¹ Jesu achenjira kpwenye mashuwa, achivuka achenda ariko kala achi ishi. ² Mvachi muhirikira mutu ariyekala yuholoza alazwa chitsekani. Ariho yona imani yao, Jesu achimwambira ye mukongo, "Mwanangu, farijika, dambizo zisamehewa." ³ Kahi za alimu a sheria mvachuzana enye kpwa enye, "Yuyu mutu wakufuru." ⁴ Jesu achimanya maazo gao achi mvauza, "Kpwa noni mwa-aza mai kahi za mioyo yenu?" ⁵ Nihicho chiricho rahisi kuchinena, "Dambizo zisamehewa' ama, 'Uka, wenende?' ⁶ Ala ni kpwa kukala mumanye Mwana wa Adamu anawo uwezo wa kusamehe dambi..." Achimwamba ye mukongo, "Uka, hala tandikozo wenende kpwako mudzini." ⁷ Ndiho yuya mukongo achuka, achenenda kpwakpwe. ⁸ Makutano variho ona gago, vachangalazika mvachimupa nguma Mulungu, aremvapa uwezo uwo atu. ⁹ Jesu arihokala wachira kula haho, achona mutu wehewa Matayo yusegere kpwenye banda ra mutoza ushuru. Achimwamba, "Nitua." Achuka, achimutua. ¹⁰ Jesu ariho sagala kurya chakurya mudzini, mvachidza atoza ushuru hamwenga na enye dambi mvachirya hamwenga. ¹¹ Mafarisayo mvario ona gaga, mvachi auza anafunzi, "Kpwa noni mwalimu wenu warya hamwenga na atoza ushuru na enye dambi?" ¹² Jesu ariho gasikira gago, achamba, "Atu mvario na afya mbidzo kamvamuhitaji muganga, isihokala mvario akongo. ¹³ Kadzifundisheni na mukaririkane maana ya maneno gaga, "nahenza mbazi si dhabihu." Kpwa kukala nekudza, si kpwa enye hachi mvatubu, ala kpwa enye dambi." ¹⁴ Ndiho anafunzi a Johana mubatizaji mvachimutua, mvachimwamba, "Mbona sino na Mafarisayo hafunga saumu, ala anafunzio kamvafunga?" ¹⁵ Jesu achimvamba, "Je, asindikizi a muharusi mvaweza kukala na huzuni Bwana harusi akalaho hamwenga namvo? Ala siku zadza ambazo Bwana Harusi andahalwa, haho ndiho mvandafunga. ¹⁶ Kakuna mutu ashonaye chiraka cha nguo mbisha kpwenye nguo ya kapindi, chiraka chicho chinda tarura zaidi iyo nguo ya kapindi. ¹⁷ Uchi musha kawenjizwa kpwenye ngabe ya kapindi. uchi-ikpwa, unda yahula iyo ngabe ya kapindi nawo undamwagika. Badalaye, uchi musha ni wikpwe kpwenye ngabe mbisha, ndo uchi na ngabe zikale salama. ¹⁸ Jesu arihokala achimvambira maneno gago, afisa mumwenga achidza achimu sujudia achimwamba, "Mwanangu wa chiche adzefa sasa vivi kare. Ala nzo umwikire mukono naye andaishi keheri." ¹⁹ Ndiho Jesu achuka achimutua, hamwenga na anafunzie ²⁰ Mwanamuche arekala achombolwa mulatso kpwa muda wa miaka kumi na miiri, achidza hehi na Jesu achiguta fundo ra vazire. ²¹ Kpwa kukala weaza achamba, "Nichiguta vazire nami nindapata kuhola." ²² Jesu achigaluka achimulola, achimwamba, "Mwanangu, dzipe moyo, imaniyo idzikuhoza." Haho kare, mwanamuche achipata kuhola. ²³ Jesu arihofika nyumbani mwa yuyatu afisaa, naye wemvona apigaji tarumbeta na kundi ra atu mvario kala mvachipiga kululu. ²⁴ Jesu achamba, "Ombolani mumu, kpwa kukala yuyu mwana kadzafa, yurere. Ala, mvachi mutseka na kumu mvurya. ²⁵ Kundi ra atu mvariho ombozwanze, Jesu achenjira chumbani, achimugbwira mukono naye musichana achilamuka. ²⁶ Umvoro uu uchenera mudzi muzima. ²⁷ Jesu ariho kala yukulaa kuko, vipofu airi achilume vachimutua. Mvachitua kupiga kululu mvachamba, "Hakuvoya uhurehemu, Mwana wa Daudi." ²⁸ Chipindi Jesu arihokala yufika nyumbani kpwa ao vipofu, mvarekudza kpwakpwe, Jesu achimvauza, "Mwa amini kukala naweza kugahenda gano?" Mvachimujibu, " Ndevyo, Bwana." ²⁹ Ndiho Jesu achimvaguta matso na kpwamba, "Navikale vivyo kpwenu here imani yenu irivyo." ³⁰ Namvo matso gachifuguka. Ndiho Jesu achisisitiza na achimva amuru, "Hakikishani mutu yoyosi asirimanye dzambo riri rihendeka." ³¹ Ala, atu aa airi mvachuka na mvachi utangaza umvoro uwo lalo zima. ³² Ndiho mvara ana alume airi mvarihokala mvenenda zao, mutu mumwenga bubu ariyekala apagawa ni pepo achirehewa kpwa Jesu. ³³ Pepo mvariho mombola, yuyatu mutu bubu weanza kunena. Kundi mvachangalazika mvachamba, "Vivi kavidza hendeka kahi za lalo ra Israeli. ³⁴ Ala mafarisayo mvachamba, "Kpwa ni mubomu wa pepo, wamvainga pepo" ³⁵ Jesu achizunguluka kpwenye midzi na vijiji vyosi. Achenderera kufundisha atu kahi za Masinagogi achihubiri Injili ya ufalume na kuhoza makongo ga chila namuna. ³⁶ Wakati ariho lola kundi, naye achimvonera mbazi kpwa kukala mveyugika na kuvunzika mioyo. Mvekala here ng'onzi zisizo na murisa ³⁷ Naye achimvambira anafunzie, "Mavuno ni manji, ala ahenzi kazi ni achache. ³⁸ Vivyo bai, upesini mumuvoye Bwana wa mavuno, ili aweze kuhuma ahenzi kazi kpwa ajili ya mavunoge."