¹ Imechuiwe chila iti tukundikane tuzoke hena ipe kutonga Italia, bhemuingije Paulo na bhachungwa bhengi hena mrongori mwezu waijeshi la Kiroma eye eitangwa Julio, wa mbotu yake Agustani. ² Tukakwea imeli kufuma Adramitamu, eyo yeokie ikizoka mbaimbai ya pwani ya Asia.Hubho tukaingia henaipe. Aristaka kufuma Bhesalonike ya Makedonia akazoka hamwe naiswi. ³ Msi uraterie tukaseja nanga hena kighongo cha Sidoni, eho Julio emuhirie Paulo hena kumuanjela na akamuitikijia kutonga hena bhambuyaye bhake kuuhua kuanjela kwabho. ⁴ Kufumia aho tukatonga ipeeni tukazoka kujunguluka kisiwa cha Kipro echo cheokie kikindirije ngungu, hena wanga ya ngungu eyo yookie ikituangajisha. ⁵ Ade yake tukioka tuoho tuzoka hena mbombe yeokie hafuhi na Kilikia na Pamfilia, tukaza Mira, kighongo cha Lisia. ⁶ Hala ula mrongori wa ijeshi la kiroma, akakicha imeli kufuma Alexandria eyo yookie izoke kutonga Italia. Akatukweja ndeni yake. ⁷ Ade ikimeoke twazka mbohamboha hena misi miingi na ade tukaoka twafika hena bhwasi hafuhi na Kinidas, ngungu isituingie waa kuatera zia iyo, hubho tukazoka kibhambara cha kibhuri cha Krete tukikinda ngungu,mhaka na Salmone. ⁸ Tukazoka kibhambara cha pwani hena kudinda, mhaka tukafika handu eho heitangwa Bandari yedi eyo ioho hafuhi na kighongo cha lasea. ⁹ Twookie tuonjie igheri lieza muno, na igheri la kuchunga kwa Bhayahudi lookie labhetia bhulabhula, na iki yookie ni ndenga kuzoka. Hubho Paulo akatuaghanya. ¹⁰ Na kughamba,''Bhamduume, nabhona charo echo tukundie tukionje kioka na ndenga na bhunyamari bhuiingi, esi tiki ya miyagho na imeli, kake bhulabhula ya mmiikaiye yetu.'' ¹¹ Kake mrongori wa ijeshi la bharoma akamsikija muno Mfumwa wake na mwitori wa imeli, kukela bhindu bhila ebhyo bhichiliwe ni Paulo. ¹² Hena kuoka iti kibhambara cha ipe cheseokie handu hedi ha kuikaa igheri la mbeho, bhabaharia bheengi bhakagheshijia tuzoke kufuma hala, neesa hena zia yoyose tukaidima kusongeria kighongo cha Foinike,tuikae hala igheri la mbeho. Foinike ni bandari uko Krete, na ioyowa kigwa zano kifumazano na siini kifuma zano. ¹³ Ngungu ya kufuma siini imebhoke kururuma mboha mboha, bhabaharia bhakagheshijia iti bhaingwa kila echo bhekikundie. Bhakuluwa nanga bheka zoka kibhambara cha Krete hafuhi na pwani. ¹⁴ Kake ade ya igheri ifuhi ngungu ikaehe, eyo iitangwa kufumia kifuma zano , ikabhoka kutubigha kufuma sela ya iboto. ¹⁵ Igheri imeli imeeiwe ikaremwa kukerakerana na ngungu, tukaitikijanya sabhundu yookie hubho tukazokijwa niyo. ¹⁶ Tukamatuka kubhetia lubhajo lula lwookie na kukindirija ngungu ya iboto liitangwa Kauda; na hena bhwasi muno tuibhondiwe kukija ngalawa. ¹⁷ Ade kuoka bhaijuta, bhetumie zighi kuchunga imeli. Bheituke iti tukiidima kutonga handu eho ni handu ha teri nyiingi ya Syiti, hubho bhakaseja nanga na bhekatikwa kibhambara. ¹⁸ Tubighiwe muno ni ngungu, hubho msi uraterie bhabaharia bhekabhoka kubhirita miagho kufuma hena imeli. ¹⁹ Msi wa katatu, bhabaharia bhakabhoka kungola mbombe hena maghaza mabho bhenye. ²⁰ Igheri elo zano na ndondo jisiturangarie hena bhio bhingi, hereokie na ngungu mbaha itubigha na lusiligi lukasia lwa kukijwa. ²¹ Bhekimeoke bhatonga igheri ieza bhesimela kijo, aho Paulo akaimuka ghati ya bhabaharia akaghamba, ''Nywi bhandu, mweinare munisikije, tusikikulua nanga hala Krete kufuma tusikingia hena bhwasi na kutesha. ²² Na iki nioho nibhashingira mkugere ngoro , hena iti hesikaoke kutesha moo ghati yenyu, esibhwoiti kutesha meli tiki. ²³ Hena bhula kio kibhetie malaika wake Izubha, eye mi ni wake, na eye ninamtasa bhulabhula malaika wakwe eimuke mbai yangu ²⁴ Na ekaghamba,''Musiondoke Paulo mhaka uimuke msongorana hakwe Kaisari, na yowa, Izubha hena bhwedi bhwake akuinga abha bhose ebho bhehozoka hamwe nawe. ²⁵ Hubho, bhamndume, kuingeni ngoro hena kuoka namwiitikijia Izubha iti ineoka sabhundu nibhuriwe. ²⁶ Kake mhaka meli yetu ineregurwa ni matondo hena iboto isiku.'' ²⁷ Hekimeoke kio cha ikumi na kane igheri twookie tukitikwa kunu na kunu hena ipe la Adria, saiti nikio cha manane hubhu, bhabaharia bhegheshije iti bheeho hafuhi na isnga liaduke. ²⁸ Bhetumie miiyo kuineng'ena kuforeka kwa mbombe bhekakichija mita makumi matatu na ndandatu ,hena igheri ifuhi bhakaineng'ena waa bhakichija mita makumi meri na fungate. ²⁹ Bheondoke mboko tuidima kutusuma manoo hubho bhakaseja nanga nne kufuma hena lubhajo lwa kubhika nanga na bhakatasa iti heabho na ize ungwangu. ³⁰ Bhala bhabaharia bheokie bhekienda bhundu bhenere shigha ila meli na bhesejie ipeni ngalawa ndori ndori ja kukija moo, na bhekakuoshaitibheeho bhebhirita kufuma msongorana hena ngalawa. ³¹ Kake Paulo akambhura ula askariwa ijeshi la Kiroma na bhala askari,''musiidima kukia esibhwo bhandu abha bhaikae hena meli.'' ³² Niiho bhala askari bhakachwua maluzighi ma ila ngalawa na ikashighwa itikwe na mbombe. ³³ Igheri la ghenya ya heabho yokie ikikufunyirija, Paulo aka bhasemba bhose iti hengi bhala bhadori. Akaghamba,''uu nimusi wa ikumi na kane mwaikaa msimela ,msimela kindu. ³⁴ Hubho nioho nibhasemba mucheme kijo kidori, wanga ya hubhu ni hena kuikaa moo kwenyu; na hesina hata lujui lumwe lwa mitwi yenyu lunere teka. ³⁵ Emekurije kuteta hubho, akaonja mkate akashukuru Izubha msongorana ha meso makila mundu. Ade akabegha mkate aka bhoka kula. ³⁶ Ade bhose bheka gerwa ngoro bhekaonja bhakala. ³⁷ Twookie bhandu 276 ndeni ya imeli. ³⁸ bhemekurije kula kuringana, bheingie imeli ikaanguha hena kubhirita ngano ndeni ya ipe. ³⁹ Hemeoke hemsi, bhesitisibhe isanga lila kake bheka bhona handu headuke heoho ghati ya ipe eho hena teri nyiingi bhekarukuma iti kicha bheidima kutika imeli kuilumija aho. ⁴⁰ Hubho bhekaterua zighi ja nanga bheka shighiria ndeni ya ipe. Hena igheri iloilo bhekaterua zighi ja nanga na bheka bhushija lubhajo lwa msongorana kuyowa mbai eyo inangungu, hubho bhekalotija hena lubhajo ulo lwa teri nyiingi. ⁴¹ Kake bhekaza handu eho hena matorano meeri mambome, na imeli likaibhira hena teri na lubhajo luoho msongorana wa imeli ikagurwa hala na isiidime kufuma, kake lubhajo lwa msongorana lwa imeli lukabhokakubaika hena kukaeha uko kwa ngungu. ⁴² Magheshijio mabhala askari meokie nikubhakomabhose ebho bhechungiwe, nesa iti hasioke na mundu eye eidima kutindia na kudindika. ⁴³ Kake ula askari wa ijeshi la Kiroma ekundie kumukija Paulo, hubho akaimusha magheshijio mabho; na akabhaareja bhala ebho bheidima kudindia, bhatoroke kufuma hena imeli mboko bhatonge halaeho headuke. ⁴⁴ Ade bhome bhengi bhabhatere , bhengi bha bhetie wanga ya bhihindi bhya mbao na bhengi wanga bhengi wanga na bhindu bhingi kufuma hena meli. Hena zia ii ikafumia iti bhose tukafika mboha hena isanga liaduke.