¹ Iki bhandumi na bhamndwetu bhala bheokie uko Yudea bhesikie iti bhandu bha masanga bheuhie kiteto chake Izubha. ² Petro ekimeoke ehokwea kutoka uko Yerusalemu, lila ifio la bhandu bhetabhanwe bhakabhoka kumdaisha, ³ Bheghambie,''Wakuguranya na bhandu bhesitabhanwe na kula nabho!'' ⁴ Kake Petro ebhokie kubhatindia echo kifumirie hena bhundeni ebhabhura, ⁵ ''Neokie nikitasa hena kighongo cha Yafa, na nikabhona mabhono ma kindu kikiseya sii sa iseto libaha likisea kufuma wanga hena mbembe jake jose nne. Kikaseya hangu. ⁶ Nikiyoiye na kugheshijia wanga yacho. Nikabhona nyamao jina maghu maane ejo jinaikaa hena isanga na nyamao ja kititoni na nyamao jakusera na ndeghe ja wanga. ⁷ Niho nikasikia ngori iteta nami,'Bhuka, Petro ,siiza na ule!'' ⁸ Nikaghamba,'esi hubho, Mfumwa, hena amu momoni hangu hesimeingia kindu chochose echo kisishenete kana kijirare' ⁹ Kake ngori ikataluwa wa kufuma wanga, ''Kila echo Izubha akizerija, usikiitange kijirare.' ¹⁰ Ii ifumirie ndekero katatu, ade kila kindu kikaonjwa wanga wa. ¹¹ ''Yowa,''Igheri ilo bhandu bhatatu bheokie bheimuke msongorana hena Iyanda elo twookie; bheokie bheingiwe ndumi kufuma kaisaria kuza hangu. ¹² Ngoro ikaniazerija nitonge hamwe nabho, na nisibheterane nabho. Abha bhakundwa bhatandatu bhakatonga hamwe nami na tutongie hena iyanda la ula mundu. ¹³ Etubhurie bhundu emubhonie malaika eimuke ndeni ya iyanda lakwe eghamba,''Bhainge bhandu ndumi bhatike Yafa bharemuete simionieye izina lakwe lingi ni Petro. ¹⁴ Eneteta ndumi hako hena uo unerekijwa we na kaa yako yose. ¹⁵ Nimebhoke kuteta nabho, Ngoro mshenenete akaza wanga yabho sa bhundu etuziiye mbokoni. ¹⁶ Nikagheshijia bhiteto bhyakwe Mfumwa ebhyo eghambie, ''Yohana ebatize hena mbombe,'kake nywi mnebatizwa hena Ngoro mshenenete.'' ¹⁷ Ubho ikaoka Izubha ebhaingie kiingwa kilakila echoetuingie swi tumemuitikijie Mfumwa Yesu Kristo, mi neokie ani, iti niidime kumkinda Izubha? ¹⁸ Bhemesikie bhindu ibhi, bhesitaluwe chochose, kake bhakamuisisa Izubha na kughamba,''Hena hubho Izubha angola kushighiwa hena bhuzima hena bhandu bha masanga bhulabhula. ¹⁹ Hena hubho bhaitikiji ebho bhezarike hena bhwasi bhubhokie hena kifwa chake Stephano bhezarike kufuma Yerusalemu bhakararia muhaka Foinike, Kipro na Antiokia, bhekikichila kiteto kake hena Bhayahudi tiki. ²⁰ Kake bhatare bhabho bhandu kufuma Kipro na Krene, bhezie Antiokia na kuteta na Bhayunani na kubhachilia bhuchili wanga yakwe Mfumwa Yesu. ²¹ Na mkono wake Mfumwa wookie hamwe nabho na bhandu bheengi bheitikijie na bhekamgharukia Mfumwa. ²² Rebho ibhatara ikabhafikia hena masikio mabho hena iyanda la itasila yerusalemu na akaingija ndumi hakwe Barnaba atonge mhaka Antiokia. ²³ Ekinaze na kubhona mvono wake Izubha eizirihiwe, na akabhagera ngoro bhose kushighwa na Mfumwa hena mikundire ya ngoro. ²⁴ Kuoka iti eokie mundu wedi na eizujwe na Ngoro Mshenenete na ena bhuitikiji na bhandu bheengi bhekakumbika hakwe Mfumwa. ²⁵ Ukoade Barnaba akatonga Tarso kumuenda hena nezo Sauli. ²⁶ Emembhone, akamuete Antiokia. Ikaoka hena igheti la mwaka mzima bhakakomboghanyika hamwezu na iyanda la itasi na bhekalosha bhandu bheengi. Na bhaloshwa bhakaitangwa mboko bhakristo bha uko Antiokia. ²⁷ Iki hena misi ii bharoti bhakasea kufuma Yerusalemu muhaka Antiokia. ²⁸ Mmwe wabho, ni Agabo hena izina, akaimuka na akabhonywa ni Ngoro iti kuoka zaa mbaha inerefumiria isangeni hose. Ii ifumie igheri la misi yake Klaudio. ²⁹ Hena hubho bhaloshwa kila mmwezu bhuundu etasiwe bhekaitikijanya kutika lughenjo ha bhakundwa bheeho Uyahudi. ³⁰ Bhehirie hubho; bhekaingija kibala hena ighaza lake Barnaba na Sauli.