¹ Wakati Jesu ariho marikiza maneno gaga, achuka Galilaya achenda sehemu za Juda ambayo i mbere ya muho wa Joridani. ² Makundi mabomu mvachimutua naye achimvahoza. ³ Mafarisayo mvachimutua, mvachimuza, "Je, ni hachi mutu kutaliki muchewe kpwa chisingbwa chochosi?" ⁴ Jesu achimvajibu achimvamba, "Kamudzasoma mwi kukala ye ariye mvaumba kula mwanzo wemvaumba muche na mulume? ⁵ Ariye mvaumba pia achamba, 'Kpwa sababu ii, mulume andamvaricha pabaye na mameye agbwirane na muchewe, na airi mvamvo mvandakala mwiri mumwenga?' ⁶ Kpwa vivyo kamvanda kala atu airi keheri, bali ni mwiri mumwenga. Kpwa vivyo, chidzicho gbwizanywa ni Mulungu, mutu yoyosi asichigavye." ⁷ Mvachimuza mvachimwamba, "Mbona bai, Musa wehamuru humvape cheti cha talaka na humvainge?" ⁸ Jesu achimvamba, "Kpwa ufu wenu mioyoni, Musa wemvaruhusu kutaliki ache enu, ala kula mwanzo yekala sevyo. ⁹ Namvambira, yoyosi atalikiye muchewe, isokala kpwa chisingbwa cha uzinzi na ahale muche munjine, wazini. Naye andemuhala iye mwanamuche adzerichwa naye wazini." ¹⁰ Anafunzi mvachimwambira Jesu, "Ichikala iyo ndo hali irivyo kahi za mutu na muchewe, be si tototo mutu kuhala.' ¹¹ Ala Jesu achimvamba, "Si chila mutu waweza kukubali neno riri, isihokala mvo mvaro ripewa. ¹² Kpwa kukala kuna matoashi mvaro vyalwa vivyo kula kpwa mamezao na kuna matoashi mvaro hendwa matoashi ni adamu, na pia kuna matoashi mvaro dzihenda enye matoashi kpwa chisingbwa cha kumala ufalume wa mulunguni. Awezaye kuhochera fundisho riri, arihochere." ¹³ Kisha Jesu achireherwa ahoho atite ili aweze kumvaikira mikono amvavoyere, ala anafunzie mvachiachemera. ¹⁴ Ala Jesu achamba, "Mvaricheni ahoho mvadze kpwangu, wala musimva zuiliye, kpwa kukala ufalume wa mulunguni ni wa atu dza mvamvo." ¹⁵ Achimvaikira mikono ahoho, halafu achihauka haho. ¹⁶ Mutu mumwenga achimutua Jesu achimuza, "Mwalimu, ni hicho chidzo cha kukala ni lazima nichihende ili nikaweze kurithi uzima wa milele?" ¹⁷ Jesu achimujibu, "Mbona wanuza nihicho chidzo? Mumwenga hacheye ndiye mudzo, ala kala wamala upate uzima wa milele, tua malakizo ga Mulungu." ¹⁸ Achimuza keheri, "Ni malakizo higo?" Jesu achimujibu achimwamba, " Usolage, usizini, useye, usikenge, ¹⁹ muheshimu pabayo na mameyo, muhenze jirani wa kpwako here uwe mwenye." ²⁰ Chijana achimwamba, "Gago gosi nikala nichigahenda. Ni hicho keheri chinjine?" ²¹ Jesu achimwamba, "Uchimala ukale mukamilifu, enda, kakuze chila chiricho chako, gavira masikini, nawe undakala na mali mulunguni; halafu udze henende." ²² Ala chijana iye ariho sikira maneno ga Jesu, Achuka achenda na huzuni, kpwa kukala wekala ana mali nyinji. ²³ Jesu achimvamba anafunzie, "Ujeri namvambira, ni vifu sana kpwa tajiri kpwenjira kahi za ufalume wa mulunguni. ²⁴ Keheri namvambira, ni rahisi kpwa ngamia kuchirira tundu ya sindano kuriko mutu tajiri kpwenjira kahi za ufalume wa Mulungu." ²⁵ Anafunzi mvariho sikira vivyo, mvachangalazika sana mvachuza, "Be ni hiye andiyeokoka?" ²⁶ Jesu achimvalola achamba, "Kpwa adamu, kaiwezekana, ala kpwa Mulungu, vyosi vyawezekana." ²⁷ Petero achimuza, "Lola Bwana, hudziricha chila chitu kpwa kukutua uwe. Hundapatani?" ²⁸ Jesu achimvamba, "Ujeri namvambira, iye anituaye mimi kahi za chivyazi chichi chisha, wakati Mwana wa Adamu andiho sagala kahi za chihi cha enzi, mwimwi ambao mukala muchinitua namwi mundasagala kahi za vihi kumi na viri vya enzi, kuhukumu makabila kumi na mairi ga Israeli. ²⁹ Chila ariye richa nyumbaye, nduguze achilume na achiche, pabaye, mameye, ana, ama mundawe kpwa mimi andahochera mara gana zaidi na andaurithi uzima wa milele. ³⁰ Ala anji mvario ni a kpwanza mvandakala a mwisho, na amwisho mvandakala a kpwanza.