¹ Hubho, Agripa akambhura Paulo,'Waingwa ngalo ukutetie,'Niho Paulo akaronga mkono wake akakutetia hubhu. ² ''Nakubhona nioho na luizirihiyo, Mfalme Agripa,nesa nihire chila yangu msongorana hako iyo wanga ya madughunyiko ma Bhayahudi. ³ Muno,hena wanga we ni mtisibhi wa mikare ja Bhayahudi na mabhujanyo.Hubho nisemba unisikije hena kunigurmia. ⁴ Kididi Bhayahudi bhose bhetisibhe bhundu niikae too kibhwange changu hena isanga langu uko Yerusalemu. ⁵ Bhenitisibhe too lubhoko na bheinare kuitikijia iti niikae sa Mfarisayo, itasi lihete kuimuka nezo hena bhukahi hena dini yetu. ⁶ Iki naimuka aha nichuiwe chila amu mi niyoyie kutemiwa ekwo Izubha ehirie na bhapapa bhetu. ⁷ Ii niyo iyaghano elo mbare jetu ikumi na mbiri bhena lusiligi kuuhia iti bhakamtasa Izubha hena kukutata kio na hemusi.Ni hena wanga ya lusiligi ulu, Mfalme Agripa, iti Bhayahudi bheeho bhemdughunyikia. ⁸ Hena kini wowose ghati yenyu egheshijia ni maitalisho iti Izubha enafufula bhefuiye/ ⁹ Igheri limwe nigheshijie mwenye itinikihira bhindu bhiingi wangayaizina lake Yesu mnazareti. ¹⁰ Nihirie ibhi kula Yerusalemu;nibhachungie bhaitikiji bheengi bhichungon, na neokie na luiidimo kufuma hena bharongori bha bharisha kuketa hubho na igheri ,bhekomwa nibighie kura wanga yabho. ¹¹ Kandu keengi nibhaingie bhwasi hena mayanda ma matasi mose na nigheshie kubhaosha bhausue bhuitikiji bhwabho.Neokie na oro muno wanga yabho na nibhamatushe mhaka hena mhaka hena bhighongo bhiingi bhya kigheni. ¹² Igheri neokie nikiketa hubho, nitongie Damaski nikioka na bhuitori na maaghanyo kufuma hena bharongori bha bharisha, ¹³ Igheri neokie zieni hemsi, Mfalme, nibhonie kiangaji kufuma wanga chokie kikahe kukela zano na chokie kikirangara kitujunguluke mi na bhandu ebho twookie hamwe na mi. ¹⁴ Swibhose tukimegwe sii , nisikie ngori iteta na mi ighamba hena lumi lwa kiiburania; 'Sauli,niamu kini uoho uniinga bhwasi/Hako idindie kubigha kichakari iteke. ¹⁵ Niho nikaghamba ,'we niani, Mfumwa /Mfumwa akatalua,'mi ni Yesu eye uoho uninga bhwasi. ¹⁶ Iki bhukika uimuke na maghu mako;hena wanga ya mikundire ii mi nabhonekana hako, nakusabhura kuoka mrui na mshahidi wanga ya bhindu ebhyo ubhitisibhe wanga yangu iki na bhindu ebhyonere kubhonya ukwade. ¹⁷ Na kikukija kufuma hena bhandu na bhandu bha masanga ebho ni kuinga bhundumi, ¹⁸ Kuchungua meso mabho na kubhangola kijeni kutonga hena kiangaji na kufuma hena zinya ja mkeleki bhamgharukie Izubha; nesa bhaidime kuuhia kufuma hake Izubha kushiighiwa ng'oki na bhuitori ;ebhwonibhaingie bhala nibhabhikie mbai hena kuitikijia ekwo kuoho hangu. ¹⁹ Hubho Mfalme Agripa, nisiidime kuhira bhubhibhi mabhono mawanga, ²⁰ Kake, hena bhala bheoho kula Dameski mboko na ade Yerusalemu na isanga lose la Yuda,na bhulabhula hena bhandu bha masanga meengi,nichilie itibhachwe mti na bhamgharungie Izubha, bhahire mihiro inare kuchwa mti. ²¹ Hena wanga iyo bhayahudi bhenigurie ndeni ya iyanda la itasi bhekaghesha kunikoma. ²² Izubha anighenja mhaka iki, hubho naimuka na kubha shuhudia hena bhundu bhahubhuhubhu na hena bhala bhabaha wanga ya bhila ebhyo bharoti na musa bheghambie bhinerefumia na esibhungi; ²³ Iti Kristo nimuhaka alebhwasi na eneoka na mboko kufufulwa kufuma hena bhefuie na kuashuka kiangaja hena bhayahudi na bhandu bha masanga. ²⁴ Paulo emekurije kukutetia, Festo;akaghamba hena ngori bbaha,'Paulo we umundu waluhungu,malosho mako makuinga kuoka uoke naluhungu . ²⁵ Kake Paulo akaghamba mi nisina luhungu, mnganyi Festo; kake hena ng'iria naghamba bhiteto bhya kididi kituhu. ²⁶ Hena kuoka Mfalme etisibhe wanga ya bhindu ibhi; na hena hubho, niohoniteta hena bhuhuru hakwe amu nina bhukididi iti hesina chochose kibhisike hakwe na niiti kisihirike kibhisike. ²⁷ Iki, uoho ubhaitikijia bharoti, Mfalme Agripa / Nitisibhe iti uohouitikiji. ²⁸ Agripa akambhura Paulo, hena igheri ifuhi uidma kunisingirija mi na kuniosha Mkristo ²⁹ Paulo akaghamba,''Na msemba Izubha iti hena igheri ifuhi kana ieza, esiwe tiki kake bhulabhula bhose bheeho nisikija iyo, bhaoke sami kake bhasioke na mikwa ja kichung ³⁰ Niho Mfalme akaimuka, na Liwali, na Bernike bhulabhula na bhala bheokie hamwe nabho, ³¹ Bhemefume na ngondi, bhetindiane bhohena bho na bhekaghamba,' mundu uu esinare kufwa na kana kichungo,' ³² Agripa akambhura Festo,''Mundu uu einare kushighiriwa aoke na bhuhuru esikila echuiye rufaa hake Kaisari.''