¹ Jesu achimveha anafunzie kumi na airi hamwenga, achimvapa mamulaka dzulu ya pepo achafu, kuachemera na kuomboza, na kuhoza aina yosi ya makongo. ² Madzina ga mitume ao kumi na airi ni gaga. Ra kpwanza ni Simioni (ariye pia wehewa Petero), na Andrea nduguye, Jakobo mwana wa Zebedayo na Johana nduguye: ³ Filipo, na Batolomayo, Tomasi na Matayo mutoza ushuru, Jakobo mwana wa Alifayo, na Tadeo, ⁴ Simioni mukananayo na Judasi Isikariyote ariye musaliti. ⁵ Mvamva kumi na airi Jesu wemvahuma. Naye achimverekeza achimvamba, "Musendeni sehemu mvaishio mataifa wala musenjireni kahi za midzi ya Asamaria. ⁶ Isokala enendani kpwa ng'onzi zirizo angamika za nyumba ya Isiraeli; ⁷ Na vyo mwendavyo, hubirini mwambe, "Ufalume wa mulunguni uhehi. ⁸ Hozani akongo, fufulani afadzi, asafisheni enye mahana, chemerani na kuinga pepo. Mwepewa bule, namwi lavyani bule. ⁹ Musihaleni dhahabu, alimasi au shaba kpwenye pochi zenu. ¹⁰ Musihaleni mikoba kahi za safari zenu, wala nguo za akiba, virahu ama ndata, kpwa kukala ahendaye kazi, kurya ni hakiye. ¹¹ Mudzi wowosi ama lalo mundiro enjira, kahi za nyumba, mutafuteni ambaye wasitahili na musagale haho mpaka siku ya mwisho ya ku-uka. ¹² Mundiho enjira nyumba ya mutu, lamusani. ¹³ Ichikala nyumba yasitahili, amani yenu naibaki haho. Ala, ichikala nyumba kaisitahili, amani yenu yuke hamwenga namwi. ¹⁴ Kpwa mvaratu mvasio muhochera mwimwi au kumusikiza maneno genu, wakati mwauka kahi za iyo nyumba ama uwo mudzi, kutani vumbi ra magulu genu hatu haho. ¹⁵ Ujeri namvambira, indakala baha kpwa mudzi wa Sodoma na Gomora siku ya hukumu kuriko mudzi uwo. ¹⁶ Lolani, namvahuma here ng'onzi kahikahi ya kuro a tsakani, kpwavivyo kalani na ulachu here nyoka na upore here magia. ¹⁷ Dzimanyirireni na atu, mvandamulavya kahi za mahakimu, na mvandamupiga kpwenye masinagogi. ¹⁸ Mundahirikpwa mbere za abomu na afalume kpwa ajili yangu, here ushuhuda kpwao na kpwa mataifa. ¹⁹ Chipindi mvandiho mushitaki, musikale na wasiwasi kpwa hali yani au kpwa hiro mundiro rinena, riro ra kunena mundaripewa haho. ²⁰ Kpwa kukala simwimwi mundio gomba ni Roho wa Paba yenu andenena ndanini mwenu. ²¹ Ndugu andamulavya nduguye afe, na Muvyazi andamulavya mwanawe. Ana mvandenda chinyume cha azazi ao na mva alondere vifo. ²² Namwi munda tsukirirwa ni chila mutu kpwa dzina rangu. Ala yoyosi andiye vumirira mpaka mwisho, mutu iye andokolwa. ²³ Mvachiatesa kahi za lalo mwenga, chimbirirani lalo rinjine kpwa ujeri namvambira, kamundaimala midzi ya Isiraeli kabla Mwana wa Adamu kuuya. ²⁴ Mwanafunzi kakala mubomu kumuriko mwalimuwe, wala mutumwa kukala dzulu ya Bwanawe ²⁵ Yatosha kpwa mwanafunzi akale here mwalimuwe, na mutumishi akale here Bwanawe. Ichikala mvamweha Bwana wa nyumba Belizabuli, ni kpwa chasi chani kutsupa mvandamvakashifu atu a nyumbani mwakpwe! ²⁶ Kpwa vivyo bai, musimvogohe ao, kpwa kukala kakuna dzambo ambaro karindafugulwa, na kakuna ririro fitsika ambaro karinda manyikana. ²⁷ Chiratu muchisikiracho chizani, muchigombe halamu, na muchisikiracho kpwa upore masikironi, muchitangaze ta dzulu ya nyumba. ²⁸ Musimva ogoheni mvaratu ambamvo mvaolaga mwiri ala kamvana uwezo wa kolaga roho. Badalaye, mogoheni yuyatu ambaye ana uwezo wa kpwangamiza (kolaga) mwiri na roho kuratu kuzimu. ²⁹ Je, kasuku airi kamvakuzwa senti chache? Hata vivyo, kakuna awezaye kugbwatsi bila Paba yenu kumanya. ³⁰ Ala hata idadi ya nyere zenu zetalwa. ³¹ Musogoheni, kpwakukala muna thamani bomu kuriko mashomoro. ³² Kpwa vivyo, chila mumwenga andiye nehika mbere za atu, nami pia ninda mwehika mbere za Paba yangu ariye mulunguni. ³³ Ala iye andiye nikahala mbere za atu, nami pia ninda mukahala mbere za Paba ariye mulunguni ³⁴ Musifikirini kukala nekudza reha amani urimwenguni. Sidzire reha amani bali upanga. ³⁵ Kpwa kukala nekudza muhenda mwana aminyane na Pabaye, mwana wa chiche aminyane na mameye na mukaza mwana aminyane na Mevyalaye. ³⁶ Hadui a mutu vandakala aratu a nyumbani mwakpwe. ³⁷ Iye amuhenzaye Pabaye ama Mameye zaidi kuniriko mimi, kanisitahili. Na iye amuhenzaye chijanawe ama bintiwe kunitsupa mimi pia kanisitahili. ³⁸ Iye ambaye kanda utsukula musalaba na kunitua mimi, kanisitahili. ³⁹ Iye athaminiye maisha anda gangamiza. Ala iye andiye angamiza maishage kpwa kunitua mimi andagapata. ⁴⁰ "Iye andiye mvakaribisha nyinyi, adzini karibisha mimi, na andiye nikaribisha mimi adzimukaribisha iye ariye nilakiza mimi. ⁴¹ Na iye andiye mukaribisha nabii kpwa sababu ni nabii, andahochera thawabu ya nabii. Na iye andiye mukaribisha mwenye hachi kpwa kukala ni mutu wa hachi, andahochera thawabu ya mutu wa hachi. ⁴² Yoyosi andiye mupa mumwenga wa atite aa, chikombe cha madzi ga peho kunwa, kpwa kukala ni mwanafunzi wangu, hakika namvambira kandakosa thawabu."