¹ Tumefikijwe mboha, tutisibhe iti kisiwa kiitangwa Malta. ² Bhandu bha aho esi iti bhetuanjele kuringana na ebho iinare, kake bhe futie moto na kutuanjela bhose, hena wanga ya mvua na mbeho eyo yookie ikibigha. ³ Kake Paulo igheri eokie eki bhunganya mwagho wa ngwi egera motoni, ingalalu lidongo lina lusungu lukafuma hena jila ngwi hena wanga ya ila ndughuri, na ikakuibhita hena mkono wake. ⁴ Igheri bhandu bha hala bhemebhone nyamao inenebhe kufuma hena maghaza make, bhekatindiana bho hena bho, ''Mundu uu kididi ni mkomi eye atoroka ipeeni, kake bhukididi bhusimuinare kuika moo.'' ⁵ Kake ye akalikukundia motoni ilo igalalu na esiokie na bhubhibhi bhwobhwose. ⁶ Bho bhakainda afuke hena isha kana agwe turunaturu afwe. Kake bhekimemuyowe hena igheri ieza na bheka bhona hesina kindu echo cha kigheni hakwe,bhe koranye magheshijio mabho na kughamba eokie Izubha. ⁷ Hubho handu hala hafuhi heokie na kisaka echo ni bhuzuri bhwake muitori wa iboto, mundu eitangwa Pablio. Etukaiye na akatuanjela hena bhyo bhitatu. ⁸ Ifumirie iti papake Pablio eguriwe ni isha na bhuaji bhwa kuononga, na Paulo ememtongie, etasiye, akambhikia maghaza wanga yake na akamdindija. ⁹ Iki kimefumirie bhandu bheengi hala haiboto ebho bheokie bhekiwajiwa bhulabhula bhemuratere na bhaka dindijwa. ¹⁰ Bhandu bheka tuinga nganyi hena nganyi nyingi igheri twookie tukikuarehia kuzoka, bhetuingie bhila ebhyo twebhikundie. ¹¹ Ade hena mieji mitatu, tuzokie ndeni ya imeli la Iskanderia eyo itangwa bhatanane [pacha] eyo yeokie yesejie nanga aho haiboto igheri lose hena mbeho. ¹² Ade tumeseiye hena kighongo cha Sirakusa, tuikae hala misi mitatu. ¹³ Kufumia aho tuzokie tukafika hena kighongo cha Regio . Ade hena msimmwe ngungu ya siini ifumirie turu na turu, na ade ya misi miiri tukafika hena kighongo cha Putoli. ¹⁴ Uko tubhakichije bhatare bha bhamndwetu na bhetukaiye kuikaa nabho hena misi mifungate. Hena zia ii tukaza Rumi. ¹⁵ Kufuma uko bhala bhamndwetu, bhemesikie wanga yetu, bheezie kutuuhia uko kichinda cha Apias na hotel tatu. Paulo emebhabhone bhala bhamndwetu akamwinga Izubha haika akakugera ng'iria. ¹⁶ Tumeingie Roma, Paulo eitikijiwe kuikaa yemwenye hamwe na ula askari eye eokie ekimurinda. ¹⁷ Hena hubho yokie hubho ade hena misi mitatu Paulo ebhaitange hamwe bhala bhandu ebho bheokie bharongori ghati ya Bhayahudi. bhemeze hamwe, ebhabhurie, ''Bhamndwetu hamwe naiti nasihira itekwa lololse hena bhandu abha ade nasihirambai na miikarire ja bhakaka bhetu ebho bheturongorie, ningoliwe sa mrechungwa kufuma Yerusalemu mhaka hena maghaza mabharumi. ¹⁸ Ade bheme nitunguruse, bhekundie kunisghiria nioke bhuhuru, hena bhula heokie hesina kindu wanga yangu echo kiinare ibigho la kifwa. ¹⁹ Kake bhala Bhayahudi bhemerukume kibhibhi wanga yangu njbhonie nichwe rufaa hakwe Kaisaria, hataakija yosokie iti nikuete matekwa wanga ya isanga langu. ²⁰ Hena wanga ya kuchwa kwangu rufaa, hubho, nisembie kubhabhona na nitete nanywi. Nihena wanga ya kila echo Israel ena ng'iria hena icho, nachungwa wanga ya icho. ²¹ Ukwade bhekanibhura,''Tusimeidima kuuhia kitanga kufuma Yuda hena wanga yako we, na wa hesina mndwetu ezie kutuinga ndumi kana kughamba kiteto cho chose kibhibhi wanga yako we. ²² Kake tundie kusikia kufuma hako uoho ugheshijia kini wanga ya mbotu ii ya bhandu abha, hena wanga itisibhikane hetu iti bheoho bheteta kibhibhi kila handu,'' ²³ Bhemeoke bhatemiana msi hena wanga yake, bhandu bheengi muno bhemuziye handu eho eokie enaikaa. Eghambie kila kindu na akashuhudia wanga ya kifumwa chakwe Izubha. Egheshie kubhasingirija wanga yake Yesu, hena bhundu bhwo bhose keri kufuma hena sharia jakwe Musa na kufuma hena bharoti, kubhokia heeabho mhaka kichamagheri. ²⁴ Bhatare bhabho bhesingirijike wanga ya bhindu bhila bhighambiwe, igheri bhengi bhesiitikije. ²⁵ Bhemelelwe kuitikijana bho hena bho ,bhefumie igheri Paulo emeghambe kindu iki kimwe,''Ngoro mshenete eghambie nezo kubhetia isaya mroti hena bhapapa bhenyu. ²⁶ Eghambie,''Tonga hena bhandu abha ughambe,''Hena masikio menyu mneresikia, kake msinere tisibha; Na hena meso menyu mnerebhona kake msineretisibha. ²⁷ Hena wanga ya ngoro ja bhandu abha jaoka nana, masikio mabho masikia hena bhwasi, bhajughuiwa meso mabho; nesa iti bhasireze kutisibha hena meso mabho, na kusikia hena masikio mabho, na kutibha hena ngoro jabho, na kugharuka wa, na nikiidima kubhadindija.'' ²⁸ Hena hubho, muinare kutisibha itiulu lukio lwake Izubha lwatikwa hena bhandu bha maisanga na bheneresikija,''[Guria;Mtambara uu ²⁹ ''Ighri eokie eghambiebhindu ibhi, Bhayahudi bhefumie,bhekioka hena kulelana kubaha ghati yabho,'' ³⁰ Paulo eikae hena kaa yake ya kupanga hena miaka yose miiri, ebhakaiye bhose ebho bhezie hakwe. ³¹ Eokie eki chila wanga ya kifumwa chakwe Izubha na eokie ekilosha bhindu wanga ya mfumwa Yesu Kristo hena ng'iria yose.Hesina eye emu kindirije.