Bhakamsikija hena iti eokie hena bhusabhi bhwake akabhaitalija hena igheri liyeza. ¹² Kake igheri bhekimemwiitikijie kuoka Filipo ekimeoke ekirarisha wanga ya izina lake Yesu Kristo, bhakabatizwa, bhome ha bhache. ¹³ Hata simoni mwenye akaitikijia; na ade ya kubatizwa, akatonga kuoka na Filipo na ekimebhone maitalisho na mihiro iyokie ikihirika, akaitalwa, ^{16 14} Igheri bhandumi bha Yerusalemu bhekimesikie kuoka Samaria yauhiya kiteto chake Izubha, bhakabhatuma habho Petro na Yohana. ¹⁵ Igheri bhekioka bhekiseya bhekabhatasia; iti bhamuuhiye Ngoro Mshenenete. Mhaka igheri ilo, Ngoro Mshenenete eokie esimebhaseiya hata mmwe wabho; bheokie tiki bhabatizwa hena izina lake Mfumwa Yesu. ¹⁷ Niho Petro na Yohana bhakabhabhikia maghaza, nabho bhakamuuhiya Ngoro Mshenenete. ¹⁸ Igheri Simoni ekinabhone iti Ngoro Mshenenete angolwa kubhetia kubhikiwa maghaza na bhandumi; akakunda kubhainga bhibala, ¹⁹ Akaghamba, ''ningeni ubhu bhuitora, nesa wowose nirembhikia maghaza auhiye Ngoro Mshenenete.'' ²⁰ Kake Petro akammbura; bhibala bhyako bhifwe hamwezu nawe, hena bhula wagheshijia kuoka kiingwa chake Izubha kibhonekana hena bhibala. ²¹ Usina lubhajo hena kindu ichi, hena bhula ngoro yako isina bhunana msongorana hake Izubha. ²² Hubho raa, bhusuwe bhubhibhi bhwako ubhu na umtase Mfumwa eidima hengi kukushighia mbhaririye ya ngoro yako. ²³ Hena amu nibhona uoho hena bhusungu bhwa lubhabho na kichungo cha ng'oki.'' ²⁴ Simoni akatalua na kughamba,''Mtaseni Mfumwa wanga yangu,hena kuoka bhindu bhyose ebhomwabhiteta bhisiidime kunifumia. ²⁵ Igheri Petro na Yohana matibheshuhudie na kuchila kiteto chake Mfumwa, bhehunduke Yerusalemu;bhekichila bhuchili hena bhighongo bhiingi bhya bhasamaria. ²⁶ Ikira malaika wake Mfumwa akateta na Filipo na kughamba, ''Imuka na utonge kusii hena zia itonga sii ya kufuma Yerusalemu iluma Gaza.''[Zia ii yeho hena kianga]. ²⁷ Akimuka na kutonga. Yowa, hewokie na mundu wa Ethiopia, towashi ena bhuitori bhubaha sii ya Kandasa; Malkia wa Ethiopia. Niye eokie ekiimukia nyungu ya bala jakwe jose; naye eokie atonga Yerualemu kutasa. ²⁸ Eokiye ekihunduka eikesii haigari lake ekisoma kitamo chake mroti Isaya. ²⁹ Ngoro akateta na Filipo, ''Songera hafuhi na igari ili uregurana nalo. ³⁰ Hubho Filipo akamdindikia, akamsikia ekisoma hena kitamo chake mroti Isaya; akaghamba, ngea ukitwarije ichouwohousoma/.'' ³¹ NihoMuithiopia akaghamba, niidimaze mundu esimenirongoria/.''Akamsemba Filipo akwee haigari na kuikaa hamwe naye. ³² Iki ifungu la bhutami elo eokie ekisoma Muithiopia ni ili; Erongoriwe sa ng'onji kutonga hakusizwa kusizwa,na sa ng'onji ehujiye chwii, esijughuwe wake. ³³ Hena kubawa ngoro kwake kuchuiwa chila kwake kukangolwa; Niani etindia luzungu lwake/ bhumoo bhwake bhwangolwa isangeni.'' ³⁴ Hubho towashi akamubhujanya Filipo, na kughamba,''Nakusemba, ni mroti uhi eye jiohojitindwa rebho jakwe, ni wanga yake, kana ja mundu ungi''/. ³⁵ Filipo ebhokie kuchila, na kubhokia kiteto ichi chake Isaya kumchilia rebho jake Yesu. ³⁶ Bhekioka zieni, bhakafika handu hena mbombe; towashi akaghamba, ''Yowa, hena mbombe aha nikini kikinda nisibatizwe/, ³⁷ Filipo akambhura, ukaitikijia hena ngoro yako yose uidima kubatizwa.'' Hubho Muithiopia akataluwa ''Naitikijia itiYesu Kristo ni mwana wake Izubha,''. ³⁸ Niho muithiopia akaazerija igari liimuke. Bhetongie ndeni ya mbombe, Filipo hamwezu na towashi, na Filipo akambatiza. ³⁹ Igheri bhekimefume hena mbombe, Ngoro yake Mfumwa ikamrakua Filipo hae; towashi asirembhone waa, akatonga zia yakwe ekiizirihiwa. ⁴⁰ Kake Filipo akafumia Azoto. Ebhetie hena ighongo lila na kuchila bhuchili hena bhighongo bhyose mhaka kufika Kaisaria.