¹ Siku tandahu ziriho tsupa, Jesu wemvahala Petero, na Jakobo na Johana nduguye, achenda namvo hata dzulu ya murima mure hachiyao. ² Wegaluzwa mbere zao. Usowe weng'ala here dzua, na nguoze zichoneka kung'ala here mulangaza. ³ Mara tu, weombolera Musa na Eliya mvachisumurira naye. ⁴ Petero achimujibu na kumwamba, "Bwana, ni vidzo kpwehu kukala haha. Chamba vinda kuhamira, nindadzenga haha vibanda vihahu-chimwenga chakpwako, chimwenga cha Musa na chimwenga cha Eliya." ⁵ Bado achere kunena, ingu reruhe richimvapa chivuri na gafula ichombola sauti kula na riro ingu ichamba, "Yuyu ni Mwanangu muhenzwi nihenzezwaye naye. Musikizeni iye." ⁶ Anafunzi mvariho sikira gago, mvachigbwa chifudifudi mvachenjirwa ni woga mubomu. ⁷ Kisha Jesu achidza achimvaguta na kumvamba, "Emani, musogohe." ⁸ Mvariho rungarara, kamvonere yoyosi munjine isokala Jesu Masihi hacheye. ⁹ Mvarihokala mvatima kula murimani, Jesu achimva amuru achimvamba, musiuneneni umvoro uu mpaka ho Mwana wa Adamu andiho fufuka kula kpwa afu." ¹⁰ Anafunzie mvachimuza, mvachamba, "Ni kpwa noni andishi mvamba Eliya ndiye andekudza wa kpwanza?" ¹¹ Jesu achimvajibu, achimvamba, "Ni vivyo. Eliya andakudza wa kpwanza na andaudzya mambo gosi. ¹² Ala namvamba vivi, Eliya wekudza kare, ala kamva mumanyire. Badalaye, mvemuhendera mambo mvahenzago enye. Hali iyo mwenga, Mwana wa Adamu ndivyo andivyo teswa mikononi mwao." ¹³ Ndiho anafunzi mvachimanya kukala wekala achigomba umvoro wa Johana Mubatizaji. ¹⁴ Mvarihofika kpwa kundi ra atu, mutu mumwenga achimutua, achimumitira mavindi, achamba, ¹⁵ "Bwana, monere mbazi mwanangu wa chilume, ana ukongo wa chifafa wateseka sana. Mara nyinji adzegbwa mohoni ama madzini. ¹⁶ Nemureha kpwa anafunzio, ala kamvawezere kumuhoza." ¹⁷ Jesu achimujibu achimwamba, "Chivyazi chisicho na imani na chiricho banangika, nindakala namwi ta rini? Murehe hano." ¹⁸ Jesu achichemera iye pepo, achimombola, chijana achihola saa iyo. ¹⁹ Anafunzi mvachenda kpwa Jesu chisiri mvachimwamba, "Kpwa noni kahuwezere kumomboza pepo?" ²⁰ Jesu achimvamba, "Sababu ya imani yenu chache. Kpwa kukala ujeri namvambira, ichikala mundakala na imani tite here tembe ya haradali, mundaweza kpwambira uu murima, 'Uka hano, enda hara,' nawo undasengera, wala kakuna chitu chindicho mvashinda. ²¹ (Ririkana: maneno ga musitari wa ishirini na mwenga "Ala, aina ii ya pepo kamvaweza kombola isihokala kpwa kufunga na kuvoya." kayonekana kahi za nakala bora za kapindi). ²² Wakati mva Galilaya, Jesu achimvambira anafunzie, "Mwana wa Adamu andenjizwa mikononi mwa atu. ²³ Mvandamolaga, ala siku ya hahu andafufuka." Anafunzie mvachigbwirwa ni huzuni muno. ²⁴ Mvarihofika Kaperinaumu, atu mvakusanyao kodi ya nusu shekeli mvachimwendera Petero mvachimwamba, "Je, mwalimu wenu ni kuriha kodi ya nusu shekeli?" ²⁵ Achamba, "Ndevyo." Petero ariho enjira ndani ya nyumba, Jesu achigomba na Petero kpwanza achimwamba, "Je, wambadze Simioni? Afalume a dunia, niku kusanya ushuru na kodi kula kpwa ani? Kula kpwa mva-atawalao ama kula kpwa ajeni?" ²⁶ "Kula kpwa ajeni," Petero achijibu. "Kpwa vivyo Atawalwa mvahuru," Jesu achamba. ²⁷ Ala, ndo husiahende akusanyaji ushuru mvakahenda dambi, enda baharini, tsuha ndoano, samaki undemugbwira wa kpwanza momboze. Undiho ufugula mulomowe, undaona mumo shekeli mwenga. Ihale, umvape atoza ushuru kpwa ajili yehu uwe na mimi.