¹ Iki mundu mmwe eitangwa Anania, na Safira mche wake, bhetaghie lubhajo lwa bhindubhyake, ² Na akabhisa lubhajo lwa bhibala elobhetaghie [mche wake bhulabhula emaije ili], na akaete lubhajo lushighajwe na kulibhika hena maghuu ma bhandumi. ³ Kake Petro akammbura, ''Anania, amu ni kini mkeleki aiizuja ngoro yako kughamba maongo hena kumkenga Ngoro mshenenete na kubhisa lubhajo lwa bhindu bhya mteme/. ⁴ Igheri liokie lisimetaghijwa, lisiokie ni kindu chako, na ade matilataghijwa, lisiokie sii ya kuchuachila na maitori mako/Iyokieze ukagheshijia kindu ichi ngoroni hako/ wasabhangenga bhandu, kake wamkenga Izubha.'' ⁵ Hena kusikia bhiteto ibho Anania eguiye sii na kuchuwa ngoro, na fole mbaha ibhazie bhose ebhobhelisikie ili. ⁶ Bhabwange bhakaza msongorana na bhakamchunga iseto, na kumtika shighati na kuremjika. ⁷ Ade ha masaa matatu ubhu, mche wake eingie ndeni, esitisibhe ni kini kiokie chafumia. ⁸ Petro akammbura, ''Nibhura, kicha mtaghie mteme hena mbucha iyo.'' Aakaghamba, ''Nihubho, hena mbucha iyo.'' ⁹ Naye Petro akammbura, ''Yaokaze iti mwaitikijiana hena hamwe kumghesha Ngoro wa Mfumwa/.yowa, maghuu ma bhala bhamjika muwako mewaho mbengeni , na bhekubheka na kukutika shighati.'' ¹⁰ Turu na turu akaguiya maghuni make petro, akachua ngoro, na bhala bhabwange bhakaza ndeni bhakamkicha aidibha kufwa. Bhakambheka bhakamtika shighati, na bhekamjika hafuhi na muwakwe. ¹¹ Kufoleka kubaha kukaza wanga ya nyumba yake Izubha yose, na wanga ya bhose bhesikie bhindu ibhi. ¹² Mifumire mingi na maitalijo meokie mekifumia ghati ya bhandu kubhetia maghaza ma bhandumi. Bheokie hamwe hena lusarigho lwake Sulemani. ¹³ Kake, hesina mundu ungi eokie na ng'iria ya kugurana nabho; hata hubho, bheingiwe nganyi ya wanga ni bhandu. ¹⁴ Na bhulabhula, bhaitikiji bhengi bheokie bhekiongejeka hena Mfumwa, maongejeko mabaha ma mbotu ya bhome na bhache, ¹⁵ Kuringana na iti hata bhebhabhekie bhawaji bhighongoni na bhekabhayaja bhitangeni na hena bhichumbi, nesa iti Petro akaoka ehobhetia, kibhuri chakwe kiidime kusea wanga ya bhatare bhabho. ¹⁶ Aho bhulabhula, maongejeko mabaha ma bhandu bhezie hamwe kufuma bhighongo ebho bhijunguluke Yerusalemu, bhekiete bhawaji na bhose bhenakurunganyikiwa na ngoro jijirare, na bhose bhedidijwe. ¹⁷ Kake mrisha mbaha ebhukike, na bhose bheokie hamwe naye [ ebho nibho bha iyanda la masadukayo]; na bhakaizujwa ni kiru ¹⁸ na bhakaronga maghaza mabho kubhagura bhandumi na kubhabhika ndeni ya igereza la hamwezu . ¹⁹ Hata hubho igheri la kio malaika wake Mfumwa akajughuwa malughwi ma igereza na kubharongoja shighati na kughamba, ²⁰ ''Tongeni, mreimuka haiyanda na mbhabhure bhandu bhiteto bhyose bhya umoo uu.'' ²¹ Bhemeresikie hubho, bheingie haiyanda la itasi igheri la marekero na kulosha. Kake, mrisha mbaha ezie nabho bhose bhala bheokie naye, na kuitangija lutimi lose hena hamwe, na bhaghosi bhose bha bhandu bha Israeli, na kubhaazerija haigereza nesa bhabhaete bhandumi. ²² Kake muimuri ula bhetongie naye bhesibhakichije haigereza, bheunduke na kungola ndumi, ²³ ''Twakicha igereza lichungiwe nezo nalubhoro, na bharindi bheimuke mbengeni, kake tumejughuwe tusibhoniemundu ndeni.'' ²⁴ Iki igheri mbaha wa iyanda laitasi na bharisha bhabaha bhemesikie bhiteto ibhyo, bhakaingiwa na kufoleka kubaha hena wanga yabho bhekigheshija kiokaze kindu iki. Kukusara kubaha wanga ya iti ni kini kinerebhafumia ni kufumana na icho. ²⁵ Ade mundu mmwe akaza na kubhabhura, ''Bhandu mbhabhikie haigereza bheimuke hena iyanda la itasi bhehobhelosha bhandu.'' ²⁶ Hubho long'oni etongie hamwe na bharuo, na kubhaete, kake bhesihirie ngonda, hena iti bheituke iti bhandu bhekiidima kubhabigha na mano. ²⁷ Bhemekenjija kubhaete bhebhabhikie ha iwangi msongorana lwa lutimi. Mrisha mbaha ebhatunguruse. ²⁸ Aghamba,'' Tubhaazerije msiloshe hena izina ili, na mreho mwiizuja Yerusalemu hena ilosha lenyu, na kuoka na mlako kuete dumu ya mundu uu wanga yetu.'' ²⁹ Kake Petro na bhandumi bhakataluwa, ''Mhaka tumwinge nganyi Izubha kukela bhandu. ³⁰ Izubha wa bhapapa bhetu emfufule Yesu, ulamumukomie, hena kumbhanika wanga ya mti. ³¹ Izubha emuingie kirumi hena ighaza lake la kuume , na kumketa kuoka mbaha na mkija, kufunya magharusho hena Israeli, na kushighiwa kwa ng'oki. ³² Swi ni bhakididi bha bhindu ibhi, na Ngoro Mshenenete, eye Izubha amngola hena bhala bhemwinganganyi.'' ³³ Bhamondo bha iwangi bhemeresikie hubho, bheguriwe ni oro bhakakunda kubhakoma bhandumi. ³⁴ Kake mfarisayo eitangwa Gamaleli, mlosha wa sharia, eingiwenganyi ni bhandu bhose, eimuke na akaazerija bhandumi bhaetwe shighati hena igheri lifuhi. ³⁵ Niho akabhabhura,''Bhandu bha Israeli, okeni hena bhuaria muno na kila echomuho mkighamba kubhahiria bhandu abha. ³⁶ Hena kuoka, igheri la kae libhetie, Theuda ebhukie na kukufutula kukuitanga ni mundu mbaha, na mbotu ya bhandu, sa maghana mane bhemwatere. Bhegurane naye .Ekomiwe, na bhose bheokie bhekimwinga nganyi bhezarikezarike na kuoka sikindu. ³⁷ Ade ya mundu uu,Yuda Mgalilaya, igheri la kutarwa eimuke, akajuta bhandu bhengi mghongoni hakwe. Naye bhulabhula akakenjijwa na bhose bheokie bhekimwinganganyi bhakazarika. ³⁸ Iki nohonibhabhura, taneni na bhandu abha na mbhashighe bhenye, hena iti, migheshijie yabho ya ndima ii ni ya bhandu, enerebhiritwa. ³⁹ Kake kicha ni yake Izubha,msiidima kubhakinda; mwiidima mkakukichija muoho mkerakerana Izubha,''Hubho,bhakagurwa ni bhiteto bhyake. ⁴⁰ Adeyakwe, bhebhaitange bhandumi ndeni na kubhatakua na kubhazerija bhasitete wanga ya izina lake Yesu, na bhakabhashighiria bhatonge jabho. ⁴¹ Bhefumie msongorana ha iwani bhekiizirihiwa hena iti bhatariwa kuoka bheinare kukabhwasi na kusobhiwanganyi hena wanga ya izina ilo. ⁴² Ade ya ibhyo, kila msi, ndeni ya iyaanda la itasi na hena nyumba henahena nyumba bheendele kulosha na kuchila kubigha ndurere mondo wedi iti Kristo niye Yesu.