¹ Jesu ariho rona kundi, weuka achenda murimani arihokala asegere tsi anafunzie mvachidza kpwakpwe. ² Wefugula mulomowe achimva fundisha, achamba; ³ ''Mvahaswe mvario masikini a roho kpwa kukala ufalume wa Mulunguni ni wao. ⁴ Mvahaswe mvario na sumazi, kpwa kukala mvanda farijiwa . ⁵ Mvahaswe enye upore , kpwa kukala mvandairithi ntsi. ⁶ Mvahaswe enye nzala na chihu cha hachi, kpwa kukala ao mvanda ekushwa. ⁷ Mvahaswe enye mbazi kpwa kukala ao mvanda onerwa mbazi. ⁸ Mvahaswe enye roho mbidzo kpwa kukala mvandamona Mulungu. ⁹ Mvahaswe apatanishi, kpwa kukala ao mvandehewa ana a Mulungu. ¹⁰ Mvahaswe mvaratu mvateswao kpwa ajili ya hachi, kpwa kukala ufalume wa Mulunguni ni wao. ¹¹ Muhaswe mwimwi murio atu mvanda ahukana na kumvatesa, au kunena mai dzulu yenu na ulongo kpwa ajili yangu. ¹² Furahikiani na kushangilia kpwa kukala mariho genu ni mabomu dzulu Mulunguni, kpwa kukala vivi ndivyo atu mvarivyo mvatesa manabii mvario ishi mbere zenu . ¹³ Mwimwi mu munyu kahi za urimwengu, ichikala munyu utsuha ladhaye undawezadze kuhendwa munyu wa kukola keheri? Kauweza kukala mudzo kpwa chitu chochosi keheri. Isihokala ni utsuhiwe nze na kuvyogbwafyogbwa ni atu. ¹⁴ Mwimwi mu mulangaza wa urimwengu. Mudzi uriwo dzengwa dzulu ya murima kaufitsika. ¹⁵ Wala atu kamvasha taa na kuyika ndani ya chikahana, isihokala kpwenye chinara nayo yamvalangazira osi mvario ndani ya nyumba. ¹⁶ Richani mulangaza wenu ulangaze mbere za atu kpwa hali iriyo kpwamba mvagone mahendo genu madzo na kumulika Paba yenu ariye Mulunguni. ¹⁷ Musone kukala nikudza nibanange sheria wala unabii, sidzadza kubananga nikudza timiza. ¹⁸ Kpwa kukala ni ujeri namvambira kukala mpaka mbingu na dunia zosi zitsupe, kakuna yodi mwenga wala nukta mwenga ya sheria indauswa kahi za sheria mpaka haho chila chitu chindiho kala chihendwa. ¹⁹ Vivyo bai, yoyosi avunzaye amuri hata tite mwenga yaho ya amuri zizi na kumva fundisha anjine kuhenda vivyo andehewa mutite kahi za ufalume wa Mulunguni. ²⁰ Kpwa kukala namvambira hachi isiho tsupa hachi ya andishi na Mafarisayo, kpwa vyovyosi, kamundenjira kahi za ufalume wa mulunguni. ²¹ Mudzisikira genenwa kapindi kukala, ''Usolage'' na yoyosi olagaye yu kahi za hukumu; ²² Ala namvambira, yoyosi amutsukirirwaye nduguye andakala kahi za hatari ya hukumu. Na yoyosi ambaye, 'We mujinga!' andakala kahi za hatari ya moho wa kuzimu. ²³ Vivyo, uchikala womboza sadakayo kahi za madhabahu na wakumbuka kukala nduguyo ana dzambo rorosi rii nawe. ²⁴ Iriche iyo sadaka mbere za madhabahu, kisha hauke wenende. Kapatane kpwanza na nduguyo, kisha wuye womboze sadakayo . ²⁵ Elewana na mushitakiwo upesi uchikala hamwenga naye njirani mwenenda mahakamani, sevyo, mushitakiwo waweza kukuricha mikononi mwa hakimu, na hakimu akuriche mikononi mwa shikari, nawe undatsuhiwa chifungoni. ²⁶ Aminini namvambira, kundaweza kpwikpwa huru mpaka ho undiho lavya senti ya mwisho ya pesa udaiwayo. ²⁷ Mwesikira genenwa kukala 'musizini.' ²⁸ Ala namvambira, yoyosi amulolaye mwanamuche kpwa kumutamani yuzini naye kare moyoni mwakpwe. ²⁹ Ichikala dzitsoro ra mukono kulume rindakuhenda udzikpwale, ring'ole uritsuhe rikale kure nawe. Kpwa kukala baha chilungo chimwenga mwirini mwako chibanangike kuriko mwiri muzima utsuhiwe kuzimu. ³⁰ Na ichikala mukonowo wa kulume undakuhenda udzikpwale ukate u utsuhe kure nawe. Kpwa kukala baha chilungo chimwenga kahi za mwiriwo chibanangike kuriko mwiri muzima utsuhiwe kuzimu. ³¹ Genenwa pia, kukala yoyosi amwingaye muchewe, na amupe talaka ya kumuricha. ³² Ala mimi namvambira, yoyosi amurichaye muchewe, isihokala kpwa kosa ra zinaa amuhenda muzinzi, na yoyosi amuhalaye kula haho wahenda uzinzi naye. ³³ Keheri, muchisikira genenwa kpwa mvo a kapindi, 'Musilahe ulongo, isiho kala hirikani viraho vyenu kpwa Bwana. ³⁴ Ala, namvambira, musilahe hata chidogo ama kpwa mbingu kpwa kukala ni enzi ya Mulungu. ³⁵ Wala kpwa urimwengu, kpwa kukala ni hatu hakpwikpwa chihi cha kufyogera nyayoze, ama kpwa Jerusalemu, kpwa kukala ni mudzi wa Mufalume mukulu. ³⁶ Wala usilahe kpwa chitswacho, kpwa kukala kuweza kuhenda ta lujere lumwenga kukala lweruhe wala lwiru. ³⁷ Isihokala, maneno genu nagakale ga, 'Ndevyo, ndevyo au, sevyo, sevyo,' Kpwa kukala gazidigo gago, gala kpwa iye mui. ³⁸ Mwesikira gachinenwa kukala, 'Dzitso kpwa dzitso, na dzino kpwa dzino.' ³⁹ Ala mimi namvambira, musishindane na mutu mui; ala mutu achikupiga tsavu ra kulume mugaluzire na rinjine naro. ⁴⁰ Na ichikala yoyosi watamani kpwenda nawe mahakamani, akuhoke kanzuyo, murichire na joho ra kpwako pia. ⁴¹ Na yoyosi akulazimishaye kpwenda naye maili mwenga, enda naye maili mbiri. ⁴² Mupe yoyosi akuvoyaye, na usimuchimbire yoyosi amalaye kukukopa. ⁴³ Mwesikira gachinenwa, 'Muhenze jiraniwo na umutsukirirwe haduiwo. ⁴⁴ Ala namvambira, mumvahenze mahadui zenu, mvavoyereni ao mva atsukizao. ⁴⁵ Ili kpwamba mukale ana a Paba yenu ariye mulunguni kpwa kukala wahenda dzua ring'alire atu adzo na ai na wamvamwagira madzi ga mvula atu adzo na ai. ⁴⁶ Muchimvahenza mva-ahenzao mwimwi, mwapata thawabu yani? Kpwani mvatozao ushuru kamva gahenda go? ⁴⁷ Na muchi mvalamusa nduguzenu tu mwapatani kutsupa anjine? Je! atu a mataifa kamva gahenda go? ⁴⁸ Kpwa vivyo ni mukale akamilifu, here Paba yenu wa mulunguni arivyo.