¹ Na bhemebhetie hena bhighongo bhya Amfipoli na Apolonia, bhezie mhaka kighongo cha Thesalonike ewo heokie na iyanda la itasi la bhayahudi. ² Sa bhundu miikare yake Paulo, etongie habho, na hena igheri la msi mtatu ja sabato erukumane nabho wanga ya bhitamo. ³ Eokie ekibhajughuiya bhitamo na kubhatindia kuoka, imuinare Kristo abhwasike na ade afufuke waa kufuma hena bhefuiye.Ebhabhurie, ''Uu Yesu niohonibhabhura ndumi jake niye Kristo'' ⁴ Bhatare bhabhayahudi bhesingirijikena kugurana na Paulo na Sila, hamwezu na bhagiriki bhaisisiizubha, na bharongori bhabhacheku bhesioho bhatare. ⁵ Kake bhatare bhabhayahudi ebho bhesiitikijie,ebho bheizue luso, bhetongie kichinda na bhakabhaonja bhatare bha bhandu bhabhibhi, bhakabhika mbotu ya bhandu hamwe, na kubhokisha ngondo hakighongo, ade bhakaramia kaa yake Jasoni bhekikunda kubhagura Paulo na Sila nesabhabhaete msongorona ha bhandu. ⁶ Kake bhemebhasobhe, bhemugurie Yasoni na bhatare bha bhamndwetu bhengi na kubhatika msongorona ha bhabaha bha kighongo, bhekibigha bhekibigha kilozo,''Abha bhome ebho bhegharushe isanga bhafika mhaka nakunu bhulabhula, ⁷ Bhome abha ebho bheanjelwe ni Yasoni bheitiricha sharia yake Kaisari; bheho bheghamba hena Mfumwa ungi eitangwa Yesu'' ⁸ Mbotu na bhaha bha kighongo bhemeresikie bhindu ibhyo, bheingiwe ni kuikunari. ⁹ Ade bhemeoke bhakenja kuonja kibala cha mbucha cha bhurinji kufuma hake Yasoni na bhengi, bhebhashingirie bhatonge. ¹⁰ Kio icho bhamndwabho bhemtumie Paulo na Sila Beroya. Na bhemefike kula bhetongie hena iyanda la itasila bhayahudi. ¹¹ Bhandu bhala bheokie bhechee kukela bhala bhandu bha Thesalonike, hena wanga ya bhundu bhokie na kukuarehia kuuhia kiteto hena bhuongo bhwabho, nibhazeeri bha bhitamo kila musi nesa kubhona kicha bhiteto ibhyo bhitetiwe nihubho bhyoho. ¹² Hena hubho bhengi bhabho bheitikijie, bhekioka bhache bhena bhusingiriji bhubaha bhwa Kigirikina bhome bheingi. ¹³ Kake bhayahudi bha Thesalonike bhemetisibhe iti Paulo eoho echila kiteto chake Izubha uko Beroya, bhetongie uko na Kulinganya na ade bhekabhokesha ngondo hena bhandu. ¹⁴ Hena ungwangu, bhamndwabho bhekamtika Paulo hena zia ya ibhee, kake Sila na Timotheo bhakashighwa hala. ¹⁵ Bhala ebho bhemtikie Paulobhetongie nayemhaka Athene. Bhememshighe Paulo uko, bheuhie maazerijo kufuma hakwe iti, Sila na Timotheo bhaze hakwe hena ungwangu bhunduidimika. ¹⁶ Na igheri ebhaindie uko Athene, ngoro yake ireghijwe ndeniyake hena bhundu ebhwonie kighongo bhundu kiizue bhibhuri bhiingi. ¹⁷ Hubho bhakaarehiana hena iyanda la itasi na bhayahudi bhala ebho bhemuisisa Izubha na hena bhala bhose bhetorane nabho kila msi hakichinda ¹⁸ Kake bhatare bha bhafufunyi bha Bhaepikurea na Bhastoiko bhakabhetiana. Na bhengi bhakaghamba,''Ni kini ehoekighamba uu mchili mnana/ Bengi bhakaghamba, ''Ibhonekana ehoechila wanga yake Izubha mgheni,'' Henabhula echila wanga yake Yesu na kufufulwa. ¹⁹ Bhakamuonja Paulo na kumuete Areopago, bhekighamba, ''tuidima kutisibha ama malosha masha emo ohoutinda/. ²⁰ Hena bhula uohouwete bhindu bhisha hena masikio metu. Hena hubho tukundie kutisibha ibhi bhindi bhina mbucha ani./'' ²¹ [Na bhandu bhose bha Athenehamwe na bhagheni ebhobheho habho, bhenaonja igheri labho hengi hena kuteta na kusikija wanga ya kindu kisha.] ²² Hena hubho Paulo akaimuka ghatighati ya bhundu bha Areopago na kughamba,''Enywi bhandu bha Athene, nibhona kuoka nywi ni bhandu bha dini hena kila zia, ²³ Ikio hena kubhetia kwangu na kuyowa bhindu bhyenyu bhya kutasa, nabhona bhiteto ebhyo bhitamiwe hena imwe la inolaitasi lenyu, bhikighamba ''HENA IZUBHA ESITISIBHIKANE.'' Hubho raa, uo muohomumtasa esibhokutisibha, niye niohonibhatisibhija nywi. ²⁴ Izubha eye elungie isanga, hena kuoka na kila kindu echochoho na isanga,hena kuoka ni Mfumwa wa wanga na sii, esiidima kuikaa hena mayanda maitasi emomearehwe na maghaza. ²⁵ Na bhulabhula esihiriwa na maghaza ma bhandu saiti hena echo ekundie henyu, ikio ye mwenye enabhainga bhandu bhumoo na mruke na bhindu bhyose. ²⁶ Kubhetia mundu mmwe, earehe masanga mose mabhandu ebhobheikaa wanga ya bhusho bhwa isanga, na akabhabhikia igheri na mihaka hena mashighati emo bhenaika. ²⁷ Hena hubho,bhekundikane kumuenda Izubha, na hengi bhamfikie na kumkicha,na hena bhukididi esioho hae na kila mwezu wetu. ²⁸ Amu hakwe tuohomoo, na tuohotubhata na kuoka na bhumoo bhwetu, sa bhundu bhula mbhini wenyu mwezu wa rebheta eghambie,'tu bhabhonwa bhake.' ²⁹ Hena hubho, ikaoka swi ni bhabhonwa bhake Izubha, tusiinare kugheshijia kuoka uizubha ni sa arera, kana shaba, kana manoo,kibhuri echochasongoiwa hena bhuaria na magheshijio ma bhandu. ³⁰ Hena hubho, Izubha ehujie igheri lila la bhutukuzi, kake iki ehoeazerija bhandu bhose kila handu bhauhie kuchuamti. ³¹ Ii ni hena bhula abhika msi ewo echuiya chila isanga hena kuinara hena mundu eye emsaghure. Izubha engolie bhukididi bhwa mundu uu hena kila mundu hala emeremfufule kufuma hena bhefuiye. ³² Na bhandu bha Athene bhemesikie wanga ya kufufulwa hena bhefuiye, bhatare bhabho bhakamdaisha Paulo, kake bhengi bhakaghamba ''Tukusikija kingi hena mitetire ii na kindu iki''. ³³ ''Mbai na aho, Paulo akabhashigha, ³⁴ Kake bhatare bha bhandu bhegurane naye bhakaitikijia,ekioka Dionisio Mwareopago,na mwanawakiche eitangwa Damari na bhengi hamwezu nabho.