¹ "Kpwa kukala ufalume wa mulunguni ufanana na mwenye munda wa mizabibu arelamuka madzacha sana kukodisha ahenzi kazi mwakpwe mundani. ² Baada ya kpwelewana na ahenzi kazie mushahara wa denari mwenga, achimvahuma kpwakpwe mundani. ³ Achombola keheri masaa mahahu baadaye achona ahenzi kazi anjine mvemire bule sokoni. ⁴ Achimvamba, "Mwimwi namwi, endani mundani kpwangu kpwenye mizabibu, nami nindamvapa chiricho hachi." Namvo pia mvachenda henda kazi. ⁵ Baada ya masaa sita, achombola keheri na pia baada ya masaa chenda achihenda dza vivyo. ⁶ Mara injine keheri baada ya masaa kumi na mwenga achombola achenda ona anjine mvemire bule bila kazi. Achimvamba, 'Mbona mwemire tu haha bule siku nzima?' ⁷ Mvachimwamba, "Kpwa kukala kakuna adzehajiri." Achimvamba, 'Mwimwi namwi endani kpwenye munda wa mizabibu.' ⁸ Dziloni irihofika, mwenye munda achimwambira munyaparawe, 'Mvehe ahenzi kazi osi umvarihe kpwanzira arekudza mwisho mpaka arekudza wa kpwanza.' ⁹ Ahenzi kazi mvarihokudza saa kumi na mwenga, chila mumwenga wao achihochera dinari mwenga. ¹⁰ Mvarihofika mvara mvario ajiriwa a kpwanza, mvachifikiria mvandarihiwa zaidi, ala mvamvo namvo mvachirihiwa iyo dinari mwenga chila mutu. ¹¹ Mvariho hochera pesa zao, mvachimulalamira mwenye munda. ¹² Mvachamba, 'Mvamva mvadziokudza mwisho mvahenda kazi kpwa saa mwenga hacheye, ala udzimvahenda hukale sawa, sisi hudzio henda kazi ya siku nzima tsini ya dzoho kali.' ¹³ "Ala mwenye munda achimjibu mumwenga wao achimwamba, 'Musena, sidzakukosera. Je kahwelewanire mariho ni dinari mwenga kpwa kazi undiyo henda? ¹⁴ Hala cho chiricho chako na uhauke. Nitsagula mwenye kuapa mvamva ahenzi kazi mvadziokudza mwisho mushahara sawa na mwimwi. ¹⁵ Je si hachi na sheria kpwangu kuhenda vyo nimalavyo na changu? Ama una wivu kpwa kukala nina mbazi?' ¹⁶ Kpwa vivyo wa mwisho andakala wa kpwanza, na wa kpwanza andakala wa mwisho." (Chitabu cha kapindi kachina, 'anji mvehewa, ala achache mvachitsagulwa'). ¹⁷ Jesu arihokala waambuka Jerusalemu, achiahala anafunzie kumi na airi kanda, njirani achimvambira, ¹⁸ "Lolani, henenda Jerusalemu, na Mwana wa Adamu andalaviwa kpwa makuhani akulu na andishi. Mvandamuhukumu chifo ¹⁹ na mvandamulavya kpwa mataifa mvamuhukane na kumuchapa, kisha mvamusulubishe. Ala siku ya hahu andafufuka." ²⁰ Mameye ana a Zebedayo mvachimutua Jesu hamwenga na anae. Achimu mitira mavindi mbereze, achimuvoya. ²¹ Jesu achimuuza, "Wamaladze?" Achimujibu, "Amuru mvamva anangu airi, mvakasagale, mumwenga mukono wo wa kulume, mumwenga mukonowo wa kumotso, kahi za ufalume wa kpwako." ²² Ala Jesu achimujibu achimwamba, "Kumanya uwe cho uchivoyacho. Je, una uwezo wa kunwa cho chikombe ambacho si kure kuchinwa?" Mvachimwamba, "Hundaweza." ²³ Achimvamba, "Chikombe changu ndio mundachinwa. Ala kusagala mumwenga mukono wa kurya, mumwenga mukono kumotso, si rangu kumvapa, ala ni kpwa mvaratu ambamvo mvadzitengezerwa ni Paba." ²⁴ Mvara anafunzi anjine kumi mvariho sikira vivyo, mvachiatsukirirwa mvo ndugu airi. ²⁵ Ala Jesu achimveha kpwakpwe achimvamba, "Mwamanya kukala atawala a mataifa nikuati-isha na akulu ao nikuhenda mamulaka dzulu yao. ²⁶ Ala ni isikale vivyo kahi yenu. Badalaye, yoyosi amalaye kukala mubomu kahi yenu lazima akale muhumiki wenu, ²⁷ na yoyosi ahenzaye kukala wa kpwanza kahi yenu lazima akale muhumiki wenu, ²⁸ Dza here vyo Mwana wa Adamu kadzire kuhumikirwa, bali kuahumikira, na kuulavya uzimawe here sadaka kpwa anji." ²⁹ Mvarihokala mvombola Jeriko, kundi ra atu mvachimutua. ³⁰ Hekala hana vipofu airi mvasegere kandakanda ya barabara. Mvariho sikira Jesu wachira, mvachipiga kululu, mvacheha, "Bwana, Mwana wa Daudi, honere mbazi." ³¹ Kundi ra atu mvachia chemera, mvachimvamba mvanyamale, ala mvezidi kupiga kululu, "Bwana, Mwana wa Daudi, honere mbazi." ³² Jesu achema, achimveha achimvauza, "Mwamala nimvahenderedze?" ³³ Mvachimwamba, "Bwana, havoya kukala matso gehu gafuguke." ³⁴ Jesu, achidzalwa ni mbazi, achimvaguta matso, dakika iyo mvachipata kona nao mvachimutua.