¹ Ade ya bhio bhisano, Anania mrisha mbaha, bhatare bha bhaghosi na mteti mmwezu eitangwa Tertulo, bhakatonga hala. Bhandu abha bhaete madughunyiko wanga yake Paulo hakwe Gavana. ² Paulo emere imuke msongorana hakwe Gavana, Tertulo akabhoka kumushitaki na kughamba hakwe Gavana, ''Hena wanga yake tuhete lubhoro lubaha ; na hena mabhono mako meete magharusho medi hena isanga letu; ³ Hubho hena haika yose tuohotuuhia kila kindu uohouhira, ngezia hamunganyi Feliki. ⁴ Kake nisikubundishe muno, nikusemba unisikije bhiteto bhitare hena lusario lwako. ⁵ Hena amu twamkichija mundu uu esimba , na aketa Bhayahudi bhose isangeni kuhira bhunyamari. Waa ni mrongori wa mayanda maitasi ma Wanazorayo.[Gura; lubhajo lwa bhiteto bhya mtambara uu 24;6 ⁶ Na wa egheshie kuligera iyanda la itasi bhujirari hubho tukamgura, isioho hena bhitamo bhedi bhya kae].[Guria; Mtambara uu ⁷ V7Lisiasi, afisa, ezie na akamuonja kizinya hena maghazeni metu.,isiyoho hena idafwa ledi lwa bhutami bhwa kae]. ⁸ Ukambhujanya Paulo kuringana nabhindu ibhi, hata uindima kukulosha ni kindu chihi twamshitakia'' ⁹ Bhayahudi nabho bhakamdughunyikia Paulo, bhekighamba iti ibhi bhindu bhyokie ni kididi. ¹⁰ Liwali ememurongie Paulo ighaza nesa atete, Paulo akatalua,''Nitisibhe iti hena miaka miingi waoka mchwua chila isanga ili, nina luizirihio kukutinda mi mwenye hako. ¹¹ Uidima kutisibha hena iti hesimebhetie kukela misi ikumi na miiri too nikweiye kuretasa Yerusalemu. ¹² Na bhemenikichije hena iyanda la itasi, nisikarambane na mundu wowose, na nisihirie lukaramba hena lutimi, na hena masinagogi na ndeni ya kighongo; ¹³ Na bhesiidime kubhonyesha hako madughunyiko emo bhedughunyika wanga yangu. ¹⁴ Kake niitikijia ili hako, iti hena zia iyo eyo bheitanga idhehebu , hena zia iyoiyo nioho nimuhiria Izubha ndima eye ni Izubha wa bhapapa bhetu mi ni mkididi hena bhyose ebhyo bhiwaho hena sharia na bhitamo bhya bharoti . ¹⁵ Nina ng'iria ilaila hakwe Izubha eyo hata abho nabho bhehobheuindie, kuza hena kufufulwa hena bhefuiye hena bhose bhena bhwedi na bhesina na bhwedi bhulabhula; ¹⁶ Na hena ili nioho nikutata nesa nioke na magheshijio emo mesina matekwa msongorana hakwe Izubha na msongorana ha bhandu kubhetia bhindu bhyose. ¹⁷ Iki ade ya miaka miingi naza kuete lughenjo hena isanga langu na tona ya bhibala. ¹⁸ Nimehire hubho, Bhayahudi bhasiku bha Asia bhakanikicha ndeni ya ngasu ya itasi la kuzerijwa ndeni ya iyanda la itasi, nisiokie na mbotu ya bhandu na hesena gonda. ¹⁹ Bhandu abha ebho bheinare kuoka msongorana hako iki hubhu na bhaghambe kila echo bheoho nacho wanga yangu iti bhena kiteto chochose. ²⁰ Kana bhandu abha bhenye na bhaghambe ni itekwa ani elo bhelibhonie hangu igheri ni imuke msongorana hena ngondi ya kiyahudi ; ²¹ Esibhwo iti ni hena wanga ya kindu kimwe echo nikitetie hena ngori nimeimuke ghati yabho,'ni hena wanga ya kufufulwa bhala bhefuiye nywi munidughunyikia.'' ²² Ade yake Feliki eye eokie atindiwa nezo hena wanga ya zia ii, akaterija matorano. Akaghamba, ''Lisia long'oni igheri enereza sii kufuma Yerusalemu ninerengola italuo wanga ya bhula bhundu muoho mumlaha wanga ya madughunyiko menyu.'' ²³ Niho akaazerija akida amrinde Paulo, kake aoke na bhuhuru na asireoke na mundu wa kubhaima bhambuya bhake bhasimghenje kana bhasimselie. ²⁴ Hena misi mitare, Feliki akahunduka na Drusila mchwake eye eokie ni myahudi, akangola ndumi Paulo aitangwe akamsikija kufuma hakwe bhundu bhuitikiji ebhwo bhuoho ndeni yake Kristo Yesu. ²⁵ Kake Paulo igheri eokie ekirukumana naye wanga ya bhwedi hena mhaka na kuchuiwa chila ekwo kunerezaa, Feliki akaingiwa ni fole akatalua,''tonga hae hena iki. Kake nikabhonia igheri waa, ninerekuitanga.'' ²⁶ Igheri iloilo, egheshijie iti Paulo emuinga kibala hena hubho emuitange kandu keengi akateta naye. ²⁷ Kake miaka miiri imebhetie, Porkio Festo akaoka liwali emefume Feliki, kake Feliki ekundie kuku izihija hena Bhayahudi,hubho akamshigha Paulo sii ya bhuyoyi.